Yuk va joʻnatmalarni sugʻurtalash

2019-yil 29-avgustdan boshlab Yandex.Taxi xizmatining "Yuk mashinasi" va "Yetkazib berish" tariflari bilan tashiladigan yuk va joʻnatmalar 500 000 rublga sugʻurta qilingan.

"Yuk mashinasi" va "Yetkazib berish" tariflari sug‘urtasi qanday ishlaydi?

Mulkingiz sugʻurtasi haydovchi yoki kuryer yetib kelishi (Yetib keldim tugmasini bosishi) bilan amal qilishni boshlaydi va tashish yoki yetkazib berish yakunlanganidan (haydovchi yoki kuryer Yakunlash tugmasini bosganidan) keyin tugaydi. Yoʻlovchi buyurtmani bekor qilsa, sugʻurta amal qilishdan toʻxtaydi.

Agar Yandex.Taxi ilovasidan "Yuk mashinasi" tarifi orqali yuklovchilar bilan mashinaga buyurtma bergan boʻlsangiz sugʻurta yuk ortish va tushirish vaqti davomida amal qiladi.

Shunisi muhimki, "Yuk mashinasi" tarifida yuklarni tashish Yandex.Taxi hamkorlari tomonidan charter shartnomasi asosida faqat sizning kuzatuvingiz ostida amalga oshiriladi.

Sugʻurtaga nimalar kiradi

Sugʻurta yuk yoki joʻnatmaning shikastlanishi, nobud boʻlishi yoki yoʻqolishini qoplaydi. Sugʻurta barcha turdagi yuklarga nisbatan amal qilmaydi

Istisnolar:

  1. Oʻqotar, signalli, pnevmatik, gazli qurollar, oʻq-dorilar, sovuq qurollar (jumladan, otiluvchi qurollar), elektroshoker va uchqun razryadli qurilmalar, shuningdek, oʻqotar qurollarning asosiy qismlari.
  2. Giyohvand moddalar, psixotrop, kuchli taʼsirga ega, radioaktiv, portlovchi, zaharli, oʻyuvchi, oson alangalanuvchi va boshqa xavfli moddalar.
  3. Tirik va oʻlik hayvonlar hamda oʻsimliklar, odam tanasi qismlari va qoldiqlari, jumladan, kul, ishlov berilmagan hayvon terilari.
  4. Rossiya Federatsiyasi pul birligi va xorijiy valyuta (naqd pul), yoʻl cheklari, qimmatli qogʻozlar, bank yoki toʻlov kartalari, tilla va kumush quymalari, aksiz markalar.
  5. Immunobiologik preparatlar, biologik materiallar, qon.
  6. Badiiy boyliklar va buyumlar, antiqiy buyumlar, sanʼat asarlari (kartinalar, ikonalar, kitoblar, qoʻlyozmalar, haykallar va h.k.) koʻrgazma eksponatlari, toʻplamlar.
  7. Foto, audio, video va kinomateriallar, jumladan, pornografik materiallar.
  8. Nodir metal quymalari va buyumlari, qimmatbaho metal quymalari, qimmatbaho toshlar; zargarlik buyumlari.
  9. Suzuvchi vositalar, kemalar va yaxtalar, jumladan, kichik oʻlchamdagisi ham.
  10. Individual yoki zavod qadogʻiga ega boʻlmagan, toʻkib ortiladigan, agʻdariladigan va quyiladigan yuklar.
  11. Maxsus qadoqqa ega boʻlmagan shisha va shisha-chinni buyumlar.
  12. Intellektual mulk obyektlari (loyihalar, ishlanma, texnik hujjatlar, qoʻlyozmalar va h.k), axborot tashuvchi vositalar.
  13. Harbiy ahamiyatga ega yuklar.
  14. Yangi uzilgan meva, sabzavot, qoʻziqorinlar, rezavor mevalar.
  15. Avtomobillar (yuk tashuvchi, yengil, avtobuslar).
  16. Kichik hajmli va ogʻir vaznli yuklar.
  17. Maʼlum harorat ostida saqlanishi talab qilinadigan yuklar.

Bir sugʻurta holati yuzasidan barcha sugʻurta badali qiymati 500 000 rubldan oshmasligi kerak.

Narxi qancha

Sugʻurtalash bepul.

Sugʻurta qanday ulanadi

Rossiyada Yandex.Taxi xizmati orqali "Yuk mashinasi" va "Yetkazib berish" tariflarida berilgan barcha buyurtmalarga sugʻurta kiritilgan.

Qaysi holatlarda badal puli toʻlanadi

  1. Yuk yoki joʻnatmani tashish vaqtida YTH yuz berishi natijasida mulkka zarar yetdi.
  2. Yuk yoki joʻnatmani tashish vaqtida qadoqlash yetarli darajada boʻlishi bilan birga yuk siljishi natijasida yukka zarar yetganda.
  3. Yandex.Taxi orqali "Yuk mashinasi" tarifida xizmatga buyurtma berilganida yuk ortish va tushirish vaqtida tashuvchining aybi bilan yukka zarar yetkazilganida.
  4. Joʻnatmani "Yetkazib berish" tarifi orqali Yandex.Taxi hamkori tarafidan yetkazib berishda jo‘natma yo‘qolganida (kamomad) yoki shikastlanganida.

Badal pulini qanday olish mumkin

  1. Bizga murojaat qiling – nima yuz bergani haqida aytib bering, rasmni ilova qiling. Biz sizga maslahat beramiz va murojaatingizni sugʻurta kompaniyasiga yuboramiz.
  2. Agar zarar YTH vaqtida yuz bergan boʻlsa, DYHXI boʻlinmasida YTH muhokamasida ishtirok eting va maʼmuriy huquqbuzarlik haqidagi ish yuzasidan rasmiy qaror oling.
  3. Sugʻurta kompaniyasi xodimlari siz bilan aloqaga chiqishadi va badal pulini olish uchun kerak boʻlgan hujjatlarning aniq roʻyxatini berishadi.
  4. Sugʻurta kompaniyasi hujjatlarni olganidan keyin 2 hafta ichida sugʻurta hodisangiz yuzasidan qaror qabul qiladi va bank hisob raqamiga pul oʻtkazadi.

Badal pulini olish uchun qanday hujjatlar kerak

Hujjatlarning aniq roʻyxatini sizga sugʻurta kompaniyasi taqdim etadi.

Aksariyat holatlarda badal pulini olish uchun sizga quyidagilar aniq kerak boʻladi:

  • Sugʻurta badali olish haqidagi ariza
  • Mulkiga zarar yetkazilgan shaxsning shikoyat arizasi
  • YTH haqida hujjat
  • Zarar yetgan yuk surati

Batafsil shartlar bilan Sugʻurta kompaniyasi qoidalarida tanishib chiqish mumkin.

Bu eslatma ommaviy oferta emas. Agar sizda sugʻurta dasturi yuzasidan yana savollar boʻlsa yordam xizmatiga murojaat qiling.