Yandex-ի գովազդային ցանցի վերաբերյալ առաջարկների ներկայացման պայմաններ

Հրապարակման ամսաթիվը՝ 11.06.2024

Ուժի մեջ մտնելու ամսաթիվը՝ 11.06.2024

Այս փաստաթուղթը պարունակում է Tech Services ՍՊԸ-ի (ընկերություն, որը հիմնադրվել և գործում է Հայաստանի Հանրապետության օրենքների համաձայն, այսուհետ՝ «Yandex»)՝ Yandex-ի գովազդային ցանցին վերաբերող բոլոր առաջարկների նկատմամբ կիրառվող դրույթներն ու պայմանները:

1. ԴՐՈՒՅԹՆԵՐ ԵՎ ՍԱՀՄԱՆՈՒՄՆԵՐ

1.1. Սույն փաստաթղթի նպատակների համար ստորև նշված եզրույթներն ունեն հետևյալ իմաստը.

Առաջարկ — այս փաստաթուղթը՝ «Yandex-ի գովազդային ցանցի վերաբերյալ առաջարկների ներկայացման պայմանները», որոնք հրապարակված են ինտերնետում՝ https://yandex.com/legal/yan_service_offer_arm կայքում, ներառյալ դրա անբաժան մասը կազմող բոլոր փաստաթղթերը:

Առաջարկի ընդունում — Առաջարկի 3.1 - 3.2 կետերով սահմանված գործողություններ, որոնք ենթադրում են Առաջարկի և դրա անբաժան մասը կազմող փաստաթղթերի կողմից սահմանված բոլոր դրույթների և պայմանների անվերապահ ընդունում:

Համաձայնագիր — Yandex-ի գովազդային ցանցին մասնակցելու համաձայնագիր, որի նպատակը ներառում է Գործընկերոջ կողմից Առաջարկում նշված Ծառայությունների մատուցումը, սակայն չի սահմանափակվում դրանով, և որը կնքվում է Առաջարկի 3.1 — 3.2 կետերում նշված ընթացակարգի համաձայն:

Կողմեր — Yandex և Գործընկեր:

Գործընկեր — i) ֆիզիկական անձ/անհատ կամ ii) իրավաբանական անձ, որն ընդունում է Առաջարկը և տիրապետում անհրաժեշտ Ռեսուրսների և/կամ ունի Գործընկերոջ Ռեսուրսներն օգտագործելու իրավունք կնքված Համաձայնագրի շրջանակներում:

YAN — Yandex-ի գովազդային ցանց (https://partner.yandex.com), որը ներառում է տարբեր Ռեսուրսներ, ինչպես նաև այլ գովազդային ցանցեր:

Ծառայություններ — Առաջարկի 2-րդ կետում նշված ծառայություններ, որոնք Գործընկերը մատուցում է Yandex-ին Առաջարկի դրույթների և պայմանների համաձայն:

Հաշվետու ժամանակահատված — մեկ կամ մի քանի օրացուցային ամիս, որոնց ընթացքում Գործընկերը Yandex-ին ընդհանուր առմամբ մատուցում է Ծառայությունները՝ առնվազն Առաջարկի 4.4. կետում նշված գումարի չափով:

Վիճակագրական տվյալներ — տվյալներ և տեղեկատվություն, որոնք Yandex-ը հավաքագրում և/կամ էլեկտրոնային տեսքով տրամադրում է Գործընկերոջը՝ այդ թվում նաև API-ի միջոցով, և որոնք կարող են պարունակել տեղեկություններ կտտոցների քանակի, ցուցադրումների, Կողմերի միջև փոխազդեցության այլ պարամետրերի, ինչպես նաև Գործընկերոջ վարձատրության չափի վերաբերյալ:

Կտտոց — Օգտվողի կտտոց (հղումով անցում) Գովազդում պարունակվող գերհղման վրա, որը ներառում է հետևյալը, սակայն չի սահմանափակվում դրանով՝ հավելվածի տեղադրում բջջային հավելվածների խանութից, տարբերանիշի բացում առցանց քարտեզ պարունակող ինտերնետ էջում, հավելվածի բացում:

Ցուցադրում — Գովազդների տեղադրում/ցուցադրում Գովազդային տարածքներում:

Թիրախային գործողություն — փոխազդեցություն Օգտվողի և վեբ կայքի, կայքէջի, վեբ կայքի հատվածի, բջջային հավելվածի և/կամ համակարգչային ծրագրի միջև, որին Օգտվողն անցնում է Կտտոց կատարելուց հետո, և որը ներառում է հետևյալը, սակայն չի սահմանափակվում դրանցով՝ ապրանքների / ծառայությունների պատվիրում, այլ էջերի բացում, ձևաթղթերի լրացում, չատերի կամ բովանդակության օգտագործում:

Գործընկերոջ ինտերֆեյս — ծրագրաշարի ինտերֆեյս, որը նախատեսված է հետևյալի համար, սակայն չի սահմանափակվում դրանցով՝ Կողմերի միջև հեռավոր փոխազդեցություններ Համաձայնագրի շրջանակներում, Կողմերի միջև տեղեկատվության փոխանակում և ծանուցումների փոխանցում: Գործընկերոջ ինտերֆեյսը կարող է պարունակել Վիճակագրական տվյալներ, տեղեկատվություն Գործընկերոջ և Գործընկերոջ ռեսուրսների մասին, տեղեկատվություն Գործընկերոջ վարձատրության չափի մասին, ինչպես նաև Yandex-ի կողմից սահմանված այլ տեղեկատվություն: Գործընկերոջ ինտերֆեյսին հասանելիություն ստանալու ընթացակարգը և պայմանները նկարագրված են Առաջարկի 3.4. կետում:

Օգտվող — Ռեսուրսներ, այդ թվում նաև Գործընկերոջ ռեսուրսներ մուտք գործող ցանկացած անձ:

Գովազդ կամ Ռեկլամ կամ Ազդ — ցանկացած ձևաչափի գովազդային նյութեր, որոնք կարող են ներառել տեքստ, պատկերներ, տեսանյութեր, ձայնանյութեր, այլ տեսակի մեդիա ֆայլեր, ինտերակտիվ տարրեր, կոդ, գերհղումներ կամ դրանց ցանկացած համադրություն: Առաջարկի շրջանակներում Գովազդը նշանակում է վերը նշված գովազդային նյութեր, որոնք տեղադրման նպատակով տրամադրվում են Yandex-ի և:կամ Գովազդողների կողմից:

Գովազդային տարածք — համապատասխան Ռեսուրսի նախագծում (կոդում) հատկացված հատուկ տարածք, որը նախատեսված է Գովազդ ցուցադրելու համար:

Գովազդողներ — երրորդ կողմեր, որոնք կնքել են համաձայնագիր Yandex-ի կամ Yandex-ի դուստր ձեռնարկությունների հետ, որի նպատակը և/կամ արդյունքը Գործընկերոջ Ռեսուրսներում Yandex-ի գովազդային ցանցի մաս հանդիսացող Գովազդի տեղադրումն է:

Գովազդային կոդ — ծրագրաշարի մոդուլ (այդ թվում նաև ծրագրաշաի մշակման լրակազմ (SDK), ծրագրաշարի կարգավորումներ և դրանց կոնֆիգուրատորներ, ադապտիվ և սերվերային մոդուլներ), որը Գործընկերոջ կողմից ներկառուցվում է Գործընկերոջ Ռեսուրսների կոդի մեջ և նախատեսված է Yandex համակարգին դիմելու համար՝ Գործընկերոջ Ռեսուրսներում Գովազդը ցուցադրելու նպատակով:

Ռեսուրսներ — ինտերնետ կայքեր (ներառյալ աշխատասեղանի համակարգիչների, պլանշետների և/կամ այլ շարժական սարքերի համար նախատեսված տարբերակները), համակարգչային ծրագրեր, բջջային հավելվածներ, այլ թվային մեդիա, ինչպես նաև դրանց բովանդակությունը և բաղադրիչները (տեղեկատվություն, ֆայլեր և Ռեսուրսներում ներառված այլ տվյալներ):

Գործընկերոջ Ռեսուրսներ — Ռեսուրսներ, որոնք Գործընկերը կապակցել է Yandex-ի գովազդային ցանցին՝ Yandex-ի հետ կնքված համաձայնագրի շրջանակներում: Որոշ դեպքերում, ներառյալ Առաջարկի 2.2. կետով նախատեսված դեպքերը, Գործընկերոջ Ռեսուրսները, ինչպես նաև դրանց տարրերը, կարող են Գործընկերոջ կողմից տրամադրվել Օգտվողներին Yandex-ի ծրագրաշարի և տեխնիկական միջոցների օգնությամբ:

Yandex Համակարգ — ծրագրաշարի և տեխնիկական միջոցների լրակազմ, որը պատկանում է Yandex-ին և/կամ օգտագործվում է Yandex-ի կողմից, և որը նախատեսված է Գործընկերոջ համակարգի հետ փոխազդեցության համար՝ ապահովելով Գովազդի ցուցադրումը Գովազդային տարածքներում (եթե կիրառելի է), ինչպես նաև Yandex-ի Վիճակագրական տվյալների հաշվառման համար:

Գործընկերոջ համակարգ — Գործընկերոջը պատկանող և/կամ գործընկերոջ կողմից օգտագործվող ծրագրաշարի և տեխնիկական միջոցների լրակազմ, որը նախատեսված են Yandex Համակարգի հետ փոխազդեցության և Գովազդային տարածքներում Գովազդի ցուցադրումը ապահովելու համար (եթե կիրառելի է):

Փորձարկման ժամանակահատված — Գործընկերոջ և Yandex-ի միջև փոխազդեցության ժամանակահատված, որը նախորդում է առաջին Հաշվետու ժամանակահատվածին, և որի ընթացքում Գործընկերը կարգավորում և փորձարկում է Գովազդային կոդը: Փորձարկման ժամանակահատվածն ավարտվում է այն պահին, երբ Գործընկերը կատարում է Առաջարկի 3.1. կետում նկարագրված գործողությունները, որոնք ենթադրում են Առաջարկի ընդունում: Մինչև Առաջարկի ընդունման պահը այս ժամանակահատվածն անվճար է: Եթե Գործընկերն ընդունում է Առաջարկը, Yandex-ը առաջին Հաշվետու ժամանակահատվածի համար Հաշվետվությունը ձևավորելիս հաշվի է առնում մնացորդային գումարը: Նախքան փորձարկման ժամանակահատվածի ավարտը Գործընկերոջ հաշվեկշռի գումարները բնույթով զուտ տեխնիկական են և տեղեկատվական: Առաջարկի 3.1. կետում նկարագրված գործողությունները Գործընկերոջ կողմից կատարելուց և Առաջարկն ընդունելուց հետո Փորձարկման ժամանակահատված այլևս չի տրամադրվում:

API — Yandex-ի և/կամ Գործընկերոջ կողմից տրամադրվող հատուկ տեխնիկական ինտերֆեյս, որն ապահովում է փոխազդեցությունը Yandex Համակարգի և Գործընկերոջ Համակարգի միջև՝ Համաձայնագրի իրականացման նպատակով:

Խարդախություն — ներառում է հետևյալը, սակայն չի սահմանափակվում դրանով՝ (i) սպամ, անվավեր հարցումներ, անվավեր Ցուցադրումներ կամ անվավեր Կտտոցներ որևէ անձի կողմից, հարցումների օպտիմալացման տեխնոլոգիա, ավտոմատ ծրագրեր կամ նմանատիպ սարքեր, ներառյալ Գործընկերոջ IP հասցեներից կամ Գործընկերոջ կողմից շահագործվող համակարգիչներից ծագող Կտտոցների կամ Ցուցադրումների միջոցով, (ii) գումարի վճարումով պայմանավորված կտտոցներ, կեղծ տեղեկատվության կամ հարցումների տրամադրում՝ Գովազդի վրա կտտոցներ կամ այլ գործողություններ իրականացնելու նպատակով, ինչպես նաև նման եղանակով ստացված Ցուցադրումներ, (iii) Կտտոցներ կամ Ցուցադրումներ, որոնք նմանակում են Թիրախային գործողությունները Գովազդողի վեբ կայքերում, (iv) Գործընկերոջ միտումնավոր կամ պատահական գործողություններ, որոնք առնչվում են Գովազդային կոդի, Գործընկերոջ ինտերֆեյսի և/կամ Yandex Համակարգի սխալների, խոցելիությունների, և/կամ թերությունների օգտագործմանը և/կամ շահագործմանը, եթե նման գործողությունները վնաս են պատճառում Yandex-ին, Գովազդողներին և/կամ այլ երրորդ կողմերին, ներառյալ եթե դրանց արդյունքում Գործընկերոջ վարձատրությունն աճում է Գործընկերոջ Ռեսուրսներում Գովազդի տեղադրման համար Yandex-ի կողմից ստացող եկամուտին ոչ համամասնորեն, (v) Կտտոցներ կամ Ցուցադրումներ, որոնք անարդար են Yandex-ի կողմից իր հայեցողությամբ սահմանված այլ գործոնների պատճառով:

1.2. Առաջարկը կարող է պարունակել եզրույթներ, որոնք սույն փաստաթղթի 1.1. կետում սահմանված չեն: Նման եզրույթները պետք է մեկնաբանվեն Առաջարկի տեքստին համապատասխան: Առաջարկի տեքստում հանդիպող եզրույթի միանշանակ մեկնաբանության բացակայության պայմաններում անհրաժեշտ է առաջնորդվել այդ եզրույթի սահմանմամբ, որը բերված է. առաջին հերթին՝ գործող օրենքներում, երկրորդ հերթին՝ Yandex-ի ռեսուրսներում (ներառյալ https://yandex.com/support, https://yandex.com/support/partner և https://yandex.com/adv կայքերը, սակայն չսահմանափակվելով դրանցով), երրորդ հերթին՝ ինտերնետում (սովորաբար օգտագործվող իմաստով):

2. ՀԱՄԱՁԱՅՆԱԳՐԻ ԱՌԱՐԿԱՆ

2.1. Այս Համաձայնագիրը վերաբերում է Գործընկերոջ կողմից Yandex-ին տարբեր ծառայություններ մատուցելուն, ներառյալ ծառայությունները, որոնք Yandex-ին թույլ են տալիս տեղադրել Գովազդ Գործընկերոջ Ռեսուրսներում: Գործընկերը, մասնավորապես, Համաձայնագրի գործողության ողջ ընթացքում պետք է.

2.1.1. Գովազդային կոդը տեղադրի Գործընկերոջ Ռեսուրսներում և

2.1.2. ապահովի Գովազդային կոդի աշխատունակությունը և ծրագրաշարի ու սարքաշարի ճիշտ փոխազդեցությունը Yandex Համակարգի հետ, ներառյալ API-ի հետ փոխգործությունը,

2.1.3. եթե կիրառելի է, կարգավորի և աջակցի Գործընկերոջ համակարգի աշխատանքը և ձեռնարկի բոլոր միջոցները, որոնք անհրաժեշտ են տեխնիկական ինտեգրման և Գործընկերոջ համակարգի ու Yandex համակարգի ծրագրաշարի և սարքաշարի միջև ճիշտ փոխազդեցության համար, ներառյալ փոխազդեցությունը OpenRTB հաղորդակարգի համաձայն, Prebid.js գրադարանը, սերվերից-սերվեր ինտեգրումը, սակայն չսահմանափակվելով դրանցով և

2.1.4. ապահովի Գովազդի ցուցադրումը Գովազդային տարածքներում՝ սույն Համաձայնագրում սահմանված պահանջներ համաձայն:

2.2. Գովազդային կոդի տեղադրումը և/կամ այլ տեխնիկական միջոցներով Գովազդի ցուցադրումը կարող է իրականացվել Գործընկերոջ Ռեսուրսներում (ներառյալ դրանց բաղադրիչ տարրերը), որոնք Գործընկերոջ կողմից տրամադրվում են Օգտվողներին Yandex-ի ծրագրաշարի և սարքաշարի միջոցով: Այդ տեխնիկական միջոցները ներառում են հետևյալը (առանց սահմանափակման).

2.2.1. Yandex-ը Գործընկերոջը տրամադրում է տեխնիկական հնարավորություն, որը թույլ է տալիս ինտերնետ օգտվողների համար ապահովել Գործընկերոջ ռեսուրսի (կամ դրա առանձին տարրերի) հասանելիություն Yandex-ի վեբ կայք(եր)ի, դրա(նց) բաղադրիչների և ծառայությունների միջոցով, կամ

2.2.2. Գործընկերոջ Ռեսուրսը (կամ դրա առանձին տարրերը) տեղադրվում է Yandex-ի կողմից տրամադրված ծրագրային և/կամ ապարատային հարթակի վրա, կամ

2.2.3. Գործընկերոջ Ռեսուրսը (կամ դրա առանձին տարրերը) ցուցադրվում է դեպի համապատասխան ծառայություն կամ Yandex-ի համապատասխան վեբ կայք Գործընկերոջ Ռեսուրսի տվյալների, բովանդակության, տարրերի կամ այլ բաղադրիչների տեխնոլոգիական արտահանման միջոցով՝ տեխնիկական ինտեգրման կամ այլ եղանակներով:

2.3. Գործընկերոջ կողմից Yandex-ին Ծառայությունների մատուցման համար պարտադիր պայման է հանդիսանում Առաջարկի անբաժան մաս հանդիսացող հետևյալ փաստաթղթերի դրույթների և պայմանների ընդունումը Գործընկերոջ կողմից.

2.4. Գործընկերոջ կողմից Yandex-ին տրամադրվող ծառայությունները կարող են ներառել Yandex-ի կողմից Գործընկերոջ Ռեսուրսներում Yandex.Surveys առցանց ծառայության հարցումների տեղադրումը:

3. ԱՌԱՋԱՐԿԻ ԸՆԴՈՒՆՈՒՄԸ: ՀԱՄԱՁԱՅՆԱԳՐԻ ԿԱՏԱՐՄԱՆ ՊԱՅՄԱՆՆԵՐԸ

ԱՌԱՋԱՐԿԻ ԸՆԴՈՒՆՈՒՄԸ

3.1. Առաջարկը համարվում է ընդունված, երբ Գործընկերը կատարում է բոլոր հետևյալ գործողությունները.

3.1.1. Գործընկերը ստեղծում է կամ ունենում հաշիվ Yandex ռեսուրսներում՝ գրանցված Օգտվողի համաձայնագրի 2-րդ բաժնում նշված ընթացակարգի համաձայն,

3.1.2. Գործընկերը լրացնում է գրանցման ձևթուղթը (հարցաշարը)՝ Yandex-ին տրամադրելով արդի և ճշգրիտ տեղեկատվություն գրանցման ձևում սահմանված շրջանակներում, ներառյալ հետևյալը, սակայն չսահմանափակվելով դրանով.

  • տեղեկատվություն Գործընկերոջ մասին,
  • Գործընկերոջ կոնտակտային տվյալներ,
  • Գործընկերոջ մանրամասներ (ներառյալ վճարման տվյալները),
  • գրանցման ձևաթղթում պահանջվող փաստաթղթեր:

3.1.2.1. անհատների համար՝ անուն, ազգանուն, հայրանուն, գրանցման (փոստային) հասցե, ամբողջական բանկային տվյալներ, ծննդյան ամսաթիվ, էլ. հասցե և բջջային հեռախոսահամար,

3.1.2.2. իրավաբանական անձանց համար՝ ընկերության ամբողջական անվանումը, իրավաբանական և փոստային հասցեները, նման իրավաբանական անձի անունից և ի շահ դրան Համաձայնագիր կնքելու լիազորություն ունեցող անձի անուն, ազգանունը,

3.1.2.1. - 3.1.2.2. կետերում նշված ինչպես ֆիզիկական, այնպես էլ իրավաբանական անձանց համար պետք է նշվեն նաև Գործընկերոջ Ռեսուրսների տեխնիկական մանրամասները,

3.1.3. ֆիզիկական անձ հանդիսացող Գործընկերը հաստատում է իր ինքնությունը՝ մուտքագրելով Գործընկերոջ կողմից նշված հեռախոսահամարին Yandex-ի կողմից ավտոմատ կերպով ուղարկվող կոդը,

3.1.4. իրավաբանական անձ հանդիսացող Գործընկերը Yandex-ի պահանջով տրամադրում է Իրավաբանական գրանցման վկայականի կամ Գործընկերոջ գրանցման երկրի Տնտեսվարող սուբյեկտների միասնական պետական ռեեստրից քաղվածքի սկանավորված պատճեն,

3.1.5. Գործընկերոջ Ռեսուրսները վավերացվել (մոդերացվել) են Yandex-ի կողմից՝ Առաջարկի և Մասնակցության կանոնների պահանջներին համապատասխանության առումով և Համաձայնագրի կատարման նպատակով հաստատվել են Գործընկերոջ կողմից, ինչի մասին Գործընկերը տեղեկացվել է Գործընկերոջ Ինտերֆեյսի միջոցով: Yandex-ն իրավունք ունի (սակայն պարտավորված չէ) ցանկացած պահի իր սեփական հայեցողությամբ կրկին վավերացնել (մոդերացնել) Գործընկերոջ Ռեսուրսները:

3.1.6. Գործընկերը պատշաճ կերպով ընդունել է Առաջարկը՝ գրանցման ձևաթղթի վերջում համապատասխան վանդակը նշելու և դրա տակ գտնվող «համաձայնեցված է» կոճակը սեղմելու միջոցով։

3.2. Գործընկերոջ գրանցման գործընթացի ավարտից հետո Yandex-ը կվերանայի դիմումը (ինչը կարող է տևել մինչև երեսուն (30) աշխատանքային օր) և, դիմումը հաստատելու դեպքում, Yandex-ը Գործընկերոջը կտրամադրի գրանցման համար (Գործընկերոջ գրանցման համար), որը կսահմանվի Գործընկերոջ ինտերֆեյսում և Էլեկտրոնային հաշվետվություններում (տե՛ս կետ 4.1.-ը):

3.3. Yandex-ն իրավունք ունի հրաժարվել Գործընկերոջ հետ Համաձայնագիր կնքելուց հետևյալ դեպքերում.

3.3.1. գրանցման ձևաթուղթը (հարցաշարը) Առաջարկի 3.1 — 3.2 կետերի համաձայն լրացնելիս Գործընկերը չի տրամադրել և/կամ սխալ է տրամադրել որոշ տեղեկություններ, ինչպես նաև չի տրամադրել կամ ոչ ամբողջությամբ է տրամադրել գրանցման ձևաթղթում պահանջվող փաստաթղթերը,

3.3.2. Գործընկերոջ Ռեսուրսները չեն բավարարում Առաջարկի պահանջները և/կամ չեն համապատասխանում Մասնակցության կանոններին,

3.3.3. Առաջարկում նշված Համաձայնագրի առարկային վերաբերող, Yandex-ի և Գործընկերոջ միջև կնքված նախորդ համաձայնագիրը դադարեցվել է Գործընկերոջ կողմից դրա դրույթները խախտելու պատճառով,

3.3.4. Yandex-ը նախկինում դադարեցրել է Գործընկերոջ Ռեսուրս(ներ)ի առնչությամբ երրորդ անձանց հետ կնքված Yandex-ի գովազդային ցանցին մասնակցության Համաձայնագիրը՝ նման Համաձայնագրի դրույթները նշված երրորդ անձանց կողմից խախտելու պատճառով:

ԳՈՐԾԸՆԿԵՐՈՋ ԻՆՏԵՐՖԵՅՍԻ ՕԳՏԱԳՈՐԾՄԱՆ ԸՆԹԱՑԱԿԱՐԳ

3.4. Այս Համաձայնագրի կատարման նպատակով Yandex-ը Գործընկերոջը կտրամադրի Գործընկերոջ ինտերֆեյսի հասանելիություն, և.

3.4.1. Գործընկերոջ ինտերֆեյսի միջոցով հասանելի տեղեկատվությունը պետք է լինի Կողմերի Գաղտնի տեղեկատվություն,

3.4.2. Գործընկերոջ ինտերֆեյս մուտքը պետք է իրականացվի Գործընկերոջ եզակի օգտանվան և գաղտնաբառի միջոցով, որոնք Գործընկերը պետք է սահմանի ինքնուրույն,

3.4.3. Գործընկերոջ ինտերֆեյսում Գործընկերոջ օգտանվան և գաղտնաբառի օգնությամբ կատարվող բոլոր գործողությունները պետք է դիտարկվեն որպես Գործընկերոջ կողմից կատարված: Միայն Գործընկերն է պատասխանատվություն կրում օգտանվան և գաղտնաբառի անվտանգության համար, և Գործընկերը պարտավորվում է ձեռնարկել միջոցներ դրանց գաղտնիությունն ապահովելու համար: Yandex-ը պատասխանատվություն չի կրում Գործընկերոջ ինտերֆեյս երրորդ անձանց չլիազորված մուտքի համար, որը կատարվել է Գործընկերոջ օգտանվան և գաղտնաբառի միջոցով:

3.5. Գործընկերոջ Ռեսուրսների ցանկը պետք է պարտադիր կերպով համաձայնեցվի Կողմերի միջև: Գործընկերոջ յուրաքանչյուր ռեսուրսի հաստատումը պետք է կատարվի Գործընկերոջ ինտերֆեյսով դիմում ներկայացնելու և Yandex-ի կողմից այն հաստատելու (մոդերացնելու) միջոցով: Գործընկերոջ յուրաքանչյուր ռեսուրսի կարգավիճակի մասին տեղեկատվությունը (հաստատված / մերժված) կհրապարակվի Գործընկերոջ ինտերֆեյսում:

3.6. Ծառայությունները մատուցելիս, մասնավորապես՝ Գովազդային կոդը տեղադրելիս, Գովազդային տարածքները կարգավորելիս, ինչպես նաև Գործընկերոջ համակարգի և Yandex համակարգի տեխնիկական ինտեգրումն իրականացնելիս, Գործընկերը պետք է ապահովի համապատասխանությունը տեխնիկական պահանջներին և կանոններին, որոնց մասին Yandex-ը կարող է Գործընկերոջը տեղեկացնել Գործընկերոջ ինտերֆեյսի, էլ. փոստի և/կամ https://yandex.com/support/partner կայքում հրապարակվող տեղեկատվական նյութերի միջոցով:

ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

3.7. Գործընկերը ներկայացնում, երաշխավորում և պարտավորվում է.

3.7.1. չմիջամտել Գովազդի տեղադրման գործընթացին, այդ թվում նաև Գործընկերոջ Ռեսուրսներում չտեղադրել որևէ տեղեկատվություն, որը կարող է ազդել Օգտվողի կողմից գովազդի ընկալման վրա, ինչպես նաև չտեղադրել «Գովազդի վրա կտտոցներ» կատարելու կանչեր,

3.7.2. Yandex-ին տրամադրել Գործընկերոջ Ռեսուրսների կամ դրա որևէ հատվածի մուտքի, ինդեքսավորման և քեշավորման իրավունք, այդ թվում նաև Yandex-ին պատկանող ավտոմատացված միջոցների օգնությամբ,

3.7.3. ձեռնարկել կոմերցիոն տեսանկյունից արդարացված միջոցներ՝ Գործընկերոջ Ռեսուրսները Օգտվողների շրջանում ավելի հանրաճանաչ դարձնելու համար, ներառյալ Գործընկերոջ Ռեսուրսների Օգտվողների քանակի ավելացումը, սակայն չսահմանափակվելով դրանով,

3.7.4. չկատարել որևէ գործողություններ, որոնք կարող են հանգեցնել Խարդախության՝ այդ թվում նաև ինքնուրույն կամ երրորդ կողմերի ներգրավմամբ, ձեռքով կամ համապատասխան ծրագրերի, սկրիպտերի կամ կոդերի օգտագործմամբ,

3.7.5. Գովազդային կոդն օգտագործել բացառությամբ Համաձայնագրի կատարման նպատակով,

3.7.6. եթե Համաձայնագրով այլ բան նախատեսված չէ, չկատարել որևէ գործողություններ, որոնք առաջացնում են տեղադրված Գովազդի և/կամ Օգտվողների կողմից Գովազդի վրա կտտացնելու հետևանքների փոփոխություն, ներառյալ հետևյալ գործողությունները, սակայն չսահմանափակվելով դրանցով՝ չծածկել Գովազդը կամ դրա որևէ հատվածը Գործընկերոջ Ռեսուրսների բովանդակությամբ, չծածկել Գործընկերոջ Ռեսուրսների բովանդակությունը Գովազդով կամ դրա որևէ հատվածով (բացառությամբ այն դեպքերի, երբ Yandex-ը համաձայնել է նման գործողությունների կատարմանը), չփոխել Գովազդում պարունակվող գերհղումների հասցեները, չխաթարել Օգտվողների մուտքը Գովազդողների կայքէջեր (վեբ կայքեր),

3.7.7. չփոխել Գովազդային տարածքների պարամետրերը այնպիսի եղանակով, որը զգալիորեն կնվազեցնի Գովազդի տեսանելիությունը, ներառյալ հետևյալը, սակայն չսահմանափակվելով դրանցով՝ չտեղադրել Գովազդային տարածքները Գործընկերոջ Ռեսուրսների վեբ էջերի կամ բջջային հավելվածների էջերի ստորին հատվածում կամ Գործընկերոջ Ռեսուրսների այլ հատվածներում, որոնք դժվար հասանելի են, կամ որոնք Օգտվողները հազվադեպ են այցելում դիտարկման կամ Գործընկերոջ Ռեսուրսների հետ փոխազդեցության ընթացքում,

3.7.8. չփոխել Գործընկերոջ Ռեսուրսների, դրանց բովանդակության, տարրերի կամ այլ բաղադրիչների որևէ բնութագրեր, եթե դա կհանգեցնի Համաձայնագրի պահանջներին Գովազդային տարածքի ձևաչափի անհամապատասխանության կամ Առաջարկի 2.2 կետում նշված փոխազդեցության դժվարացման: Եթե Գործընկերը փոխի Գործընկերոջ Ռեսուրսներից որևէ մեկի առարկան, ապա նա պարտավոր է այդ մասին տեղեկացնել Yandex-ին նման փոփոխության կատարման օրը,

3.7.9. ձեռնարկել բոլոր անհրաժեշտ միջոցները Գործընկերոջը պատկանող Գովազդային կոդի (եթե կիրառելի է), Գործընկերոջ համակարգի (եթե կիրառելի է) և Գործընկերոջ Ռեսուրսների անխափան և անսխալ աշխատանքն ապահովելու համար՝ հաշվի առնելով տեխսպասարկման աշխատանքների իրականացման համար նախատեսված խելամիտ ընդհատումները, որոնց մասին Գործընկերը պարտավոր է Yandex-ին տեղեկացնել նախապես,

3.7.10. անմիջապես տեղեկացնել Yandex-ին Գործընկերոջ Գովազդային կոդի (եթե կիրառելի է), Գործընկերոջ համակարգի (եթե կիրառելի է) և Գործընկերոջ Ռեսուրսների շահագործման վթարային ընդհատումների և սխալների մասին, եթե նման ընդհատումները կամ սխալները կարող են ազդել Գործընկերոջ կողմից Համաձայնագրի դրույթների կատարման վրա,

3.7.11. տեղադրման, Ցուցադրման և/կամ Օգտվողների «Գովազդի վրա կտտոցների» հաշվառման, ինչպես նաև այլ նպատակներով բրաուզերում (կամ Գործընկերոջ Ռեսուրսներ մուտք գործելու համար Օգտվողի կողմից օգտագործվող այլ ծրագրերում) կարող են միացվել քուքիներ և/կամ օգտագործվել օգտվողների գործողությունների հետագծման այլ միջոցներ, որոնք Yandex-ին թույլ են տալիս ստանալ տեղեկատվություն Ցուցադրումների, Կտտոցների, Օգտվողների Թիրախային գործողությունների և այլնի մասին: Նման դեպքերում Գործընկերը պարտավորվում է.

ա) Yandex-ին փոխանցել հետագծման միջոցների մասին տեղեկատվություն՝ որպես Գովազդ ցուցադրելու նպատակով Գովազդային կոդի կանչի մի մաս (եթե կիրառելի է), և

բ) Օգտվողներին տրամադրել բոլոր անհրաժեշտ տեղեկությունները հետևյալի մասին՝ (i) քուքիների ակտիվացում և/կամ օգտվողի գործողությունների հետագծման այլ միջոցների օգտագործում, (ii) քուքիների և/կամ օգտվողի գործողությունների հետագծման այլ միջոցների օգնությամբ ստացված տվյալների օգտագործում Yandex-ի կողմից, ինչպես նաև (iii) ստանալ յուրաքանչյուր Օգտվողի համապատասխան և տեղեկացված համաձայնությունը քուքիների և/կամ օգտվողի գործողությունների հետագծման այլ միջոցների տեղադրման և ակտիվացման, ինչպես նաև դրանց միջոցով Yandex-ի կողմից ստացվող տվյալների հավաքագրման, բացահայտման և օգտագործման համար, եթե դա նախատեսված է գործող օրենքներով, Առաջարկով և/կամ Մասնակցության կանոններով,

3.7.12. Առաջարկի 3.7.11.բ պարբերությունում սահմանված նպատակների համար Գործընկերը պարտավորվում է Գործընկերոջ Ռեսուրսներում հրապարակել հստակ նշագրված և հեշտ հասանելի գաղտնիության քաղաքականություն (կամ նմանատիպ այլ փաստաթուղթ), որը կպարունակի 3.7.11.բ պարբերությունում նշված ողջ տեղեկատվությունը, ինչպես նաև տեղեկություններ քուքիների և/կամ օգտվողի գործողությունների հետագծման այլ միջոցների՝ Օգտվողի կողմից կառավարման մասին (այդ թվում նաև վեբ բրաուզերների «Չհետագծել» ընտրանքի և այլնի մասին),

3.7.13. Գործընկերը պարտավորվում է անհապաղ տեղեկացնել Yandex-ին, եթե Գործընկերոջ ռեսուրսն արգելափակվել է մատակարարի, հոսթինգի մատակարարի կամ պետական մարմինների կողմից՝ նշելով արգելափակման պատճառները,

3.7.14. կատարել Առաջարկի և Մասնակցության կանոնների բոլոր պահանջները և պայմանները, որոնք վերաբերում են Փորձարկման ժամանակահատված Գործընկերոջ կողմից Համաձայնագրի դրույթների կատարմանը,

3.7.15. Եթե Գործընկերների ռեսուրսներում ցուցադրվող գովազդային նյութերը աշխարհագրորեն ուղղված են Ռուսաստանի Դաշնությանը, Կողմերը ներկայացնում են, երաշխավորում և միմյանց առջև պարտավորվում են համապատասխանել Ռուսաստանի Դաշնության 13.03.2006 թվ․ № 38-ԴՕ «Գովազդի մասին» (այսուհետ՝ «Գովազդի մասին օրենք») օրենքի 18.1-րդ հոդվածի դրույթներին և Ռուսաստանի Դաշնության գործող կարգավորող ակտերի դրույթներին, որոնք կարգավորում են ինտերնետում գովազդի հաշվառումը և պիտակավորումը: Գործընկերը սույնով հանձնարարում է, և Յանդեքսը պարտավորվում է տարածված գովազդային նյութերի մասին տեղեկատվություն տրամադրել զանգվածային լրատվամիջոցների, զանգվածային հաղորդակցությունների, տեղեկատվական տեխնոլոգիաների ոլորտում հսկողության և վերահսկողության համար պատասխանատու դաշնային գործադիր մարմնի (այսուհետ՝ «Ռոսկոմնադզոր») միասնական առցանց գովազդային ռեգիստրին (այսուհետ՝ «ՄԱԳՌ»), գովազդային տվյալների օպերատորի (այսուհետ՝ «ԳՏՕ») միջոցով՝ Ռուսաստանի Դաշնության գործող օրենսդրությամբ սահմանված կարգով և պայմաններով՝ Գործընկերից և (կամ) նրա գործընկերոջից ստացված անփոփոխ ձևով (եթե կիրառելի է)(փոփոխությունները թույլատրվում են միայն տեխնիկական պահանջների պատճառով, այսուհետ՝ «Տեղեկատվության տրամադրում ՄԱԳՌ-ին»):

3.7.15.1. Կողմերը պայմանավորվել են, որ տեղեկատվության գաղտնիության մասով վերը նշված պահանջները կկատարվեն «Յանդեքսի գովազդային տվյալների օպերատոր» սահմանափակ պատասխանատվությամբ ընկերության (ՀՊԳՀ 1227700413962, այսուհետ՝ «Յանդեքս ԳՏՕ») միջոցով` https://yandex.ru/legal/ord_terms/?lang=en հասցեում տեղադրված տվյալների տրամադրման պայմաններին համապատասխան։ Թյուրիմացություններից խուսափելու համար Յանդեքսը ոչ մի դեպքում պատասխանատվություն չի կրում Յանդեքս ԳՏՕ-ի, ՄԱԳՌ-ի և (կամ) Ռոսկոմանձորի գործողությունների կամ անգործության համար: «Գովազդի մասին» օրենքի 18.1-րդ հոդվածով նախատեսված պահանջների կատարման վերաբերյալ Գործընկերոջ կողմից որևէ պահանջի և/կամ դիտողությունների առաջացման դեպքում, որոնց համար պատասխանատու են Յանդեքս ԳՏՕ-ը, ՄԱԳՌ-ը և/կամ Ռոսկոմանձորը, Գործընկերը պարտավորվում է այդպիսի պահանջները, մեկնաբանությունները և հարցերը ուղղակիորեն ուղղել համապատասխան անձանց և/կամ պետական մարմիններին:

3.7.15.2. Կասկածներից խուսափելու համար Յանդեքսը պարտավորություն չի ստանձնում ստուգել մյուս Կողմի և/կամ նրա գործընկերոջ (եթե կիրառելի է) կողմից տրամադրված տեղեկատվությունը և պատասխանատվություն չի կրում դրա ճշգրտության, համապատասխանության, ամբողջականության, Ռուսաստանի Դաշնության գործող օրենսդրությանը համապատասխանության և ՄԱԳՌ-ին գովազդային տեղեկատվության ներկայացման կարգին և պայմաններին: Միևնույն ժամանակ, Գործընկերը պարտավորվում է տրամադրել անհրաժեշտ տեղեկատվությունը ժամանակին և բացառապես օգտագործելով համապատասխան ինտերֆեյսը այնպես, որ Յանդեքսը ի վիճակի լինի ամբողջությամբ կատարել իր պարտավորությունները: Սա, մասնավորապես, նշանակում է, որ Գործընկերը երաշխավորում է Համաձայնագրի շրջանակներում տարածվող գովազդի, դրա գովազդատուների, գովազդ տարածողների, գովազդային համակարգերի օպերատորների եւ գովազդին մասնակցող այլ անձանց (եթե կիրառելի է) մասին Յանդեքսին տեղեկատվության տրամադրման ամբողջականությունը, հավաստիությունը, արդիականությունը եւ ժամանակին լինելը, ինչպես նաեւ այն մասին, որ Գործընկերն իրավունք ունի Յանդեքսին փոխանցել նշված անձանց մասին տեղեկությունները, ինչպես նաեւ Յանդեքսին հանձնարարել ՄԱԳՌ-ին տրամադրել նշված անձանց վերաբերյալ տեղեկությունները (եթե կիրառելի է): Գործընկերը նաև պարտավորվում է պատասխանել Յանդեքսի հարցումներին 1 (մեկ) օրացուցային օրվա ընթացքում՝ կապված Յանդեքսի կողմից Յանդեքս ԳՏՕ-ից, ՄԱԳՌ-ից և (կամ) Ռուսաստանի Դաշնության պետական մարմիններից հարցումներ ստանալու հետ՝ Գովազդի մասին օրենքի 18.1-րդ հոդվածով նախատեսված պահանջների պահպանման կապակցության հետ:

3.7.16. Գործընկերը համաձայնում է, որ Գովազդի մասին օրենքի 18.1-րդ հոդվածում սահմանված պահանջները կատարելու նպատակով՝ Գործընկերոջ կողմից Յանդեքս ID-ում (https://pasport.yandex.com) հաշիվ ստեղծելիս նշված հեռախոսահամարը կարող է ներառվել ՄԱԳՌ-ին հաղորդված գովազդային տեղեկատվության մեջ:

3.8. Գործընկերն իրավունք ունի.

3.8.1. Yandex-ին ուղարկել համապատասխան Գովազդի տեղադրումը դադարեցնելու կամ կասեցնելու վերաբերյալ խելամիտ հարցում՝ մինչև Yandex-ի կողմից երրորդ անձանց հետ վեճերի կարգավորումը այն դեպքերում, երբ Գովազդի բովանդակությունը կամ տեղադրումը խախտում է գործող օրենքների պահանջները կամ առաջացնում է (կամ կարող է առաջացնել) երրորդ անձանց օրինական իրավունքների խախտման վերաբերյալ բողոքներ,

3.8.2. Գովազդի տեղադրման վերաբերյալ Համաձայնագրի պահանջները կատարելու նպատակով օգտագործել Yandex որոնման համակարգի որոնման արդյունքները XML ձևաչափով Գործընկերոջ Ռեսուրսներում տեղադրելու համար՝ ուղարկելով ավտոմատ XML որոնման հարցումներ Yandex-ի որոնման համակարգին և ստանալով նման հարցումների մշակման արդյունքները http://xmlsearch.yandex.ru/xmlsearch, http://xmlsearch.yandex.com/xmlsearch կայքերում: Նման հարցումները պարտադիր պետք է համապատասխանեն Մասնակցության կանոններում, ինչպես նաև Yandex.XML ծառայության լիցենզիայում (https://yandex.com/legal/xml) նման օգտագործման համար սահմանված տեխնիկական պահանջներին և պայմաններին: Նման դեպքերում Գործընկերը պարտավորվում է չօգտագործել Yandex որոնման համակարգի որոնման արդյունքները ցանկացած նպատակի համար կամ ցանկացած եղանակով, որը նախատեսված չէ Առաջարկով և Մասնակցության կանոններով, ինչպես նաև երրորդ անձանց չտրամադրել ավտոմատ XML հարցումներ ուղարկելու և որոնման արդյունքներ ստանալու հնարավորություն:

3.9. Yandex-ն իրավունք ունի.

3.9.1. հրաժարվել Գովազդը Գործընկերոջ որևէ ռեսուրսում տեղադրելուց, այդ թվում նաև հետևյալ դեպքերում. (ա) եթե Գործընկերը խախտել է Համաձայնագրի դրույթները, (բ) եթե Yandex-ը Գովազդողներից կամ այլ երրորդ կողմերից ստացել է հայցեր և/կամ բողոքներ առ այն, որ Գործընկերոջ Ռեսուրսներից ցանկացածը չի համապատասխանում գործող օրենսդրության և/կամ Համաձայնագրի պահանջներին, (գ) Գործընկերոջ Ռեսուրսներում Գովազդի տեղադրման ցածր արդյունավետության դեպքում, ինչպես նաև (դ) Առաջարկի պահանջներին և/կամ Մասնակցության կանոններին Գործընկերոջ Ռեսուրսների այլ անհամապատասխանությունների դեպքերում, առանց պարզաբանման, Գործընկերոջը նման հրաժարման մասին էլ. փոստով և/կամ Գործընկերոջ ինտերֆեյսով տեղեկացնելու միջոցով,

3.9.2. հրաժարվել Գործընկերոջ հարթակների վրա գովազդ տեղադրել, եթե Գործընկերը չի կատարել Առաջարկի ընդունման համար անհրաժեշտ գործողությունները թեստային շրջանի 2 (երկու) անընդմեջ օրացուցային ամիսների ավարտից հետո, կամ եթե այդ Գործընկերոջ բալանսը թեստային ժամանակահատվածում հասնում է 100 եվրոյի կամ 150 ԱՄՆ դոլարի կամ վաթսուն հազար (60 000) ՀՀ դրամի (կախված Գործընկերի կողմից ընտրված վճարման արժույթից):

դադարեցնել Գործընկերոջ հետ փոխազդեցությունը և հրաժարվել Առաջարկի պայմանների հիման վրա Համաձայնագիր կնքելուց, եթե Փորձարկման ժամանակահատվածի տասներկու (12) հաջորդական ամիսների ավարտից հետո Գործընկերը չի կատարել Առաջարկի ընդունման համար անհրաժեշտ գործողությունները,

3.9.3. իր հայեցողությամբ փոխել Գովազդային տարածքներում տեղադրված Գովազդի դիզայնը, ցուցադրման եղանակը և/կամ արտաքին տեսքը՝ ինչպես փորձարկումներ իրականացնելու նպատակով, այնպես էլ մշտական հիմունքներով: Yandex-ը հնարավորության դեպքում Գործընկերոջը կտեղեկացնի նման փոփոխությունների և/կամ համապատասխան փորձարկումների մասին,

3.9.4. Գործընկերոջը հիշատակել Yandex-ի պրեզենտացիաներում և մարքեթինգային նյութերում՝ առանց Գործընկերոջ հատուկ համաձայնությունը ստանալու:

3.10. Բացառապես սույն Համաձայնագրի շրջանակներում ստանձնած պարտականությունները կատարելու նպատակով և Համաձայնագրի դրույթները և պայմանները Գործընկերոջ կողմից մշտապես կատարելու պայմանով, Կողմերը միմյանց տրամադրում են ոչ բացառիկ, չփոխանցվող, առանց ենթալիցենզավորման իրավունքի, համաշխարհային և բացառիկ իրավունքի տևողության ժամկետում գործող (սակայն ամեն դեպքում Համաձայնագրի գործողության ժամկետը չգերազանցող) լիցենզիա՝ օգտագործելու Գովազդային կոդը (կախված նրանից, թե որ Կողմին են պատկանում Գովազդային կոդի նկատմամբ իրավունքները), Yandex համակարգը և Գործընկերոջ համակարգը, որոնք ոչ մի պարագայում չպետք է խախտեն գործող օրենքների պահանջները և Համաձայնագրի դրույթները, ներառյալ վերը նշվածներից ցանկացածի օգտագործման տեխնիկական պահանջները:

Համաձայնագրի դրույթները և պայմանները Գործընկերոջ կողմից մշտապես կատարելու պայմանով, Yandex-ը սույնով վերապահում է և Համաձայնագրի գործողության ժամկետի ողջ ընթացքում Գործընկերոջը տրամադրում ոչ բացառիկ, չփոխանցվող, առանց ենթալիցենզավորման իրավունքի, համաշխարհային լիցենզիա՝ վերարտադրելու և/կամ որևէ այլ կերպ ցուցադրելու Գովազդը՝ բացառապես Համաձայնագրում նշված նպատակներով:

Գործընկերը սույնով վերապահում է և Yandex-ին տրամադրում ոչ բացառիկ, փոխանցվող, ենթալիցենզավորման իրավունքով, համաշխարհային լիցենզիա՝ Համաձայնագրի գործողության ժամկետում օգտագործելու Գործընկերոջ Ռեսուրսները՝ Yandex-ի կողմից դրա շրջանակներում ստանձնած պարտավորությունները կատարելու նպատակով:

Վերը նշված լիցենզիաներից յուրաքանչյուրի չեղարկումը պետք է իրականացվի միայն Համաձայնագրի գործողության դադարեցման միջոցով:

3.11. Համաձայնագրի շրջանակներում տեղեկատվության և փաստաթղթերի փոխանակումը Կողմերը կարող են իրականացվել Գործընկերոջ ինտերֆեյսի, էլ. փոստի, փոստի կամ սուրհանդակային ծառայության միջոցով: Եթե Առաջարկում այլ բան հստակ սահմանված չէ, ցանկացած ծանուցում պետք է համարվի պատշաճ կերպով տրամադրված էլ. փոստի միջոցով ուղարկելու դեպքում: Ծանուցումը պետք է համարվի ստացված հետևյալ ժամկետներում. էլ. փոստով ուղարկելու դեպքում՝ ուղարկելու օրվան հաջորդող աշխատանքային օրը, փոստով ուղարկելու դեպքում՝ ստացականի մեջ նշված օրը, սուրհանդակի միջոցով ուղարկելու դեպքում՝ առաքման օրը, Գործընկերոջ ինտերֆեյսի միջոցով ուղարկելու դեպքում՝ Գործընկերոջ ինտերֆեյսում ծանուցումը հրապարակելու օրը: Գործընկերոջ ինտերֆեյսի միջոցով տեղեկատվության փոխանակման դեպքում, Գործընկերն ինքն է պատասխանատվություն կրում Գործընկերոջ ինտերֆեյսում հրապարակվող տեղեկատվությանը պարբերաբար ծանոթանալու համար և պետք է ինքնուրույն իրականացնի վերահսկողություն Գործընկերոջ ինտերֆեյսում տեղեկատվության, ծանուցումների և փաստաթղթերի հրապարակման և փոփոխության նկատմամբ:

4. ՎԱՐՁԱՏՐՈՒԹՅԱՆ ԵՎ ՀԱՇՎԱՐԿՆԵՐԻ ԻՐԱԿԱՆԱՑՄԱՆ ԸՆԹԱՑԱԿԱՐԳ

4.1. Համաձայնագրի շրջանակներում Ծառայությունների տրամադրման համար Yandex-ը Գործընկերոջը տրամադրում է վարձատրություն: Յուրաքանչյուր Հաշվետու ժամանակահատվածի վերջին օրվանից հետո տաս (10) աշխատանքային օրվա ընթացքում Yandex-ը Գործընկերոջը էլ. փոստով պետք է ուղարկի էլեկտրոնային հաշվետվություն, որը կպարունակի Գործընկերոջը վճարվելիք վարձատրության գումարը, որի չափը որոշվում է Yandex-ի Վիճակագրական տվյալների հիման վրա («Էլեկտրոնային հաշվետվություն»):

Yandex-ը նշված Էլեկտրոնային հաշվետվությունը պետք է Գործընկերոջն ուղարկի էլ. փոստով՝ Առաջարկի 3.11. կետով սահմանված ընթացակարգի համաձայն:

4.2. Սույն փաստաթղթի 4.1. կետում նշված վարձատրության գումարի վճարումը յուրաքանչյուր Հաշվետու ժամանակահատվածի համար Yandex-ի կողմից կատարվում է նման Հաշվետու ժամանակահատվածի ավարտից հետո Yandex-ի կողմից ուղարկվող Էլեկտրոնային հաշվետվության հիման վրա՝ պայմանով, որ Գործընկերը նման Էլեկտրոնային հաշվետվությունում պարունակվող տվյալների վերաբերյալ գրավոր առարկություններ չներկայացնի Հաշվետու ժամանակահատվածի ավարտից հետո 15 (տասնհինգ) օրացուցային օրվա ընթացքում:

Էլեկտրոնային հաշվետվության հիման վրա վարձատրության գումարի վճարումը Yandex-ի կողմից կիրականացվի ֆիզիկական կամ իրավաբանական անձ հանդիսացող Գործընկերոջ կողմից գրանցման ժամանակ նշված և գործող օրենքների պահանջներին համապատասխանող վճարային համակարգի օպերատորների և / կամ վարկային հաստատությունների վճարային տվյալներով բանկային փոխանցում կատարելու միջոցով.

Հայաստանի Հանրապետության ռեզիդենտ չհանդիսացող անձանց ՀԱՄԱՐ. Էլեկտրոնային հաշվետվությունն ուղարկելուց հետո վաթսուն (60) բանկային օրվա ընթացքում

Հայաստանի Հանրապետության ռեզիդենտ հանդիսացող անձանց ՀԱՄԱՐ. Էլեկտրոնային հաշվետվությունը ուղարկելուց հետո Գործընկերոջ կողմից ՀՀ գործող օրենսդրության պահանջների համաձայն թողարկված էլեկտրոնային հաշիվ-ապրանքագիրը ստանալուց հետո (60) բանկային օրվա ընթացքում:

4.3. Համաձայնագրի շրջանակներում բոլոր փոխհաշվարկները պետք է կատարվեն http://partner.yandex.com կայքում գրանցվելիս Գործընկերոջ կողմից ընտրված արժույթով և սահմանվեն Yandex-ի կանոններին համաձայն:

4.4. Հայաստանի Հանրապետության ոչ ռեզիդենտների ՀԱՄԱՐ՝ Պայմանագրով վարձատրությունը պետք է հավասար լինի Յանդեքսի էլեկտրոնային հաշվետվության և վիճակագրական տվյալների մեջ նշված գումարին: Եթե Հայաստանի գործող օրենսդրության համաձայն, Յանդեքսը պարտավոր է հաշվարկված վարձատրությունից պահել գործընկերոջ կողմից որպես եկամուտ ստացող վճարման ենթակա եկամտահարկը, ապա այդ հարկի գումարը պետք է ավելացվի Յանդեքսի էլեկտրոնային հաշվետվության և վիճակագրական տվյալների մեջ նշված գումարին և դիտարկվի որպես Պայմանագրով վարձատրություն: Կասկածից խուսափելու համար պահված եկամտահարկը պահելուց հետո գործընկերոջը վճարվող վարձատրությունը (եթե կիրառելի է) պետք է հավասար լինի Յանդեքսի էլեկտրոնային հաշվետվության և վիճակագրական տվյալների մեջ նշված գումարին:

Գործընկերը պարտավոր է յուրաքանչյուր օրացուցային տարվա ընթացքում Յանդեքսի հարցումների վերաբերյալ հարկային տեղեկանք տրամադրել սույն Պայմանագրի գործողության ժամկետի ընթացքում:

Յանդեքսը նաև հաշվարկում է հայկական հակադարձ ԱԱՀ-ն սույն Պայմանագրով հաշվարկված վարձատրության ընդհանուր գումարի չափով և հարկային օրենսդրությանը համապատասխան:

Գործող օրենքներով նախատեսված բոլոր հարկերը, տուրքերը և այլ գանձումները կամ պարտադիր գումարները պետք է ամբողջությամբ վճարվեն Գործընկերոջ կողմից՝ իր սեփական միջոցների հաշվին: Պայմանագրով վարձատրության չափը ենթակա չէ ճշգրտման՝ հաշվի առնելով այդպիսի հարկերը, տուրքերը եւ այլ հատուցումները

4.5. Yandex-ը Գործընկերոջը կտրամադրի վարձատրություն միայն այն դեպքում, եթե Հաշվետու ժամանակահատվածում Գործընկերոջ կողմից տրամադրված Ծառայությունների դիմաց վճարման ենթակա ընդհանուր գումարը գերազանցում է հարյուր (100) եվրոյի կամ հարյուր հիսուն (150) ԱՄՆ դոլարի կամ վաթսուն հազար (60 000) ՀՀ դրանի շեմը (Գործընկերոջ կողմից ընտրված վճարման արժույթից կախված):

Վերը նշված շեմային արժեքը չգերազանցող վարձատրության գումարը կկուտակվի և կվճարվի հաջորդ Հաշվետու ժամանակահատվածի ավարտից հետո՝ պայմանով, որ Գործընկերոջ կողմից տրամադրված Ծառայությունների ընդհանուր արժեքը հասնի վերը նշված արժեքներին:

4.5.1. Գործընկերոջ կողմից Առաջարկն ընդունելուց հետո առաջին Հաշվետու ժամանակահատվածի համար Գործընկերոջ վարձատրության գումարի հաշվարկը պետք է ներառի Փորձարկման ժամանակահատվածում Գործընկերոջ կողմից կուտակված հաշվի մնացորդը:

4.6. Գործընկերոջը վարձատրություն վճարելու Yandex-ի պարտավորությունը կհամարվի կատարված գումարը Yandex-ի բանկային հաշվից ելքագրելու պահին: Վճարումը պետք է կատարվի Գործընկերոջ վեբ ինտերֆեյսում Գործընկերոջ կողմից նշված վճարային տվյալներին համապատասխան գումարը փոխանցելու միջոցով:

4.7. Եթե Առաջարկում այլ բան սահմանված չէ, Գործընկերոջ վարձատրության կուտակված գումարը կարող է փոփոխվել միայն Կողմերի միջև լրացուցիչ գրավոր համաձայնագիր կնքելու միջոցով: Առանց վերը նշվածը սահմանափակելու, Yandex-ն իրավունք ունի վերանայել վարձատրության կուտակված գումարը՝ հաշվի առնելով Հաշվետու ժամանակահատվածի, ինչպես նաև անսահմանափակ քանակությամբ նախորդ Հաշվետու ժամանակահատվածների արդյունքները, ինչպես նաև Կտտոցների, Ցուցադրումների և Թիրախային գործողությունների աուդիտի արդյունքները, եթե նման աուդիտի արդյունքում բացահայտել են խարդախ (անազնիվ) գործողություններ, որոնք կատարվել են Գործընկերոջ կողմից՝ Առաջարկի 3.7.1 և 3.7.4 կետերի խախտմամբ կամ երրորդ անձանց կողմից՝ նախորդ Հաշվետու ժամանակահատվածներից ցանկացածի ընթացքում:

4.8. Այդ նպատակով Yandex-ի վիճակագրությունը և Գործընկերին վճարվող վարձատրության չափը կարող են ցուցադրվել Գործընկերոջ ինտերֆեյսում բացառապես տեղեկատվական նպատակներով՝ Գործընկերի կողմից ընտրված արժույթով: Ռուբլի փոխարկումն այս արժույթի իրականացվում է Ռուսաստանի Դաշնության Կենտրոնական բանկի կողմից սահմանված փոխարժեքի հիման վրա՝ համապատասխան սեղմման կամ տպավորության օրվա դրությամբ:

5. ԵՐԱՇԽԻՔՆԵՐ

5.1. Առաջարկի տեքստում բացահայտ կերպով նշված երաշխիքներից բացի և գործող օրենքներով թույլատրված առավելագույն սահմաններում, Yandex-ը չի տրամադրում որևէ այլ բացահայտ կամ ենթադրվող երաշխիքներ և բացահայտ կերպով հրաժարվում է որևէ երաշխիքներից կամ պայմաններից, որոնք վերաբերում են Ծառայությունների կամ Գործընկերոջ որոշ նպատակների իրագործելիության հետ կապված իրավունքների կամ ակնկալիքների խախտման բացակայությանը, ներառյալ հետևյալը, սակայն չսահմանափակվելով դրանցով՝ Ծառայությունների մատուցման համար Գործընկերոջ կողմից ակնկալվող վարձատրության գումար, Yandex համակարգի, Գործընկերոջ ինտերֆեյսի և/կամ Գովազդային կոդի աշխատունակություն:

5.2. Գործընկերը ներկայացնում և Yandex-ին երաշխավորում է, որ.

5.2.1. Գործընկերն ունի համապատասխան իրավական կարգավիճակ և հնարավորություններ՝ Համաձայնագիրը կնքելու և կատարելու համար, և որ Գործընկերոջ կողմից Ծառայությունների մատուցումը չի հակասում գործող օրենքների պահանջներին կամ երրորդ անձանց նկատմամբ Գործընկերոջ ունեցած պարտավորություններին, և որ Ծառայությունների մատուցումը ոչ մի կերպ չի հանդիսանում երրորդ կողմերի իրավունքների և օրինական շահերի խախտում,

5.2.2. Գործընկերոջ Ռեսուրսները իրավաբանորեն պատկանում են Գործընկերոջը և/կամ վերջինս ունի դրանք օգտագործելու իրավունք Առաջարկի պահանջների համաձայն, ինչպես նաև ամբողջական պատասխանատվություն է կրում բովանդակության, կոդի և/կամ Գործընկերոջ կողմից Գործընկերոջ Ռեսուրսներում հրապարակվող ցանկացած այն տեղեկատվության համար,

5.2.3. Գործընկերոջ Ռեսուրսները համապատասխանելու են Առաջարկի պահանջներին և Մասնակցության կանոններին Համաձայնագրի գործողության ժամկետը ողջ ընթացքում,

5.2.4. Գործընկերը Yandex-ին տրամադրել է վավեր և հուսալի տեղեկատվություն, ներառյալ անձնական տվյալները, կոնտակտային տվյալները և այլ տեղեկությունները, որոնք Առաջարկի համաձայն պահանջվում են Առաջարկի ընդունման, ինչպես նաև Համաձայնագրի կատարման ընթացքում,

5.2.5. Գործընկերն ամբողջությամբ կարդացել է Առաջարկը, Մասնակցության կանոնները, ամբողջությամբ հասկանում է Առաջարկի և Համաձայնագրի առարկան, ինչպես նաև Համաձայնագրի կնքման և կատարման հետ կապված իր գործողությունների իմաստը և հետևանքները,

5.2.6. Yandex-ի կողմից քուքիների տեղադրումը կամ օգտագործումը և/կամ օգտվողների գործողությունների հետագծման այլ միջոցների օգտագործումը չի խախտում Գործընկերոջ և Օգտվողների հարաբերությունը կառավարող օրենսդրության պահանջները, կամ որ Գործընկերը ձեռնարկել է նման օրենսդրությամբ նախատեսված բոլոր միջոցները՝ Yandex-ին քուքիները միացնելու և/կամ օգտվողների գործողությունների հետագծման այլ միջոցները, ինչպես նաև դրանց օգնությամբ ստացված տվյալներն օգտագործելու իրավունք տալու համար:

6. ՊԱՏԱՍԽԱՆԱՏՎՈՒԹՅՈՒՆ ԵՎ ՊԱՏԱՍԽԱՆԱՏՎՈՒԹՅԱՆ ՍԱՀՄԱՆԱՓԱԿՈՒՄ

6.1. Համաձայնագրի շրջանակներում Կողմերից ոչ մեկը ոչ մի պարագայում պատասխանատվություն չի կրում հետևյալի համար. (i) անուղղակի կորուստներ և/կամ եկամուտի կորուստ որևէ Կողմի կամ երրորդ անձանց կողմից, նույնիսկ եթե մյուս Կողմը կարող էր կանխատեսել նման կորուստների առաջացման հնարավորությունը, (ii) անհաղթահարելի ուժի հանգամանքներ (այսուհետ՝ «Անհաղթահարելի ուժ»):

6.1.1. Անհաղթահարելի ուժը ներառում է բոլոր իրադարձությունները, որոնք տեղի չէին ունեցել (կամ որոնք Կողմերը չէին կարող կանխատեսել) Համաձայնագրի կնքման ամսաթվի դրությամբ, որոնք գտնվում են Կողմերի վերահսկողությունից դուրս, որոնց առաջացումը և ազդեցությունը հնարավոր չէ կանխել այնպիսի միջոցներով և եղանակներով, որոնք որոշ իրավիճակներում կարող են խելամտորեն պահանջվել կամ ակնկալվել, և որոնց արդյունքում (պատճառով) Համաձայնագիրը չի կարող կատարվել իր դրույթներին և պայմաններին համապատասխան: Անհաղթահարելի ուժը ներառում է հետևյալ իրադարձությունները. հրդեհներ, երկրաշարժեր, ջրհեղեղներ կամ այլ բնական աղետներ, համաճարակներ և պանդեմիա, տեխնածին վթարներ, գործադուլներ (Կողմերից մեկի աշխատակիցների գործադուլից բացի), ցանկացած երկրի պետական մարմինների կողմից Համաձայնագրի Կողմերից որևէ մեկի նկատմամբ պատժամիջոցների կիրառում, պետական մարմինների դատական հայցեր (բացառությամբ Համաձայնագրի Կողմերից որևէ մեկի կողմից գործող օրենքների պահանջների խախտման համար հարուցած հայցերի), գործող օրենքների զգալի փոփոխություններ, դժբախտ պատահարներ, ինտերնետ կապի, հաղորդակցության ծառայությունների մատակարարների, տվյալների կենտրոնների ծառայությունների ընդհատումներ և դրանց աշխատանքի այլ խափանումներ, էլեկտրասնուցման խափանումներ և այլն,

6.1.2. այն Կողմը, որը չի կարողանում կատարել Համաձայնագրով ստանձնած պարտավորությունները Անհաղթահարելի ուժի ազդեցության պատճառով, պետք է անմիջապես գրավոր տեսքով տեղեկացնի մյուս Կողմին Համաձայնագրի կատարմանը խոչընդոտող Անհաղթահարելի ուժի բնույթի մասին՝ կցելով համապատասխան փաստաթղթերի պատճենները,

6.1.3. Անհաղթահարելի ուժի ազդեցության ողջ ընթացքում կողմերը ազատվում են Համաձայնագրի պահանջների ոչ պատշաճ կատարման համար պատասխանատվությունից,

6.1.4. եթե Անհաղթահարելի ուժի ազդեցության տևողությունը գերազանցում է վեց (6) ամիսը, ապա Կողմերից յուրաքանչյուրն իրավունք ունի դադարեցնել Համաձայնագրի գործողությունը, իսկ Գործընկերն իրավունք ունի պահանջել վճարում փաստացի մատուցված, սակայն դեռևս չփոխհատուցված Ծառայությունների համար:

6.2. Գովազդի տեղադրմանն առնչվող վեճերը, ներառյալ երրորդ կողմերի հայցերը, որոնց իրավունքները խախտվել են Գովազդի տեղադրման արդյունքում, ինչպես նաև դատարանների և պետական լիազոր մարմինների կողմից նախաձեռնված դատավարությունները, պետք է լուծվեն Yandex-ի կողմից և Yandex-ի հաշվին, եթե Գործընկերը բավարարում է հետևյալ պայմանները.

6.2.1. Գործընկերը պետք է Yandex-ին այդ մասին տեղեկացնի անմիջապես, սակայն ամեն դեպքում ոչ ուշ, քան երեք (3) աշխատանքային օրվա ընթացքում՝ համապատասխան հայցը, դատական կարգադրությունը, ծանուցումը, հրավերը, ինչպես նաև պետական լիազոր մարմնի կողմից թողարկված փաստաթուղթը ստանալու պահից,

6.2.2. Գործընկերը պետք է Yandex-ին տրամադրի համապատասխան հայցի, դատական կարգադրության, ծանուցման, հրավերի, պետական լիազոր մարմնի կողմից թողարկված փաստաթղթի պատճենները, ինչպես նաև այլ տեղեկություններ, որոնք Yandex-ը կարող է խելամտորեն պահանջել համապատասխան հայցերը կամ վեճերը լուծելու համար,

6.2.3. հայցադիմում ներկայացնելու և/կամ դատական գործ հարուցելու հիմքերը չպետք է հանդիսանան Գործընկերոջ կողմից կատարված գործողությունները:

6.3. Համաձայնագրի շրջանակներում Yandex-ի պարտավորությունների ընդհանուր գումարը, ներառյալ Համաձայնագրի կամ դրա կատարման վերաբերյալ ներկայացված դատական հայցի կամ դատական գործընթացի շրջանակներում վճարվելիք տուգանքների և/կամ վնասների փոխհատուցման գումարները, չի կարող գերազանցել Yandex-ի համապատասխան պարտավորության ծագման ամսաթվին նախորդող մեկ (1) օրացուցային տարվա ընթացքում Համաձայնագրով նախատեսված Ծառայությունների արժեքի 10%-ը:

6.4. Համաձայնագրի շրջանակներում վճարման ժամկետների կրկնակի խախտումների դեպքում, որոնք տեղի են ունենում անմիջապես և բացառապես Yandex-ի մեղքով, և չեն կարող ամբողջությամբ կամ մասամբ վերագրվել որևէ երրորդ կողմին և/կան Yandex-ի վերահսկողությունից դուրս գտնվող հանգամանքներին, Գործընկերն իրավասու է ուշացման յուրաքանչյուր օրվա համար Yandex-ից պահանջել վճարել տուգանք ժամկետանց գումարի 0,1%-ի չափով կամ օրենսդրությամբ նախատեսված առավելագույն դրույքաչափով, սակայն ոչ ավել, քան ժամկետանց գումարի 10%-ը:

6.5. Եթե Գործընկերը խախտի Առաջարկի 3.7.1, 3.7.5, 3.7.6, 3.7.11.2, 3.7.12 պարբերությունների պահանջները, ներառյալ դրա 5-րդ կետում նշված երաշխիքները և Մասնակցության կանոնների պահանջները, ապա Yandex-ն իրավասու է միակողմանի և արտադատարանային կարգով դուրս գալ Համաձայնագրից և/կամ լուծել Համաձայնագիրը՝ անմիջապես ուժի մեջ մտնելու պայմանով: Նման դեպքերում Ծառայությունները, որոնց նկատմամբ թույլ է տրվել Yandex-ի կողմից հայտնաբերված խախտումը, համարվում են Գործընկերոջ կողմից չմատուցված և Yandex-ի կողմից վճարման ենթակա չեն: Համաձայնագիրը համարվում է լուծված այն պահից, երբ Yandex-ն ուղարկում է Համաձայնագրի լուծման վերաբերյալ ծանուցում էլ. փոստով:

6.6. Եթե Գործընկերոջ կողմից սույն Համաձայնագրի շրջանակներում Ծառայությունների մատուցումը հիմք է հանդիսանում ընդդեմ Yandex-ի որևէ երրորդ անձի կողմից բողոքի, հայցի, դատական գործընթացի հարուցման և/կամ պետական կամ մունիցիպալ մարմինների կողմից կարգադրությունների ներկայացման համար՝ երրորդ անձանց իրավունքները և/կամ գործող օրենքների պահանջները խախտելու պատճառով, ապա Գործընկերը պարտավոր է Yandex-ի պահանջով անմիջապես վերջինիս տրամադրել Ծառայությունների մատուցմանն առնչվող բոլոր տեղեկությունները, օգնել Yandex-ին կարգավորել նման հայցերը, դատական գործընթացները և/կամ կարգադրությունները և պաշտպանել Yandex-ին բոլոր տեսակի վնասներից:

Սույն փաստաթղթի նպատակների համար կորուստները սահմանվում են որպես կորուստներ (ներառյալ դատական ծախսերը, երրորդ անձանց վճարված վնասների գումարները, փոխհատուցումները և/կամ վճարված տույժերի գումարները), որոնք Yandex-ը կրել է նման հայցերի, բողոքների, դատական գործընթացների և/կամ կարգադրությունների հետևանքով, ինչպես նաև կորուստներ, որոնք վերաբերում են հարկերի լրացուցիչ գումարներին, նախկինում վճարված հարկային գումարների փոխհատուցումից հրաժարվելուն և/կամ Համաձայնագրի կնքման, կատարման, վավերականության կամ դադարեցման և Yandex-ի վերահսկողությունից դուրս գտնվող հանգամանքների առնչությամբ Yandex-ի և Գործընկերոջ միջև հարաբերությունների արդյունքում Yandex-ի համար հարկային պարտավորությունների առաջացմանը: Նման հանգամանքները, մասնավորապես, կարող են ներառել հետևյալը․ Գործընկերոջ կողմից հարկերի և վճարների չվճարում, հարկային մարմիններին հարկային հայտարարագրերի, հաշվետվությունների և այլ փաստաթղթերի չտրամադրում, հարկերից խուսափում, հարկային բազայի նվազեցում, նոմինալ աշխատակիցների նշանակում (այդ թվում նաև միակ գործադիր մարմնի պաշտոնին), այնպիսի իրավիճակների առաջացում, երբ Գործընկերոջ և/կամ նրա կոնտրագենտների (այդ թվում նաև ենթակապալառուների) փաստաթղթերը ներառում են անձանց, ովքեր հետագայում հրաժարվում են հաստատել իրենց կապը Գործընկերոջ կամ կոնտրագենտի (այդ թվում նաև ենթակապալառի) հետ, Համաձայնագրով ստանձնած իր պարտավորությունները կատարելու նպատակով երրորդ կողմ ընտրելիս՝ վերջինիս գործունեության մանրակրկիտ իրավական ուսումնասիրության չիրականացում Գործընկերոջ կողմից, փաստաթղթի ձևի և բովանդակության խախտում (Գործընկերոջ կողմից դրանց չստորագրում կամ ստորագրում պատշաճ իրավասություն չունեցող աշխատակցի կողմից, կնիքի բացակայություն կամ կեղծ կնիքի ավելացում, եթե կնիքի օգտագործումը Գործընկերոջ կողմից պարտադիր է) և այլ հանգամանքներ, որոնք Yandex-ի համար առաջացնում են անբարենպաստ հարկային հետևանքներ՝ Գործընկերոջ և/կամ նրա կոնտրագենտների (այդ թվում նաև ենթակապալառուների) կողմից կատարված գործողությունների արդյունքում։

6.6.1. Կողմերը համաձայնել են, որ Yandex-ի՝ փոխհատուցման ենթակա կորուստների գումարը պետք է հավասար լինի Yandex-ի կորուստների գումարին, որը հաստատվել է դատական վճռով կամ պետական / մունիցիպալ պատկան մարմնի ուժի մեջ մտած որոշմամբ կամ դատական որոշմամբ հաստատված հաշտության համաձայնագրով, ներառյալ հետևյալը (սակայն չսահմանափակվելով դրանցով)․

  • հօգուտ երրորդ անձանց վճարված կորուստների, փոխհատուցումների և/կամ տույժերի գումարներ,
  • պետական / մունիցիպալ մարմիններին վճարված լրացուցիչ հարկերի, վճարների և տուրքերի, ինչպես նաև տույժերի և տուգանքների, փոխհատուցումների և այլ վճարումների գումարներ,
  • իրավաբանական և այլ ծախսեր, որոնք Yandex-ը կրել է Առաջարկի 6.6 կետում նշված հանգամանքների առաջացման առնչությամբ իր իրավունքները և շահերը պաշտպանելու համար, ներառյալ իրավաբանական և խորհրդատվական ծառայությունների համար կրած ծախսերը և փաստաբանի խելամիտ վճարները։

6.7. Վերը շարադրվածից անկախ, սույն Առաջարկի ոչ մի դրույթ միտված չէ բացառելու Կողմերից որևէ մեկի պատասխանատվությունը մահվան կամ մարմնական վնասվածքների համար, որոնք առաջացել են անփութության, խարդախության կամ փաստերի միտումնավոր աղավաղման արդյունքում, ինչպես նաև ցանկացած այլ կորստի համար, որը չի կարող բացառվել գործող օրենքներով։

7. ԱՌԱՋԱՐԿԻ ԵՎ ՀԱՄԱՁԱՅՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ ԵՎ ԴՐԱՆՑ ԴՐՈՒՅԹՆԵՐԻ ՓՈՓՈԽՈՒԹՅՈՒՆԸ

7.1. Առաջարկը ուժի մեջ է մտնում վերը նշված «Ուժի մեջ մտնելու ամսաթիվը» բաժնում սահմանված ամսաթվին և ուժի մեջ է մնում մինչև Yandex-ի կողմից դրա չեղարկումը։

7.2. Yandex-ն իրավունք է վերապահում ցանկացած պահի և միայն իր հայեցողությամբ կատարել փոփոխություններ և լրացումներ Առաջարկում և/կամ չեղարկել Առաջարկը, ինչպես նաև կատարել փոփոխություններ և լրացումներ Մասնակցության կանոններում։ Եթե Yandex-ը կատարի փոփոխություններ Առաջարկում կամ Մասնակցության կանոններում, ապա նման փոփոխությունները ուժի մեջ կմտնեն փոփոխված տեքստն առցանց հրապարակելու պահից, եթե նման փոփոխությունների հրապարակման պահին դրանց ուժի մեջ մտնելու այլ ամսաթիվ չի նշվել։

7.3. Գործընկերը ընդունում և համաձայնում է, որ Առաջարկում կամ Մասնակցության կանոններում կատարված փոփոխություններն առաջացնում են համարժեք փոփոխություններ նաև Համաձայնագրում, և որ Համաձայնագրի նման փոփոխություններն ուժի մեջ են մտնում Առաջարկում կամ Մասնակցության կանոններում կատարված փոփոխությունների հետ միաժամանակ։

7.4. Եթե Գործընկերը չի համաձայնում Yandex-ի կողմից Առաջարկում կամ Մասնակցության կանոններում կատարված փոփոխություններին, ապա Գործընկերն իրավունք ունի լուծել Համաձայնագիրը՝ Առաջարկում նկարագրված ընթացակարգի համաձայն։

7.5. Համաձայնագիրը ուժի մեջ է մտնում Առաջարկն ընդունելու պահից և ուժի մեջ է մնում մինչև դրա լուծումը Առաջարկով և/կամ գործող օրենքներով սահմանված կարգով:

8. ԼՈՒԾՈՒՄ

8.1. Համաձայնագիրը կարող է լուծվել․

8.1.1. ցանկացած պահի՝ Կողմերի համաձայնությամբ,

8.1.2. Yandex-ի նախաձեռնությամբ, անմիջապես ուժի մեջ մտնելու պայմանով՝ Գործընկերոջը էլ․ փոստով գրավոր ծանուցում ուղարկելու միջոցով, եթե․

  • Գործընկերը խախտել է Համաձայնագրի դրույթները,
  • Գործընկերը խախտել է Մասնակցության կանոնները, «ADFOX ծառայության հասանելիության դրույթները» (https://yandex.com/legal/adfox_terms_ch) (եթե կիրառելի է), «Խաղացողի մուտքի պայմանները» (https://yandex.com/legal/yan_player_terms_ch) (եթե կիրառելի է), Առաջարկով կամ դրա անբաժան մաս հանդիսացող փաստաթղթերով նախատեսված այլ դրույթներն ու պայմանները։

8.1.3. որևէ Կողմի նախաձեռնությամբ՝ մյուս Կողմին էլ․ փոստով նախնական գրավոր ծանուցում ուղարկելու միջոցով՝ ոչ ուշ, քան լուծման նախատեսված ամսաթվից հինգ (5) աշխատանքային օր առաջ,

8.1.4. Առաջարկով և/կամ գործող օրենքներով նախատեսված այլ հիմունքներով։

8.2. Համաձայնագրի շրջանակներում Կողմերի ստանձնած պարտավորությունները, որոնք ըստ բնույթի պետք է մնան ուժի մեջ (ներառյալ գաղտնիությանը, փոխհաշվարկներին, տեղեկատվության օգտագործմանը, անձնական տվյալների պաշտպանությանը վերաբերող պարտավորությունները, սակայն չսահմանափակվելով դրանցով), կմնան ուժի մեջ Համաձայնագրի գործողության դադարեցումից հետո։

8.3. Ցանկացած պատճառով Համաձայնագրի լուծումը Կողմերին չի ազատում պատասխանատվությունից Համաձայնագրի դրույթների և պայմանների խախտման համար, որը տեղի է ունեցել դրա վավերականության ժամկետի ընթացքում։

8.4. Գործընկերոջ կողմից Yandex-ին վեց (6) հաջորդական օրացուցային ամիսների ընթացքում Ծառայություններ չմատուցելու դեպքում Համաձայնագիրը կարող է լուծվել Yandex-ի նախաձեռնությամբ, անմիջապես ուժի մեջ մտնելու պայմանով՝ Գործընկերոջը էլ․ փոստով գրավոր ծանուցում ուղարկելու միջոցով։

9. ԳԱՂՏՆԻՈՒԹՅՈՒՆ

9.1. Կողմերը համաձայնում են դիտարկել որպես գաղտնի և գաղտնի պահել բոլոր այն տեղեկությունները, որոնք Կողմերից մեկը ստանում է մյուս Կողմից Համաձայնագրի կատարման ընթացքում, և որոնք փոխանցող Կողմը նշում է որպես նման փոխանցող Կողմի գաղտնի տեղեկատվություն (այսուհետ՝ «Գաղտնի տեղեկատվություն»)։ Կողմերը պարտավորվում են ոչ մի պարագայում չբացահայտել նման տեղեկատվությունը երրորդ կողմերին առանց փոխանցող Կողմի նախնական գրավոր համաձայնության։

9.2. Կողմերից յուրաքանչյուրը պետք է ձեռնարկի բոլոր անհրաժեշտ միջոցները՝ պաշտպանելու Գաղտնի տեղեկատվությունը առնվազն նույն մակարդակով, որը տվյալ Կողմը կօգտագործեր իր սեփական գաղտնի տեղեկատվությունը պաշտպանելու համար։ Գաղտնի տեղեկատվության հասանելիությունը պետք է տրամադրվի յուրաքանչյուր Կողմի միայն այն աշխատակիցներին, որոնց այդ տեղեկատվությունը խելամտորեն անհրաժեշտ է Համաձայնագրի շրջանակներում իրենց աշխատանքային պարտավորությունները կատարելու համար։ Կողմերից յուրաքանչյուրը պետք է իր աշխատակիցներից պահանջի Գաղտնի տեղեկատվության նկատմամբ ստանձնել նույն պարտավորությունները, որոնք համապատասխան Կողմը ստանձնել է Առաջարկի համաձայն։ Եթե Yandex-ի որևէ գաղտնի տեղեկություն պետք է Գործընկերոջ կողմից տրամադրվի պետական որևէ լիազոր մարմնի և/կամ դատարանի, ապա Գործընկերը պետք է այդ մասին Yandex-ին տեղեկացնի նախապես կամ նման տեղեկությունը տրամադրելուց հետո հնարավորինս կարճ ժամկետում։

9.3. Գաղտնի տեղեկատվությունը պետք է միշտ հանդիսանա փոխանցող Կողմի սեփականությունը և չպետք է պատճենվի կամ որևէ այլ կերպ վերարտադրվի առանց նման փոխանցող Կողմի նախնական գրավոր համաձայնության, բացառությամբ այն դեպքերի, երբ դա անհրաժեշտ է Համաձայնագրի կատարման նպատակներով։

9.4. Բացահայտող Կողմի Գաղտնի տեղեկատվության գաղտնիության պահպանման և պաշտպանության պարտավորությունը չպետք է կիրառվի այնպիսի տեղեկատվության նկատմամբ, որը․

9.4.1. բացահայտման պահին գտնվել է հանրային տիրույթում, բացառությամբ այն դեպքերի, երբ դա տեղի է ունեցել ստացող Կողմի թույլ տված խախտման արդյունքում, կամ

9.4.2. ստացող Կողմին հայտնի է դարձել բացահայտող Կողմ չհանդիսացող մեկ այլ աղբյուրից առանց Համաձայնագրի դրույթների և պայմանների խախտման, ինչը հնարավոր է ապացուցել այնպիսի փաստաթղթերով, որոնք կարող են վկայել, որ Գաղտնի տեղեկատվության ստացման աղբյուր է հանդիսանում երրորդ կողմը, կամ

9.4.3. ստացող Կողմին հայտնի է եղել նախքան Համաձայնագրի շրջանակներում դրա բացահայտումը, եթե դա հնարավոր է ապացուցել այնպիսի փաստաթղթերով, որոնք բավական են Գաղտնի տեղեկատվությանը տիրապետելու փաստն արձանագրելու համար, կամ

9.4.4. տրամադրվել է բացահայտող Կողմի գրավոր թույլտվությամբ։

9.5. Գաղտնի տեղեկատվության գաղտնիության պահպանման պարտավորությունը ուժի մեջ է մտնում նման տեղեկատվության բացահայտման պահից և ուժի մեջ է մնում Համաձայնագրի գործողության ավարտից հետո երեք (3) տարվա ընթացքում։

10. ԱՅԼ ԴՐՈՒՅԹՆԵՐ

10.1. Առաջարկը և Համաձայնագիրը, Համաձայնագրի կնքումը և կատարումը (այդ թվում նաև Համաձայնագրի առկայության, վավերականության, դրույթների մեկնաբանության, կատարման կամ լուծման հետ կապված բոլոր հարցերը) կառավարվում են Անգլիայի օրենքներով։ Եթե Համաձայնագրի վերաբերյալ Գործընկերոջ և Yandex-ի միջև ծագող վեճերը Կողմերի միջև բանակցությունների միջոցով չեն լուծվում երեսուն (30) աշխատանքային օրվա ընթացքում, ապա Համաձայնագրի շրջանակներում կամ դրա առնչությամբ ծագող բոլոր վեճերը, այդ թվում նաև դրա գոյության, վավերականության կամ լուծման հետ կապված բոլոր հարցերը, պետք է ուղղորդվեն և վերջնական լուծվեն Սինգապուրի միջազգային իրավարարական կենտրոնի («SIAC») կողմից իրականացվող իրավարարության գործընթացի միջոցով՝ Սինգապուրի միջազգային իրավարարական կենտրոնի տվյալ պահին գործող Իրավարարական կանոնների համաձայն («SIAC կանոններ»)։ Նման կանոնները համարվում են հղման միջոցով այս կետում ներկառուցված։ Իրավարարական դատարանը պետք է բաղկացած լինի մեկ միջնորդ դատավորից։ Սակայն եթե վեճի գումարը գերազանցում է 20 000 000 (քսան միլիոն) ԱՄՆ դոլարը, ապա Իրավարարական դատարանը պետք է բաղկացած լինի երեք միջնորդ դատավորից։ Կողմերը համաձայնում են, որ այս կետի համաձայն նախաձեռնված ցանկացած իրավարարություն պետք է իրականացվի SIAC կանոնների թիվ 5.2 Կանոնով նախատեսված Արագացված ընթացակարգով՝ պայմանով, որ վիճարկվող գումարը չի գերազանցում 1 000 000 (մեկ միլիոն) ԱՄՆ դոլարը։ Իրավարարության իրականացման լեզուն պետք է լինի անգլերենը։ Իրավարարության իրականացման վայրը պետք է լինի Սինգապուրը։

10.2. Կողմերը սույնով համաձայնում են, որ Yandex-ի վեբ կայքում գրանցվելիս և/կամ Համաձայնագիրը կնքելիս գաղտնիության և տվյալների (այդ թվում նաև անձնական տվյալների) պաշտպանության վերաբերյալ Գործընկերոջ կողմից սահմանվող պահանջները չեն վերաբերում Ծառայությունների վերաբերյալ Էլեկտրոնային հաշվետվություններ ներկայացնելու նպատակով Yandex-ի կողմից նման տվյալների օգտագործմանը։ Նշված փաստաթղթերը պետք է պարունակեն Գործընկերոջ կողմից ներկայացված տվյալները (այդ թվում նաև անձնական տվյալները) և մանրամասները։

10.3. Եթե սույն փաստաթղթի մեկ կամ մի քանի դրույթ որևէ պատճառով անվավեր ճանաչվեն, այդ անվավերությունը չպետք է ազդի Առաջարկի ցանկացած այլ դրույթների վավերականության վրա, որոնք պետք է մնան ուժի մեջ։

10.4. Կողմերը պետք է միմյանց անհապաղ տեղեկացնեն իրենց իրավաբանական և փոստային հասցեների, իրավական կարգավիճակի և բանկային տվյալների ցանկացած փոփոխության մասին, եթե նման փոփոխությունը կարող է ազդել Համաձայնագրի կատարման վրա։

10.5 - 10.7. վերապահված է հետագա փոփոխությունների համար:

10.8. Համաձայնագրի շրջանակներում ստանձնած իր իրավունքներն ու պարտավորությունները կամ դրանց որևէ զգալի մասը Գործընկերը կարող է հանձնարարել և/կամ ենթակապալի պայմանագրով փոխանցել երրորդ կողմին՝ Yandex-ի նախնական համաձայնության դեպքում։ Համաձայնագրի շրջանակներում ստանձնած իր իրավունքներն ու պարտավորությունները, ամբողջ Համաձայնագիրը կամ դրա ցանկացած մասը Yandex-ը կարող է հանձնարարել և/կամ ենթակապալի պայմանագրով փոխանցել երրորդ կողմերին՝ առանց մյուս կողմի որևէ հաստատման։ Համաձայնագրի շրջանակներում իր իրավունքները կամ պարտավորությունները երրորդ կողմին հանձնարարելու դեպքում Yandex-ն այդ մասին Գործընկերոջը կտեղեկացնի հանձնարարման ամսաթվից առնվազն 5 (հինգ) օր առաջ։ Նման հանձնարարման հետ համաձայն չլինելու դեպքում Գործընկերն իրավունք ունի լուծել այս Համաձայնագիրը՝ Առաջարկում նշված կարգի համաձայն։

11. ՀԱԿԱԿՈՌՈՒՊՑԻՈՆ ԴՐՈՒՅԹՆԵՐ

11.1. YANDEX-ը և Yandex Group-ի ընկերությունները իրենց գործունեության ընթացքում միշտ ձգտում են պահպանել բիզնես էթիկայի ամենաբարձր ստանդարտները։ YANDEX-ը և Yandex Group-ի ընկերությունները իրենց կապալառուներից պահանջում են պահպանել գործնական վարվելակերպի կանոնները, որոնք սահմանված են Yandex Group-ի մատակարարների Վարվելակերպի կանոնագրքում։ Yandex Group-ի մատակարարների Վարվելակերպի կանոնագիրքը հասանելի է Yandex-ի պորտալի կորպորատիվ բաժնում՝ https://company-docs.s3.yandex.net/procurement/docs/Supplier_Code_ENG_2021.pdf

11.2. Կողմերը պարտավորվում են կատարել գործող հակակոռուպցիոն օրենքների պահանջները։

Կողմերը սույնով հայտարարում և հաստատում են, որ ընդունել են կաշառակերության և կոռուպցիայի նկատմամբ զրոյական հանդուրժելիության քաղաքականություն, որը նախատեսում է ցանկացած կոռուպցիոն գործողությունների և խթանող վճարումների ամբողջական արգելք։

Կողմերը, դրանց դուստր ձեռնարկությունները, աշխատակիցները, ինչպես նաև միջնորդները և ներկայացուցիչները, որոնք ուղղակիորեն կամ անուղղակիորեն ներգրավված են Կողմերի պարտականությունների իրականացման մեջ (այդ թվում նաև գործակալները, միջնորդավճարով աշխատող գործակալները, մաքսային բրոքերները և այլ երրորդ կողմերը) չպետք է ընդունեն, վճարեն, առաջարկեն վճարել կամ թույլատրեն (լիազորեն) դրամական միջոցների վճարում / ընդունում կամ արժեքների (այդ թվում նաև ոչ նյութական) փոխանցում, ուղղակի կամ անուղղակի, որևէ անձին / անձից՝ ապօրինի առավելություն ստանալու նպատակով գործողությունների կամ որոշումների վրա ազդելու համար, ներառյալ օրենսդրությամբ սահմանված ընթացակարգերի շրջանցումը կամ այլ անօրինական նպատակների հետապնդումը։

Այս կետը պարունակում է Կողմերի համար էական ներկայացումներ։ Համաձայնագիրը ստորագրելիս Կողմերը հիմնվում են այս ներկայացումների վրա։

Եթե Կողմերից մեկը խախտում է սույն կետով ստանձնած պարտավորությունները, ապա մյուս Կողմն իրավունք ունի միակողմանիորեն դուրս գալ Համաձայնագրից՝ այդ մասին գրավոր ծանուցում տրամադրելու միջոցով և առանց դատարան դիմելու անհրաժեշտության։ Համաձայնագրի գործողությունը կդադարեցվի նման գրավոր ծանուցում ստանալու պահից 10 օրացուցային օր հետո։

Եթե Կողմերից մեկը կասկածում է, որ սույն կետի որևէ դրույթ խախտվել է կամ կարող է խախտվել, նա պարտավոր է մյուս Կողմին անհապաղ գրավոր տեղեկացնել նման կասկածների մասին։

Կողմերը համաձայնում են, որ կօգտագործեն հետևյալ հասցեները՝ այս կետի դրույթների ցանկացած խախտման / խախտման վտանգի մասին տեղեկացնելու համար․

Yandex-ին ծանուցելու համար՝ https://yandex.hotline.b1.ru

Մյուս կողմին ծանուցելու համար ' վավերապայմաններում նշված հասցեն:

12. YANDEX-Ի ՏՎՅԱԼՆԵՐԸ

Անունը՝ Tech Services ՍՊԸ

Հայաստանի Հանրապետություն, Երևան, 0002, Մոսկովյան 35

էլ․ հասցեն՝ support@partner.yandex.com

Փաստաթղթի նախորդ տարբերակը: https://yandex.com/legal/yan_service_offer_arm/04032024

Փաստաթղթի նախորդ տարբերակը: https://yandex.com/legal/yan_service_offer_arm/29022024

Փաստաթղթի նախորդ տարբերակը: https://yandex.com/legal/yan_service_offer_arm/27122023

Փաստաթղթի նախորդ տարբերակը: https://yandex.com/legal/yan_service_offer_arm/06062023

Փաստաթղթի նախորդ տարբերակը: https://yandex.com/legal/yan_service_offer_arm/17022023