Жүктөрдү жана жөнөтмөлөрдү камсыздандыруу

"Жүк ташуу", "Жеткирүү" жана "Курьер" тарифтеринде ташууларды камсыздандыруу кандайча иштейт?

Сиздин мүлкүңүздүн камсыздандыруусу айдоочу же курьер сизге келгенден (Келдим баскычын баскандан) тарта иштеп баштайт жана жүк ташуу аяктагандан же жүк жеткирилгенден кийин (айдоочу же курьер Аяктоо баскычын басканда) аяктайт. Эгер жүргүнчү буйрутмадан баш тартса, камсыздандыруу ишин токтотот.

Эгер сиз Яндекс Go колдонмосу аркылуу "Жүк ташуу"тарифинде машина менен кошо жүк ташуучуларды буйрутсаңыз, анда камсыздандыруу жүктү унаага жүктөө жана андан түшүрүү убактысына да иштейт.

"Жүк ташуу" тарифи боюнча жүктөрдү ташуу Яндекс.Таксинин өнөктөштөрү тарабынан, сиздин коштооңуз менен гана транспорт каражатын фрахталоо келишиминин негизинде ишке ашырылат.

Камсыздандырууга эмнелер кирет?

Камсыздандыруу жүктүн же жөнөтмөнүн бузулушунун, кыйрашынын же жоголушунун ордун толтуруп берет. Жүктүн бардык түрү камсыздандырылбайт.

Бул канча турат?

Камсыздандыруу акысыз.

Камсыздандырууну кантип кошсо болот?

Компенсация кандай учурда төлөнүп берилет?

  1. Жүктү же жөнөтмөнү ташуу учурунда жол кырсыгы орун алып, мүлк зыянга учураганда.
  2. Жүктү же жөнөтмөнү ташуу учурунда жүк жетишээрлик даражада оролуп, таңгакталса да, ордунан жылып кетишинин кесепетинен жүк зыянга учураганда.
  3. "Жүк ташуу" тарифи боюнча Яндекс.Такси сервиси аркылуу опцияга буйрутма берилгенде, жүк ташуучунун кесири менен жүктү унаага салуу же андан түшүрүү учурунда жүк зыянга учураганда.
  4. Яндекс.Таксинин өнөктөшү тарабынан"Жеткирүү" же "Курьер"тарифи боюнча жөнөтмөнү жеткирүү учурунда, аны жоготуп алганда (же бир бөлүгү гана жоголгондо) же сындырып, бузуп алганда.

Төлөмдү кантип алса болот?

Камсыздандыруу төлөмүн алыш үчүн кандай документтер керек?

Документтердин так тизмесин сизге камсыздандыруучу компания берет.

Көпчүлүк учурларда төлөмдү алыш үчүн сизге төмөнкүлөр керек болот:

  • Камсыздандыруу боюнча зыяндын ордун толтуруу жөнүндө арыз
  • Мүлкүнө зыян келтирилген адамдан доо арыз
  • Жолдогу унаа кырсыгы тууралуу документ
  • Зыянга учураган жүктүн сүрөтү

Бул эскерткич жалпыга ачык оферта болуп эсептелбейт. Эгер сизде камсыздандыруу программасы боюнча суроолор бар болсо, колдоо кызматына кайрылыңыз.