ტვირთების და გზავნილების დაზღვევა

2019 წლის 29 აგვისტოდან ტვირთები და გზავნილები, რომელთა გადაზიდვაც ხდება Yandex.Taxi-ს ტარიფებით «სატვირთო» და «ადგილზე მიწოდება», დაზღვეულია 500 000 ₽ ფარგლებში.

როგორ მუშაობს გადაზიდვების დაზღვევა ტარიფებით «სატვირთო» და «ადგილზე მიწოდება»?

თქვენი ქონების დაზღვევა ამოქმედდება, როდესაც მძღოლი ან კურიერი გამოცხადდება თქვენთან (დააჭერს ღილაკს ადგილზე) და მთავრდება გადაზიდვის ან ადგილზე მიწოდების დასრულების შემდეგ (მძღოლი ან კურიერი დააჭერს ღილაკს დასრულება). თუ მგზავრი გააუქმებს შეკვეთას, დაზღვევა შეწყვეტს მოქმედებას.

თუ თქვენ შეუკვეთეთ მანქანა მტვირთავებით Yandex.Taxi აპლიკაციის მეშვეობით ტარიფით «სატვირთო», მაშინ დაზღვევა ვრცელდება ჩატვირთვის და გადმოტვირთვის პერიოდზე.

მნიშვნელოვანია, რომ ტარიფით «სატვირთო» ტვირთების გადაზიდვა ხორციელდება Yandex.Taxi-ს პარტნიორების მიერ სატრანსპორტო საშუალების ფრახტირების ხელშეკრულების საფუძველზე მხოლოდ თქვენი თანხლებით.

რა შედის დაზღვევაში

დაზღვევა ფარავს ტვირთის ან გზავნილის დაზიანებას, განადგურებას ან დაკარგვას. დაზღვევა ტვირთების ყველა სახეობაზე არ ვრცელდება.

გამორიცხულია:

  1. ცეცხლსასროლი, სასიგნალო, პნევმატური, გაზის იარაღი, საბრძოლო მასალა, ცივი იარაღი (ხელით სასროლის ჩათვლით), ელექტროშოკური მოწყობილობები და ნაპერწკლური განმმუხტავები, აგრეთვე ცეცხლსასროლი იარაღის ძირითადი ნაწილები.
  2. ნარკოტიკული საშუალებები, ფსიქოტროპული, ძლიერმოქმედი, რადიოაქტიური, ფეთქებადი, შხამიანი, მწვავე, აალებადი და სხვა საშიში ნივთიერებები.
  3. ცოცხალი და მკვდარი ცხოველები და მცენარეები, ადამიანის სხეულის ნაწილები ან ნეშტი, მათ შორის ფერფლი, ცხოველების დაუმუშავებელი ტყავები.
  4. რუსეთის ფედერაციის ფულის ნიშნები და უცხოური ვალუტა (ნაღდი ფული), საგზაო ჩეკები, ფასიანი ქაღალდები, საბანკო და საგადახდო ბარათები, ოქროს და ვერცხლის ზოდები, სააქციზო მარკები.
  5. იმუნობიოლოგიური პრეპარატები, ბიოლოგიური მასალები, სისხლი.
  6. სამხატვრო ფასეულობები და ნაკეთობები, ანტიკვარული ნივთები, ხელოვნების ნიმუშები (სურათები, ხატები, წიგნები, ხელნაწერები, ქანდაკებები და ა.შ.), საგამოფენო ექსპონატები, კოლექციები.
  7. ფოტო, აუდიო, ვიდეო ან კინომასალები, მათ შორის პორნოგრაფიული მასალები.
  8. იშვიათმიწიანი ლითონების ზოდები და ნაკეთობები, ძვირფასი ლითონების ზოდები, ძვირფასი ქვები; საიუველირო ნაკეთობები.
  9. მცურავი საშუალებები, ხომალდები და იახტები, მათ შორის არაგაბარიტული.
  10. ნაყარი და ჩამოსასხმელი ტვირთები, რომლებსაც არ გააჩნიათ ინდივიდუალური ან საქარხნო შეფუთვა.
  11. მინა და შუშისა და ფაიფურის ნაკეთობები სპეციალური შეფუთვის გარეშე.
  12. ინტელექტუალური საკუთრების ობიექტები (პროექტები, შემუშავებები, ტექნიკური დოკუმენტაცია, ხელნაწერები და სხვ.), ინფორმაციის მატარებლები.
  13. სამხედრო დანიშნულების ტვირთები.
  14. ახალი ხილი, ბოსტნეული, სოკო, კენკრა.
  15. ავტომობილები (სატვირთო, მსუბუქი, ავტობუსები).
  16. არაგაბარიტული და მძიმეწონიანი ტვირთები.
  17. ტვირთები, რომლებიც გარკვეული ტემპერატურული რეჟიმის დაცვას მოითხოვენ.

ყველა სადაზღვევო გადახდის ჯამი ერთ სადაზღვევო შემთხვევაზე არ შეიძლება აჭარბებდეს 500 000 ₽-ს.

რა ღირს ეს

დაზღვევა უფასოა.

როგორ ჩავრთოთ დაზღვევა

დაზღვევა უკვე ჩართულია ყველა შეკვეთაში, რომელიც განთავსებულია Yandex.Taxi სერვისის დახმარებით რუსეთში ტარიფით «სატვირთო» და «ადგილზე მიწოდება».

რა შემთხვევაში ხდება კომპენსაციის გადახდა

  1. ტვირთის ან გზავნილის გადაზიდვისას მოხდა საგზაო-სატრანსპორტო შემთხვევა, რამაც ქონების დაზიანება გამოიწვია.
  2. ტვირთის ან გზავნილის გადაზიდვის დროს საკმარისი შეფუთვის არსებობისას წანაცვლების შედეგად მოხდა ტვირთის დაზიანება.
  3. ჩატვირთვის ან გადმოტვირთვის დროს მტვირთავის ბრალეულობით, ოფციის შეკვეთისას Yandex.Taxi სერვისის მეშვეობით ტარიფით «სატვირთო», მოხდა ტვირთის დაზიანება.
  4. Yandex.Taxi-ს პარტნიორის მიერ გზავნილის მიწოდებისას ტარიფით «ადგილზე მიწოდება» მოხდა გზავნილის დაკარგვა (დანაკლისი) ან დაზიანება.

როგორ უნდა მიიღოთ სადაზღვევო გადახდა

  1. მოგვწერეთ — მოგვიყევით რა მოხდა, დაურთეთ ფოტოები. ჩვენ გაგიწევთ კონსულტაციას და გადავცემთ თქვენს მიმართვას სადაზღვევო კომპანიაში.
  2. თუ დაზიანება სსშ-ის შედეგად მოხდა, მიიღეთ მონაწილეობა ავარიის გარჩევაში საგზაო მოძრაობის უსაფრთხოების სახელმწიფო ინსპექციის განყოფილებაში და მიიღეთ ოფიციალური დადგენილება საქმეზე ადმინისტრაციული სამართალდარღვევის შესახებ.
  3. სადაზღვევო კომპანიის თანამშრომლები დაგიკავშირდებიან და გადმოგცემენ კომპენსაციის მისაღებად საჭირო დოკუმენტების ზუსტ ჩამონათვალს.
  4. დოკუმენტების მიღებიდან 2 კვირის განმავლობაში სადაზღვევო კომპანია მიიღებს გადაწყვეტილებას თქვენი სადაზღვევო შემთხვევის თაობაზე და გადარიცხავს ფულს საბანკო ანგარიშზე.

რომელი დოკუმენტებია საჭირო სადაზღვევო გადახდის მისაღებად

დოკუმენტების ზუსტ ჩამონათვალს სადაზღვევო კომპანია გადმოგცემთ.

უმეტეს შემთხვევაში სადაზღვევო გადახდის მისაღებად თქვენ აუცილებლად დაგჭირდებათ:

  • განცხადება სადაზღვევო ანაზღაურების გადახდის შესახებ
  • პრეტენზია იმ პირისგან, რომლის ქონებასაც მიადგა ზიანი
  • დოკუმენტი საგზაო-სატრანსპორტო შემთხვევის შესახებ
  • ტვირთის დაზიანებების ფოტოსურათი

დეტალურად პირობების გაცნობა შესაძლებელია სადაზღვევო კომპანიის წესებში.

ეს სამახსოვრო არ წარმოადგენს საჯარო ოფერტას. თუ დაგრჩათ კითხვები დაზღვევის პროგრამის თაობაზე, მიმართეთ მხარდაჭერის სამსახურს.