Տարբեր խոհանոցների լուսանկարներ
Սիրված ուտեստների որակյալ լուսանկարներն օգտատիրոջ մոտ ախորժակ և ցանկություն են առաջացնում ինչ-որ համեղ բան պատվիրելու իր սեղանի համար։
Այս բաժնում կպատմենք, թե ինչպես կարելի է լուսանկարներում առավել շահեկան տեսանկյունից ներկայացնել սիրված ուտեստները և խոհանոցները։ Խորհուրդները վերաբերում են տարբեր տեսակի խոհանոցների, բայց արդիական են ուտեստների մեծ մասի համար։
Ընդհանուր կանոններ.

Ուտեստը պետք է հստակ երևա.

Ավելի լավ է նկարահանել պատուհանից ընկնող ցերեկային լույսի ներքո, ամպամած եղանակին. այդ կերպ լուսավորությունը համաչափ կլինի.

Առավել հաջող կետը նկարահանման համար 45 աստիճանն է։
Եվրոպական խոհանոց
Խորհուրդ ենք տալիս օգտագործել լուսավոր երանգներ՝ չեզոք սպասք, սեղան կամ ֆոն։ Չափազանց պայծառ դեկորը կարող է շեղել ձեր ուտեստից։
Ուշադրություն դարձրեք մանրամասներին. կանաչու ճյուղերը պետք է լինեն թարմ և կոկիկ դասավորված, իսկ թխվածքները՝ թարմ։ Խորհուրդ ենք տալիս պատրաստել ուտեստները հատուկ նկարահանման համար, նույնիսկ եթե դրանք հեռախոսով եք նկարում։
Պաստա
Կոկիկ տեղավորեք պաստան ափսեի մեջ և համոզվեք, որ սոուսի հետքեր չկան եզրերին։ Դրանից հետո ընտրեք դեկոր, որը գույնով համապատասխանում է ուտեստի բաղադրիչներին, օրինակ՝ կարմիր անձեռոցիկներ։ Պաստայի դեպքում կարելի է օգտագործել մուգ ափսեներ, որոնք կընդգծեն ուտեստի տեքստուրան։
Պաստայի դեպքում կիրառելի են նաև եվրոպական խոհանոցի նկարահանման վերաբերյալ խորհուրդները։
Պիցցա
Նկարեք պիցցան վերևից, երբ լույսն ընկնում է մի քիչ կողքից. այդ կերպ ավելի լավ են երևում լցոնը և պիցցան ամբողջությամբ։
Կարող եք ցույց տալ կտրված պիցցայի մի կտոր, որտեղ տեսանելի է խրթխրթան խմորը և լցոնը։ Օգտագործեք այս հնարքը, եթե պիցցայում շատ են բաղադրիչները, որոնք ուզում եք մանրամասն ցույց տալ։ Բայց հիշեք, որ այս դեպքում պետք է ցույց տալ կտորն ամբողջությամբ։ Եթե չափազանց մոտիկից նկարեք, օգտատիրոջ համար դժվար կլինի հասկանալ, որ նկարում հենց պիցցա է, ոչ թե մեկ այլ ուտեստ։
Բուրգերներ
Բուրգեր նկարելիս հիմնական տարրը բաղադրիչներն են։ Դրանք պետք է ախորժելի և գրավիչ տեսք ունենան. այդ կերպ օգտատերն ավելի հակված կլինի պատվիրելուն։.
Համոզվեք, որ լույսն ընկնում է ուղիղ բուրգերի վրա։ Ավելի լավ է նկարել կողքից, ոչ թե 45 աստիճանի անկյան տակ։
Շաուրմա
Շաուրմայի մեջ կարևոր է լցոնը. որպեսզի այն լավ տեսանելի լինի, անկյունագծով կտրեք ուտեստը։
Մի մոռացեք լույսի, անկյան և սեղանը դասավորելու մասին։ Դեկորը կախված է ձեր հաստատության հայեցակարգից, բայց հիշեք, որ լուսանկարում գլխավորը, այնուամենայնիվ, ուտեստն է։
Ազգային խոհանոց
Կովկասյան խոհանոցն ունի հարուստ, վառ և պաստելային երանգներով հագեցած ճաշատեսակներ, ուստի նկարահանման ժամանակ համոզվեք, որ սնունդը չի միաձուլվում ֆոնի հետ։ Եթե ուտեստը բարդ տեքստուրա ունի, նկարեք այն անկյունից, որտեղից մանրամասները կամ լցոնը լավ են երևում։
Սուշի
Սուշի և ռոլլեր նկարելիս հիշեք. սպիտակը պետք է մնա սպիտակ։ Եթե կադրում բրինձ կա, համոզվեք, որ այն ճիշտ երանգի է։ Գույնի աղավաղումը կարող է տեղի ունենալ, եթե նկարեք շիկացման լամպի կամ ցերեկային լույսի լամպերի ներքո։ Ավելի լավ է նկարահանել պատուհանից եկող ցերեկային լույսով։
Մանրամասները լուսանկարչական ապարատով կամ հեռախոսով ուտեստներ նկարելու մասին՝ լուսանկարահանման մեր ուղեցույցում:
Yandex Eats-ը տեղեկատվական ծառայություն է։ Առաքումն իրականացնում են ծառայության գործընկերները կամ ռեստորանները։ Առաքման գոտին, ժամանակը և ռեստորանների առաջարկները սահմանափակ են։

© 2021 Yandex