Ինչպես ինքնուրույն լուսանկարել ուտեստները՝ օգտագործելով հեռախոսը
Ձեր առջև քայլ առ քայլ ուղեցույց է հեռախոսով ուտեստների ինքնուրույն լուսանկարահանման մասին։
Հուսով ենք, որ ուղեցույցն իսկապես օգտակար կլինի ձեզ համար։
Պատրաստվում ենք նկարահանման
Տեսախցիկով հեռախոս է պետք. հարմար է
ցանկացած սմարթֆոն։ Ավտոմատ լուսաբռնկումը հարկավոր է անջատել, այնուհետև մաքրել
տեսախցիկը։
Ավելի լավ է նկարահանել ամպամած եղանակին, պատուհանի մոտ գտնվող սեղանին. դա ապահովում է փափուկ, ցրված լույս։ Եթե փողոցում պայծառ արև է, ավելի լավ է սեղանը տեղափոխել կիսաստվեր։
Կարող է լինել մաքուր փայտե սեղանածածկ կամ ֆոտոֆոն. ֆոտոֆոնն ավելի լավ է ընտրել միատոն՝ առանց բարդ նախշերի։
Սպասքը պետք է լինի մաքուր՝ առանց բեկորների և կեղտաբծերի։
Ուտեստները պատրաստեք նախապես, բայց ոչ շատ շուտ. այնպես, որ դրանց նախնական տեսքը չփոխվի։
Օգտագործեք հեռախոսի եռոտանի կամ այլ կանգնակ, որպեսզի ֆիքսեք տեսախցիկը։
Կադրավորում
Ուտեստը պետք է լինի կադրի անմիջապես կենտրոնում։
Ափսեն հարկավոր է պտտել այնպես, որ հիմնական բաղադրիչն առջևում լինի, իսկ խավարտը՝ հետևում։
Որպես դեկոր կարող եք օգտագործել
չեզոք գույնի, առանց նախշերի կտորե անձեռոցիկ. այն կարող է դրվել հիմնական ուտեստի հետևում կամ կողքին։
Խորհուրդ չի տրվում որպես դեկոր օգտագործել այլ ուտեստներ և բաղադրիչներ. դեկորը պետք է ծառայի որպես կոմպոզիցիայի լրացում, ոչ թե մոլորեցնի։
Կադրում չպետք է լինեն այնպիսի օբյեկտներ, որոնք չեն վերաբերում ուտեստին կամ դեկորին։
Ընտրում ենք նկարահանման դիտանկյուն
Եթե նկատել եք, որ ֆոնը շեղում է ուշադրությունը (տեսանելի են պատերը, պաստառները, պատուհանները և այլն), ապա վերևից նկարեք ուտեստները՝ 90 աստիճանի անկյան տակ, ինչպես «լուսանկար 1»-ում է։
Եթե ֆոնը թույլ է տալիս, և դուք նկարում եք, օրինակ, աղցաններ, պիցցաներ, ապուրներ, շաուրմա, աղանդեր և այլն, ապա այս կատեգորիայի ուտեստները կարող եք նկարել 45 աստիճան դիտանկյունից, ինչպես «լուսանկար 2»-ում է։
Եթե նկարում եք բուրգերներ և շշալցված ըմպելիքներ/ թափանցիկ ապակուց բաժակներով ըմպելիքներ, ապա խորհուրդ ենք տալիս նկարել 0 աստիճանից, ինչպես «լուսանկար 3»-ում և «լուսանկար 4»-ում։
Եթե ունեք հեռախոսի եռոտանի, ամրացրեք հեռախոսը ճիշտ դիրքում և նկարեք նշված դիտանկյուններից։
Լուսանկարում ենք ուտեստներ
Հեռախոսը պետք է պահել հորիզոնական դիրքով։
Նմանատիպ ուտեստներն ավելի լավ է նկարել մեկ դիտանկյունից. ուտեստների մեծամասնության համար հարմար է 45 աստիճանը (ինչպես աջ կողմի լուսանկարում)։
Կադրում պետք է հայտնվի ուտեստով սպասքը և դեկորը։.
Կիզակետում պետք է լինի հիմնական ուտեստը. դա անելու համար, սովորաբար, դուք պետք է սեղմեք հեռախոսի էկրանի ճիշտ հատվածում (ինչպես աջ լուսանկարում է)։
Այն բանից հետո, երբ լուսանկարներն արված լինեն, խորհուրդ ենք տալիս ստուգել յուրաքանչյուր լուսանկարի հստակությունը և անհրաժեշտության դեպքում կրկին նկարել։
Լուսանկարում ենք ըմպելիքներ
Ըմպելիքների համար դեկոր կարելի է չօգտագործել։
Թափանցիկ ապակուց պատրաստված բաժակներն ու շշերը նկարվում են 0 աստիճանի տակ։ Համոզվեք, որ ֆոնը չի շեղում ուշադրությունը (լուսանկար 1)։
Բաժակներով ըմպելիքները նկարվում են 45 աստիճանի անկյան տակ, որպեսզի տեսանելի լինի բաղադրությունը (լուսանկար 2)։
Տարածված բրենդային ըմպելիքների լուսանկարները կարելի է ներբեռնել մեր շտեմարանից
Ստուգեք ստացված լուսանկարները
Բոլոր լուսանկարները հորիզոնական են, հստակ և ոչ լղոզված։
Լուսանկարվել են բոլոր անհրաժեշտ ուտեստներն ու ըմպելիքները։
Կադրում ոչ մի ավելորդ բան չի հայտնվել։
Նույն կատեգորիայի ուտեստները (ապուրներ / բուրգերներ և այլն) նկարվել են միևնույն դիտանկյունից։
Քայլ առ քայլ վիդեոուղեցույց ռուսերեն լեզվով
Եթե ունեք հարցեր և ցանկություններ այս ուղեցույցի վերաբերյալ, գրեք մեզ «Տեխաջակցություն» բաժնի միջոցով անձնական հաշվում։
Yandex Eats-ը տեղեկատվական ծառայություն է։ Առաքումն իրականացնում են ծառայության գործընկերները կամ ռեստորանները։ Առաքման գոտին, ժամանակը և ռեստորանների առաջարկները սահմանափակ են։

© 2021 Yandex
Mon Feb 24 2025 16:15:18 GMT+0300 (Moscow Standard Time)