Վճարում Apple Pay-ի միջոցով

Հասանելի է Ռուսաստանում ուղևորությունների դիմաց վճարումներ կատարելու համար։

IPhone-ի հավելվածի միջոցով ուղևորություն պատվիրելու դեպքում դուք կարող եք վճարել Apple Pay-ով։ Դրա համար պատվերի ձևակերպման ժամանակ ընտրեք Apple Pay վճարման եղանակը և հաստատեք գործարքը։

Apple Pay-ն օգտագործելու համար անհրաժեշտ պայմանները․
  • IPhone 6, SE և ավելի նոր մոդելներ
  • IOS 10 և ավելի նոր տարբերակ
  • Apple ID հաշիվ
  • Apple Pay-ի գործընկեր բանկի վճարային քարտ, որը կցված է ձեր սարքին Wallet ծրագրի միջոցով

Գումարի սառեցում և դուրսգրում

Վճարումն իրականացվում է բանկային քարտից, որը կցված է ձեր սարքին որպես Apple Pay-ի վճարային քարտ։

Պատվերի ավարտից հետո քարտի հաշվում սառեցվում է պատվերի վերջնական արժեքը։ Որոշ դեպքերում գումարը սառեցվում է մաս-մաս՝ ուղևորության ընթացքում։

Գումարը դուրս կգրվի սառեցումից 24 ժամվա ընթացքում։ Եթե սառեցված գումարն ամբողջությամբ չի դուրս գրվել, մնացորդը վերադարձվում է հաշվին։ Դուրս չգրված միջոցների արգելահանման ժամկետը կախված է ձեր բանկի պայմաններից։

Եթե քարտի միջոցները բավարար չեն, ուղևորության գումարն ավտոմատ կհանվի քարտի հաշվեկշիռը համալրելուց հետո։ Գումարը կարող է դուրս գրվել միանվագ կամ մաս-մաս՝ մեկ տարվա ընթացքում, այն պահից, երբ չհաջողվեց գանձել ուղևորության ամբողջ գումարը։

Ինչպես վճարման եղանակը փոխել կանխիկի

Եթե ուղևորության ընթացքում ձեր քարտից գումար գանձել չհաջողվի, վճարման եղանակն ավտոմատ կերպով կփոխվի կանխիկի։ Վճաման եղանակի փոփոխության մասին տեղեկությունը կուղարկվի push-ծանուցման միջոցով։ Նախապես համոզվեք, որ push-ծանուցումները թույլատրված են հեռախոսի կարգավորումներում։