Yük və bağlamaların sığortalanması

29 avqust 2019-cu il tarixindən etibarən Yandex.Taxi "Yük""Çatdırılma" tarifləri üzrə daşınılan yük və bağlamalar 500 000 ₽ dəyərində sığortalanıb.

"Yük""Çatdırılma" tariflərində daşıma sığortasının iş prinsipi necədir?

Əmlakın sığortası sürücü və ya kuryer sifariş ünvanına çatan (Yerində düyməsinə basan) zaman başlayır və daşıma və ya çatdırılma başa çatdırılan (sürücü və ya kuryer Bitir düyməsinə basan) zaman bitir. Sərnişin sifarişi ləğv edirsə, sığorta tətbiq olunmur.

Yandex.Taxi proqramı vasitəsilə "Yük" tarifində yükdaşıyanlar ilə avtomobil sifariş etmisinizsə, sığorta yükləmə və boşaltma işlərinin əhatə etdiyi dövrə tətbiq olunur.

Nəzərə alın ki, "Yük" tarifində yüklərin daşınması Yandex.Taxi xidmətinin partnyorları tərəfindən nəqliyyat vasitəsinin icarəsi barədə müqavilə əsasında və yalnız sizin iştirakınızla həyata keçirilir.

Sığortaya nə daxildir

Sığorta yükün və ya bağlamanın zədələnməsini, məhvini və ya itkisini əhatə edir. Sığorta heç də hər növ yükə tətbiq olunmur.

İstisnalar:

  1. Odlu, siqnal, pnevmatik, qaz silahı, döyüş sursatı, soyuq silah (atıcı daxil olmaqla), elektroşok cihazları və qığılcım aparatları, eləcə də odlu silahın əsas hissələri.
  2. Narkotik vasitələr, psixotrop, güclü təsir göstərən, radioaktiv, partlayıcı, zəhərli, yandırıcı, tezalovlanan və digər təhlükəli maddələr.
  3. Canlı və cansız heyvanlar və bitkilər, insan bədəni hissələri və ya qalıqları, o cümlədən tozu, emal olunmamış heyvan dəriləri.
  4. Rusiya Federasiyasının pul nişanları və xarici valyuta (nağd pul), yol çekləri, qiymətli kağızlar, bank və ödəniş kartları, qızıl və gümüş külçələri, aksiz markaları.
  5. İmmunobioloji preparatlar, bioloji materiallar, qan.
  6. Bədii dəyər sayılan əmtəələr və məmulatlar, sənət əsərləri (rəsmlər, ikonalar, kitablar, əlyazmalar, heykəltəraşlıq əsərləri və s.), sərgi eksponatları, kolleksiyalar.
  7. Foto, audio, video və ya kino materialları, o cümlədən pornoqrafik materiallar.
  8. Nadir metallardan hazırlanmış külçələr və məmulatlar, külçə şəklində qiymətli metallar, qiymətli daşlar; zərgərlik məmulatları.
  9. Üzən vasitələr, gəmilər və yaxtalar, o cümlədən iri qabaritli.
  10. Fərdi və ya zavod qablaşdırması olmayan tarasız yüklər.
  11. Xüsusi qablaşdırması olmayan şüşə və şüşə-çini məmulatları.
  12. Əqli mülkiyyət obyektləri (layihələr, işləmələr, texniki sənədləşmə, əlyazmalar və s.), informasiya daşıyıcıları.
  13. Hərbi təyinatlı yük.
  14. Təzə meyvə, tərəvəz, göbələk, giləmeyvə.
  15. Avtomobillər (yük, minik, avtobuslar).
  16. İri qabaritli və ağır çəkili yük.
  17. Xüsusi temperatur rejiminin təmin edilməsini tələb edən yük.

Bir sığorta hadisəsi üzrə bütün sığorta ödənişlərinin ümumi məbləği 500 000 ₽ məbləğindən artıq ola bilməz.

Bunun ödənişi nə qədərdir

Sığorta pulsuzdur.

Sığortanı necə qoşmalı

Sığorta artıq Rusiyada Yandex.Taxi vasitəsilə "Yük""Çatdırılma" tarifləri üzrə verilən sifarişlərə daxildir.

Hansı halda kompensasiya ödənilir

  1. Yükün və ya bağlamanın daşınması zamanı əmlakın zədələnməsinə gətirib çıxaran YNH baş verdikdə.
  2. Yükün və ya bağlamanın daşınması zamanı lazımi qaydada qablaşdırılmasına baxmayaraq, yerdəyişmə nəticəsində yük zədələndikdə.
  3. Yandex.Taxi xidməti vasitəsilə "Yük" tarifində seçilmiş yükləmə və boşaltma işləri zamanı yükdaşıyanın təqsiri ucbatından yük zədələndikdə.
  4. Yandex.Taxi xidmətinin partnyoru tərəfindən "Çatdırılma" tarifi üzrə bağlamanın çatdırılması zamanı bağlama itib (əskik gəlib) və ya korlanıb.

Ödənişi necə almalı

  1. Bizə yazın — nə baş verdiyi barədə məlumat verin, şəkil əlavə edin. Sizə ətraflı məlumat verəcəyik və müraciətinizi sığorta şirkətinə göndərəcəyik.
  2. Zədələnmə YNH zamanı baş verdikdə DYP bölməsində qəzanın araşdırılmasında iştirak edin və inzibati hüquq pozuntusu ilə bağlı iş üzrə rəsmi qərarı alın.
  3. Sığorta şirkətinin əməkdaşları sizinlə əlaqə saxlayacaq və kompensasiyanın alınması üçün sənədlərin dəqiq siyahısını təqdim edəcək.
  4. Sənədləri aldıqdan sonra 2 həftə ərzində sığorta şirkəti sığorta hadisəniz ilə bağlı qərar qəbul edəcək və pul vəsaitlərini bank hesabına köçürəcək.

Ödənişi almaq üçün hansı sənədlər tələb olunur

Sənədlərin dəqiq siyahısını sizə sığorta şirkəti təqdim edəcək.

Əksər hallarda ödənişin alınması üçün mütləq bu sənədlər tələb olunur:

  • Sığorta ödənişinin ödənilməsi üzrə ərizə
  • Əmlakına zərər dəymiş şəxsdən iddia
  • YNH barədə sənəd
  • Zədələnmiş yükün şəkli

Şərtlər barədə daha ətraflı sığorta şirkətinin qaydalarında öyrənə bilərsiniz.

Bu məlumatlar rəsmi oferta deyil. Sığorta proqramı ilə bağlı hər hansı sualınız yaranarsa, dəstək xidmətinə müraciət edin.