Menu.am ծառայության Օգտատիրական համաձայնագիր

1. Տերմիններ և սահմաննումներ

1.1. Սույն փաստաթղթի նպատակներով օգտագործվում են ներքոնշյալ տերմինները հետևյալ իմաստներով.

Menu.am Ծառայություն, Ծառայություն ՝ նշանակում է կայքերը, ԷՀՄ-ների համար նախատեսված ծրագրերը (այդ թվում՝ ծրագրերը բջջային սարքերի համար), որոնք Ծառայության Օգտատիրոջը հնարավորություն են տալիս իրականացնել Ապրանքի Պատվերը և Առաքումը Օգտատիրական համաձայնագրով նախատեսված պայմաններով:

Օգտատեր՝ անձ, ով օգտագործում է Ծառայությունը Օգտատիրական համաձայնագրով նախատեսված պայմաններով՝ Ապրանքի և Առաքման Պատվեր կատարելու համար:

Լիազորված օգտատեր՝ օգտատեր, ով լիազորվել է Ծառայությունում՝ օգտագործելով Ծառայությունում գրանցման ժամանակ իրեն հատկացված մուտքանունն ու գաղտնաբառը:

Գործընկեր՝ իրավաբանական անձ կամ անհատ ձեռներեց, ով պատրաստում և (կամ) վաճառում է Ապրանքը Ծառայության Պատվեր տեղադրած Օգտատերերին, Պայմանագրով նախատեսված դեպքերում նաև առաքում է Ապրանքը Ծառայության Օգտատերերին, ընդունել է Առաջարկը և կնքված Պայմանագրով հանդիսանում է Ծառայությունների հաճախորդ։

Պատվեր՝ Ծառայությունում Օգտատիրոջ տեղադրած Ապրանքի և Առաքման պատվերը, որի արդյունքում Օգտատերը Գործընկերոջ հետ կնքում է Ապրանքի պատրաստման և (կամ) վաճառքի պայմանագիր և Առաքիչի կողմից այդ Ապրանքի առաքման պայմանագիր (իսկ Գործընկերոջ կողմից Առաքումն իրականացնելու դեպքում՝ Գործընկերոջ հետ համապատասխան պայմանագիր) Գործընկերոջ սահմանած և Ծառայությունում տեղադրված պայմաններով։

Պայմանագիր՝ Գործընկերոջ հետ պայմանագիր Ապրանքի պատրաստման և (կամ) վաճառքի մասին և (կամ) Առաքիչի հետ պայմանագիր Ապրանքի առաքման մասին (իսկ Գործընկերոջ կողմից Առաքումն իրականացնելու դեպքում՝ Գործընկերոջ հետ), որը կնքվում է Օգտատիրոջ և Գործընկերոջ և (կամ) Առաքիչի միջև Պատվեր տեղադրելու արդյունքում։

Ապրանք` սնունդ, պարենային ապրանքներ և խմիչքներ (բացառությամբ այն ապրանքների, որոնց շրջանառությունը սահմանափակված է Հայաստանի Հանրապետության օրենսդրությամբ), ինչպես նաև ոչ պարենային ապրանքներ, որոնց պատրաստումը և (կամ) վաճառքը Օգտատերերին իրականացնում է Գործընկերը, երբ Օգտատերը Պատվեր է տեղադրում Ծառայությունում։ Օգտատիրական համաձայնագրում կամ Օգտատիրական համաձայնագրի 2.2 կետի այլ փաստաթղթերում նշված Ապրանքը նշանակում է և՛ մեկ Ապրանք, և՛ մի քանի Ապրանքներ, եթե այլ բան չի բխում Օգտատիրական համաձայնագրից կամ համապատասխան փաստաթղթից։

Առաքում՝ Ապրանքը Օգտատիրոջը առաքելու ծառայություն, որի Պատվերը Օգտատերը տեղադրել է Ծառայությունում: Օգտատիրոջ հետ առաքման պայմանագիրը կնքում է Առաքիչը, իսկ Գործընկերոջ կողմից Առաքումն իրականացնելու դեպքում՝ Գործընկերը, Օգտատիրոջ կողմից Ծառայությունում Պատվեր տեղադրելու միջոցով: Գործընկերը կամ Առաքիրչը իրավունք ունի ներգրավել երրորդ անձանց՝ Ապրանքը Օգտատիրոջն առաքելու համար:

Առաքիչ՝ իրավաբանական անձ կամ անհատ ձեռներեց, ով իրականացնում է Օգտատիրոջ պատվիրած Ապրանքի Առաքումը (բացառությամբ այն դեպքերի, երբ Գործընկերն է իրականացնում Առաքումը):

Օգտատիրական համաձայնագիր՝ սույն փաստաթուղթը, որը տեղադրված է համացանցում հետևյալ հասցեով՝ https://yandex.com/legal/termsofuse_menu/?lang=hy:

Կատարող՝ Կատարող՝ «Ու.ՍՆՈՒՆԴ ԷՅԷՄ» ՍՊԸ (Գրանցման համարը՝ 269.110.1199369, գտնվելու վայրը՝ Հայաստանի Հանրապետություն, 0002 Երևան, Մոսկովյան փողոց, 35 շենք

Պրոմոկոդ՝ խորհրդանիշների որոշակի հաջորդականություն, որն ակտիվացնելու և Պրոմոկոդը օգտագործելու այլ պայմանների դեպքում Օգտատիրոջը տրվում է զեղչ Ապրանքի և (կամ) Առաքման արժեքի և (կամ) Սպասարկման վճարի վրա:

1.2. Օգտատիրական համաձայնագրում կարող են օգտագործվել տերմիններ, որոնք սահմանված չեն Օգտատիրական համաձայնագրի 1.1 կետում: Այս դեպքում անհրաժեշտ է մեկնաբանել տերմինը Օգտատիրական համաձայնագրի տեքստին համապատասխան: Օգտատիրական համաձայնագրի տեքստում տերմինի միանշանակ մեկնաբանության բացակայության դեպքում պետք է առաջնորդվել տերմինի մեկնաբանությամբ, որը սահմանված է առաջին հերթին՝ ՀՀ օրենսդրությամբ, երկրորդ հերթին՝ Ծառայության մեջ, ապա՝ համացանցում (սովորական ընդհանուր կիրառություն):

2. Ընդհանուր դրույթներ

2.1. Սույն Օգտատիրական համաձայնագրով առաջարկում է Օգտատիրոջը օգտագործել Ծառայությունը։

2.2. Ծառայության օգտագործումը Օգտատիրոջ կողմից կարգավորվում է սույն Օգտատիրական համաձայնագրով, ինչպես նաև․

Այսուհետ միասին՝ «Կարգավորող փաստաթղթեր»։

2.3. Սկսելով օգտվել Ծառայությունից կամ դրա առանձին գործառույթներից՝ Օգտատերն ամբողջությամբ ընդունում է Օգտատիրական համաձայնագիրը, ինչպես նաև Կարգավորող փաստաթղթերի պայմանները՝ առանց որևէ վերապահումների կամ բացառությունների: Եթե Օգտատերը համաձայն չէ Օգտատիրոջ համաձայնագրի և (կամ) Կարգավորող փաստաթղթերի դրույթներից որևէ մեկի հետ, Օգտատերն իրավունք չունի օգտվել Ծառայությունից:

2.4. Կատարողն իրավունք ունի ցանկացած պահի փոխել Օգտատիրական համաձայնագրի դրույթները, Կարգավորող փաստաթղթերի պայմանները առանց Օգտատիրոջը ծանուցելու։ Օգտատիրական համաձայնագրի գործող տարբերակը տեղադրված է Օգտատիրական համաձայնագրի 1.1 կետում նշված հասցեով: Օգտատիրական համաձայնագրի և Կարգավորող փաստաթղթերի նոր տարբերակին չծանոթանալու դեպքում պատասխանատավությունը կրում է Օգտատերը, Օգտատիրական համաձայնագրի կամ Կարգավորող փաստաթղթերի փոփոխությունից հետո Ծառայության շարունակական օգտագործումը նշանակում է դրանց նոր տարբերակի ընդունում:

2.5. Եթե Կատարողն Օգտատիրական համաձայնագրի 2.4 կետով նախատեսված կարգով որևէ փոփոխություն է կատարել Օգտատիրոջ համաձայնագրում, որից հետո Օգտատերը համաձայն չէ, նա պարտավոր է դադարեցնել Ծառայության օգտագործումը:

2.6. Ծառայությունը հնարավորություն է տալիս Օգտատիրոջը ծանոթանալ Ծառայությունում տեղադրվող նյութերին, կատարել Ապրանքի և Առաքման Պատվեր Գործընկերոջ և/կամ Առաքողի կողմից այն պայմաններով, որոնք սահմանվել են Գործընկերոջ և/կամ Առաքողի կողմից և տեղադրվել են Ծառայությունում, ինչպես նաև՝ Օգտատիրոջ Պատվերի պարամետրերով և/կամ Օգտատիրոջ համաձայնագրով նախատեսված այլ գործառույթներից և ծառայություններից օգտվելու հնարավորություն։

Կատարողն Օգտատերերերին անհատույց իրավունք է տալիս օգտագործելու Ծառայության գործառույթները՝ ծանոթանալու Ծառայությունում տեղադրվող Ռեստորանների, Խանութների և Առաքիչների նյութերին և առաջարկներին՝ պարզ (ոչ բացառիկ) լիցենզիայի պայմաններով։

Գործընկերոջ և/կամ Առաքողի կողմից սահմանված և Ծառայությունում տեղադրված պայմաններով Գործընկերոջից և/կամ Առաքողից Ապրանքի և Առաքման Պատվերի (ներառյալ անձամբ վերցնելու պայմաններով Պատվերը, եթե այդպիսին կա) իրականացման Ծառայության գործառույթների օգտագործումը իրականացվում է պարզ (ոչ բացառիկ) լիցենզիայի պայմաններով՝ Օգտատիրոջ պայմանագրի պայմաններին համապատասխան, ինչպես նաև կիրառելի մասում՝ շարժական սարքերի համար Ծառայության ծրագրի օգտագործման Լիցենզիոն համաձայնագրի պայմաններին համապատասխան, որոնք կարելի է գտնել այստեղ՝ https://yandex.com/legal/license_menu/?lang=hy

Ապրանքների և Առաքման Պատվերի ձևակերպման համար Ծառայության ֆունկցիոնալի օգտագործման իրավունքի տրամադրումը հատուցելի է: Կախված Ծառայության ֆունկցիոնալ հնարավորությունների համադրությունից՝ Օգտատիրոջից կարող է գանձվել Ծառայության ֆունկցիոնալ հնարավորություններին հասանելիության Ծառայության վճար, ներառյալ տեղեկատվական ծառայության աշխատանքի ապահովումը, Պատվերների աջակցությունը, տեխնոլոգիաների զարգացումը, ինչպես նաև Ապրանքների և Առաքման Պատվերի ձևակերպման համար Ծառայության արդյունավետ աշխատանքն ապահովող այլ բաղադրիչներ, ինչպես նաև այլ ծառայությունների մատուցման համար՝ համաձայն Օգտատիրոջ Պատվերի չափանիշների:

Ծառայության վճարը խառը պայմանագիր է, որը պարունակում է ինչպես լիցենզիայի պայմանագրի, այնպես էլ ծառայությունների վճարովի մատուցման պայմանագրի էական պայմանները:

Ծառայության վճարի չափը որոշվում է ավտոմատ ալգորիթմների հաշվին և Օգտատիրոջ կողմից պատվերի ձևակերպման պահին արտացոլվում է Ծառայության ինտերֆեյսում:

Ծառայության վճարը դինամիկ է և հաշվարկվում է՝ որպես Պատվերի բոլոր Ապրանքների ընդհանուր արժեքից տոկոս՝ համաձայն հետևյալ կանոնի.

Պատվերի բոլոր Ապրանքների ընդհանուր արժեքից 5% (հինգ տոկոս), բայց ոչ պակաս, քան 59 (հիսունինը) դրամ և ոչ ավել, քան 220 (երկու հարյուր քսան ) դրամ:

Ծառայության վճարը հաշվարկվում է Պատվերի բոլոր Ապրանքների ընդհանուր արժեքից՝Պատվերում ընդգրկված Ապրանքների նկատմամբ առանձին տրամադրված բոլոր գործող զեղչերի կիրառումից հետո: Այն դեպքում, եթե զեղչը կիրառվում է Պատվերի բոլոր Ապրանքների նկատմամբ, Ծառայության վճարը հաշվարկվում է Ապրանքների ընդհանուր արժեքից՝ նախքան զեղչի կիրառումը:

Ծառայության վճարի վերջնական չափը որոշվում է և Ծառայության ինտերֆեյսում ավոտմատ արտացոլվում է Օգտատիրոջ կողմից Պատվերի ձևակերպման պահին:

Գործընկերոջ մոտ Ապրանքի և Առաքման պատվերի ձւակերպման ֆունկցիայի օգտագործման հետ կապված Ծառայությունները համարվում են մատուցված՝ Ծառայությունում Պատվերի ձևակերպման պահից:

Սեղմելով «Անցնել առաջ» կոճակը (կամ համարժեք նշանակությամբ այլ կոճակ) կամ «Առաջ» կոճակը (կամ համարժեք նշանակությամբ այլ կոճակ)՝ Օգտատերն ընդունում է Ծառայության վճարի գնագոյացման կարգը և հաստատում է Ծառայությունների դիմաց Ծառայության վճարի վճարման վերաբերյալ իր համաձայնությունը, ինչպես նաև համաձայնություն է տալիս՝ Ծառայության ֆունցիոնալը հատուցման դիմաց օգտագործելու վերաբերյալ՝ Գործընկերոջ և/կամ Առաքիչի մոտ Ապրանքի և Առաքաման Պատվերի կատարման մասով (ներառյալ Ապրանքն ինքնուրույն վերցնելու պայմանները), ինչպես նաև Օգտատիրոջ Պատվերի և/կամ Օգտատիրական համաձայնագրի չափանիշներին համապատասխան այլ ծառայությունների մատուցման համար:

2.7. Կախված Օգտատիրոջ տարածաշրջանից, Առաքման հասցեից, Գործընկերոջ տրամադրած տեղեկությունից Ապրանքի մասին, ինչպես նաև այլ հանգամանքներից՝ Ծառայության բոլոր կամ որոշ գործառույթներ կարող են անհասանելի կամ սահմանափակ լինել: Գործառույթները համարվում են անհասանելի (սահմանափակ) Օգտատիրոջ համար, եթե Օգտատերը չի կարող բացահայտ օգտագործել դրանք: Արգելվում է կիրառել որևէ տեխնիկական և ծրագրային մեթոդ՝ այս սահմանափակումները շրջանցելու համար։ Օգտատիրական համաձայնագրի դրույթները, որոնք կարգավորում են Ծառայության՝ Օգտատիրոջ համար անհասանելի (սահմանափակ) գործառույթները, չեն կիրառվում այնքան ժամանակ, քանի դեռ այդ գործառույթները հասանելի չեն դառնում Օգտատիրոջը բացահայտ ձևով: Ծառայությունն Օգտատիրոջ հայցով ուղարկում է նրան Ծառայության գործառույթների առկայության մասին տեղեկություն։

2.8. Ծառայությունն օգտագործելով՝ Օգտատերը համաձայնում է գովազդային հաղորդագրություններ ստանալ Կատարողից: Օգտատերն իրավունք ունի հրաժարվել գովազդային հաղորդագրություններ ստանալուց՝ օգտագործելով Ծառայության համապատասխան գործառույթը կամ հետևելով ստացված գովազդային հաղորդագրության մեջ նշված հրահանգներին:

2.9. Օգտատիրոջ կողմից Ծառայությունն օգտագործելու դեպքում Կատարողը չի համարվում Օգտատիրոջ և Գործընկերների և (կամ) Առաքիչների միջև կնքված համապատասխանաբար Ապրանքի պատրաստման և (կամ) վաճառքի և Առաքման Պայմանագրերի Կողմը։ Կատարողը բացառապես հնարավորություն է տալիս Պատվեր տեղադրել Ծառայության շրջանակներում, ինչպես սահմանված է Օգտատիրական համաձայնագրի 2.6 կետում, և պատասխանատվություն է կրում բացառապես Սպասարկման վճարի համար:

2.10. Կատարողը լիազորված կազմակերպություն չէ «Սպառողների իրավունքների պաշտպանության մասին» 2001 թվականի հուլիսի 20-ի թիվ 3Ռ-197 ՀՀ օրենքի իմաստով և չի դիտարկում ու բավարարում Օգտատերերի պահանջները Ծառայությունում պատվիրած Ապրանքի և (կամ) Առաքման ոչ պատշաճ որակի վերաբերյալ։ Եթե Օգտատերը դիմում է Կատարողին Պատվերի տեղադրման արդյունքում կնքված Պայմանագրի հետ կապված հարցերով, այդ թվում՝ սույն Համաձայնագրի կատարման հետ կապված պահանջներով, Կատարողն իրավունք ունի փոխանցել համապատասխան տեղեկությունը Գործընկերոջը և (կամ) Առաքիչին, ինչպես նաև փոխանցել Օգտատիրոջը Գործընկերոջից և (կամ) Առաքիչից ստացած տեղեկությունը այդ հարցերի վերաբերյալ։

2.11. Կատարողը պատասխանատվություն չի կրում Ապրանքի և (կամ) Առաքման վերաբերյալ Գործընկերոջ և (կամ) Առաքիչի տրամադրած տեղեկության բովանդակության և (կամ) արդիականության համար, այդ թվում՝ Ապրանքի և (կամ) Առաքման արժեքի, Ապրանքի պատրաստման և (կամ) Առաքման իրականացման ժամկետների, Ապրանքի առկայության մասին տեղեկատվության համար:

2.12. Որոշ դեպքերում, որոնց մասին տեղեկությունը ներկայացվում է Օգտատիրոջը Ծառայության մեջ Պատվեր տեղադրելիս, Առաքման արժեքը հավելյալ չի գանձվում Օգտատիրոջից (Կատարողն ապահովում է Առաքիչի կողմից Օգտատիրոջը զեղչի տրամադրումը Առաքման արժեքի վրա)։

2.13. Ծառայության որոշակի գործառույթների օգտագործումը, այդ թվում՝ Պատվերի տեղադրումը, հասանելի է Օգտատիրոջը Ծառայությունում գրանցվելուց և մուտքի լիազորություն ստանալուց հետո: Գրանցվելիս Օգտատերը պարտավոր է հատուկ ձևում մուտքագրել Ծառայությունից պահանջվող տվյալները իր մասին, ինչպես նաև նշել էլեկտրոնային փոստի հասցեն, որն օգտագործվելու է որպես մուտքանուն, և գաղտնաբառը: Օգտատերը պարտավոր է չփոխանցել երրորդ անձանց գրանցվելիս իրեն կցված մուտքանունն ու գաղտնաբառը, ինչպես նաև ապահովել մուտքանվան և գաղտնաբառի անվտանգությունն ու գաղտնիությունը: Ծառայությունում Օգտատիրոջ մուտքանվան և գաղտնաբառի միջոցով կատարված բոլոր գործողությունները համարվում են հենց Օգտատիրոջ կողմից կատարված։

2.14. Օգտատերն իրավունք չունի օգտագործել մեկից ավելի գրանցահաշիվ Ծառայությունից օգտվելիս: Եթե Կատարողը հայտնաբերի հանգամանքներ, որոնք վկայում են Օգտատիրոջ կողմից սույն կետում նշված պայմանների խախտումների մասին, Կատարողն իրավունք ունի կիրառել Օգտատիրական համաձայնագրի 4.1 կետով նախատեսված միջոցները:

3. Ծառայությունում Պատվեր տեղադրելու կարգն ու պայմանները

3.1. Պատվերի տեղադրումը հասանելի է միայն Լիազորված օգտատիրոջը: Նախքան Ծառայության մեջ Ապրանքի և Առաքման Պատվեր տեղադրելը Օգտատերը պարտավոր է ծանոթանալ Ապրանքի պատրաստման և (կամ) վաճառքի բոլոր պայմաններին, Առաքման իրականացման պայմաններին, որոնք սահմանված են Գործընկերոջ և (կամ) Առաքիչի կողմից և տեղադրված են Ծառայությունում, ինչպես նաև Սպասարկման վճարի մասին տեղեկությանը: Ընդ որում ակնհայտ սխալները, այդ թվում՝ տպագրական սխալները, որոնք թույլ են տվել Գործընկերը և (կամ) Առաքիչը Ապրանքի նկարագրության մեջ, իրավականորեն պարտավորեցնող չեն:

3.2. Պատվեր տեղադրելիս Օգտատերը Պայմանագիր է կնքում Գործընկերոջ և (կամ) Առաքիչի հետ և ուղիղ պայմանագրային հարաբերությունների մեջ է մտնում Գործընկերոջ և (կամ) Առաքիչի հետ՝ Ապրանքի պատրաստման և (կամ) վաճառքի և Առաքման իրականացման առումով: Ծառայությունում Պատվեր տեղադրելով՝ Օգտատերը համաձայնում է Ապրանքի պատրաստման և (կամ) վաճառքի, Գործընկերոջ և (կամ) Առաքիչի կողմից Առաքման իրականացման բոլոր պայմաններին, որոնք սահմանված են Գործընկերոջ և (կամ) Առաքիչի կողմից և տեղադրված են Ծառայությունում, ինչպես նաև Ծառայությունից օգտվելու սույն Օգտատիրական համաձայնագրի պայմաններին և Սպասարկման վճարի չափին:

3.3. Օգտատիրոջ և Գործընկերոջ և (կամ) Առաքիչի միջև կնքվող Պայմանագրի էական պայմանները նշվում են Ծառայությունում հրապարակված Ապրանքի նկարագրության մեջ, դրա պատրաստման և (կամ) վաճառքի պայմաններում, որոնք Գործընկերը տրամադրում է Կատարողին, ինչպես նաև Առաքման պայմաններում, որոնք Գործընկերը կամ Առաքիչը տրամադրում է Կատարողին։

3.4. Պատվեր տեղադրելով` Օգտատերը համաձայնում է, որ Գործընկերը և (կամ) Առաքիչը կարող են հանձնարարել Պայմանագրի կատարումը երրորդ կողմին` միաժամանակ պատասխանատվություն կրելով դրա կատարման համար:

3.5. Օգտատիրոջ հետ կնքված Պայմանագրով (Պայմանագրերով) սահմանված բոլոր իրավունքներն ու պարտականությունները վերաբերում են անմիջապես Գործընկերոջը և (կամ) Առաքիչին։

3.6. Օգտատերը համաձայնում է, որ Ծառայությունից օգտվելիս և Պատվեր տեղադրելիս իր կողմից Կատարողին տրված անձնական տվյալները Կատարողը կարող է փոխանցել (այդ թվում՝ անդրսահմանային միջոցով) Գործընկերոջը և (կամ) Առաքիչին, որպեսզի Գործընկերը և (կամ) Առաքիչը կատարեն Օգտատիրոջ հետ Պատվեր տեղադրելու արդյունքում կնքված Պայմանագիրը, ինչպես նաև«Յանդեքս Դելիվերի Թեքնոլոջիս» ՍՊԸ-ին: Օգտատերը համաձայնում է, որ Կատարողը, իրավունք ունեն պահել Օգտատիրոջ անձնական տվյալները, ինչպես նաև Օգտատիրոջ նշած Պատվերը ստացողի անձնական տվյալները Գործընկերոջ և (կամ) Առաքիչի կողմից համապատասխան Պատվերի իրականացման օրվանից առնվազն երեք տարի:

3.7. Լիազորված օգտատիրոջ կողմից տեղադրած Պատվերի մասին տեղեկությունը հասանելի է Ծառայության «Իմ Պատվերները» բաժնում: Ծառայության այս բաժնում Լիազորված օգտատերը կարող է դիտել Պատվերի կարգավիճակի մասին տեղեկությունը:

3.8. Ծառայությունում Պատվեր տեղադրելով՝ Օգտատերը համաձայնում է ստանալ․ (i) էլեկտրոնային նամակներ, որոնք Կատարողը կարող է ուղարկել Օգտատիրոջը Պատվերը տեղադրելուց հետո, դրա փոփոխության դեպքում, Ապրանքն առաքելուց առաջ, եթե կան Պատվերն իրականացնելու և դրա կարգավիճակի մասին ժամանակին տեղեկացնելու վրա ազդող հանգամանքներ, (ii) հաղորդագրություններ (SMS) Օգտատիրոջ նշած հեռախոսահամարին, ինչպես նաև (iii) հեռախոսազանգ Օգտատիրոջ նշած հեռախոսահամարին՝ Ծառայության, Գործընկերոջ և (Առաքիչի) աշխատանքի որակը գնահատելու համար։ Եթե Օգտատերը անջատում է իրեն հաղորդագրություններ ուղարկելու գործառույթը, Օգտատերը համաձայնում է իր էլեկտրոնային փոստի հասցեին ստանալ Պատվերի Առաքման ընթացքի, դրա իրականացման հնարավոր կամ անհնար լինելու մասին տեղեկություն։

3.9. Պատվեր տեղադրելով՝ Օգտատերը հաստատում է, որ․ ա) ամբողջովին ծանոթացել է Օգտատիրական համաձայնագրի և Կարգավորող փաստաթղթերի դրույթներին, բ) ամբողջովին հասկանում է Օգտատիրական համաձայնագիրը և Կարգավորող փաստաթղթերը, ինչպես նաև Գործընկերոջ և (կամ) Առաքիչի հետ կնքվող Պայմանագրի առարկան և պայմանները, գ) ամբողջովին հասկանում է Գործընկերոջ և (կամ) Առաքիչի հետ Պայմանագիր կնքելու և այն կատարելու գործողությունների նշանակությունն ու հետևանքները, դ) ամբողջովին հասկանում է Ծառայությունից օգտվելու սույն Օգտատիրական համաձայնագրի և Կարգավորող փաստաթղթերի պայմանները, ինչպես նաև ընդունում է Սպասարկման վճարի գնագոյացման կարգը։

Ձևակերպելով պատվեր, որի կազմի մեջ մտնում են ապրանքներ, որոնց իրացման համար, համաձայն գործող օրենսդրության, պահանջվում է 18 տարեկան լրացած անձ (ներառյալ ալկոհոլային արտադրանքը և ծխախոտը), Օգտատերն իր գործողություններով հաստատում և երաշխավորում է Գործընկերոջ և Կատարողին, որ Օգտատերը' 18 տարեկան լրացած անձ է: Գործընկերն իրավունք ունի պահանջել Օգտատիրոջը լրացուցիչ հաստատում կատարել ,առ այն,որ նա 18 տարեկան է. Գործընկերմ իրավունք ունի հրաժարվել Ապրանքի իրացումից այն դեպքում, եթե Օգտատերը չի կարող հաստատել իր տարիքը ։

3.10. Ծառայությունն իրավունք ունի արգելափակել Օգտատիրոջ՝ Ծառայությունից օգտվելու և Պատվեր տեղադրելու հնարավորությունը՝ Ապրանքի և Առաքման, ինչպես նաև տեղադրված Պատվերի Սպասարկման վճարները չկատարելու դեպքում, Գործընկերոջ և (կամ) Առաքիչի հետ Պայմանագիրը (Պայմանագրերը) Օգտատիրական համաձայնագրի 3.17 կետին համապատասխան կատարելուց հրաժարվելու դեպքում, Օգտատիրական համաձայնագիրը և (կամ) Կարգավորող փաստաթղթերը խախտելու, ինչպես նաև Գործընկերոջ և (կամ) Առաքիչի հետ Պայմանագրերը կրկնակի խախտելու դեպքում:

3.11. Օգտատերը պարտավոր է Ծառայությունում Պատվեր տեղադրելիս տրամադրել հավաստի տվյալներ իր և Պատվերը ստացողի մասին: Օգտատերը պատասխանատվություն է կրում իր տրամադրած տեղեկության անճշտության հետևանքով առաջացած բոլոր հետևանքների համար:

3.12. Պատվեր տեղադրելու համար Օգտատերը, կարդալով Ապրանքի և Առաքման մասին տեղեկությունը, Ծառայության միջոցով նշում է Գործընկերոջ և (կամ) Առաքիչի կողմից Պայմանագիրը կատարելու համար անհրաժեշտ բոլոր տվյալները, այդ թվում՝ Օգտատիրոջ անձնական տվյալները, առաքման ամբողջական հասցեն (բնակավայրի անվանումը, մետրոյի կայարանը (առկայության դեպքում), փողոցը (պողոտան, մայրուղին և այլն), տան համարը (մասնաշենքի, կառույցի համարը և այլն), մուտքի համարը, բնակարանի համարը, հարկը, դոմոֆոնի ծածկագիրը (առկայության դեպքում), ստացողի անունը, ազգանունը, հայրանունը, կոնտակտային տվյալները (հեռախոսահամարը և այլն), վճարման եղանակը, հետո սեղմում է «Ուղարկել պատվերը» կոճակը (կամ համանման կոճակ) Ծառայության մեջ։ Պատվեր տեղադրելով` Օգտատերը հաստատում է, որ ծանոթացել է և անվերապահորեն համաձայնում է Օգտատիրական համաձայնագրին, Գործընկերոջ և (կամ) Առաքիչի հետ կնքվող Պայմանագրի (Պայմանագրերի) պայմաններին, ինչպես նաև ծանոթացել է Ապրանքի, Առաքման, Սպասարկման վճարի մասին տեղեկությանը, որը տեղադրված է Ծառայությունում։

3.13. Օգտատիրոջ և Գործընկերոջ և (կամ) Առաքիչի միջև Պայմանագիր կամ Պայմանագրեր կնքելու պահը որոշվում է հետևյալ կարգով.

3.13.1. Գործընկերոջ հետ Պայմանագիրը կամ Պայմանագրերը կնքվում են այն պահին, երբ Օգտատերը սեղմում է «Ճիշտ է․ վճարել» կոճակը (կամ համանման կոճակ) Պատվերի ձևում, Առաքիչի հետ Պայմանագիրը կնքվում է Օգտատիրական համաձայնագրի 3.14 կետի համաձայն Ապրանքի Առաքումն իրականացնող Առաքիչին որոշելու պահին: Նշված կոճակը սեղմելուց հետո Օգտատիրոջը տրվում է սահմանափակ ժամանակ վճարում կատարելու համար, որից հետո ցուցադրվում է «ՍԽԱԼ․ վճարման ժամանակը սպառվել է։ Տեղադրեք նոր պատվեր» հաղորդագրությունը»: Եթե որևէ պատճառով նշված ժամկետում վճարում չի կատարվում, ապա Գործընկերոջ և (կամ) Առաքիչի հետ Պայմանագիրը (կամ Պայմանագրերը) չի համարվում կնքված:

3.13.2. Սեղմելով «Ճիշտ է․ վճարել» կոճակը (կամ համանման կոճակ) Օգտատիրական համաձայնագրի 3.13.1 կետով նախատեսված դեպքում՝ Օգտատերն ամբողջովին և անվերապահորեն համաձայնում է (ընդունում է) կնքել Պայմանագիր Առաքիչի հետ, ով որոշվում է Օգտատիրական համաձայնագրի 3.14 կետին համապատասխան Օգտատիրական համաձայնագրի 6.8 կետով նախատեսված Առաքիչներից:

3.14. Ապրանքի Առաքումն իրականացնող Առաքիչը որոշվում է Ծառայության գործընկերներ հանդիսացող Առաքիչներից Օգտատիրոջ կողմից Պատվերը տեղադրելուց հետո, 5 րոպեի ընթացքում այն պահից, երբ Գործընկերը սկսում է կատարել Պատվերը (պատրաստել Ապրանքը) կամ հավաքել Պատվերը (եթե այդ գործառույթը հասանելի է): Ծառայությունը ծանուցում է Օգտատիրոջը, որ Գործընկերոջից ստացել է տեղեկություն Գործընկերոջ կողմից Պատվերը կատարելու (Ապրանքը պատրաստելու կամ Պատվերը հավաքելու) մեկնարկի մասին՝ ուղարկելով Օգտատիրոջը push-ծանուցում (ընդ որում Կատարողը պատասխանատվություն չի կրում Օգտատիրոջ կողմից push-ծանուցումը չստանալու համար, եթե Օգտատերը անջատել է Կատարողից և (կամ) Ծառայությունից նման ծանուցումներ ստանալու գործառույթը բջջային սարքում, տվյալ դեպքում համապատասխան տեղեկություն չստանալու պատասխանատվությունը կրում է Օգտատերը) կամ SMS-հաղորդագրություններ, եթե Օգտատերը տեղադրում է Պատվերը Ծառայության «Իմ Պատվերները» բաժնում ցուցադրելով «Ռեստորանը պատրաստում է» կարգավիճակը, եթե Պատվերը տեղադրվում է կայքում։ Օգտատերը կարող է տեղեկություն ստանալ Պատվերը կատարող Առաքիչի մասին՝ կապվելով Կատարողի հետ Օգտատիրական համաձայնագրի 6.9 կետում նշված հեռախոսահամարով:

3.15. Կատարելով 3.12 կետով նախատեսված գործողությունները՝ Օգտատերը հաստատում է, որ Ապրանքի և Առաքման, ինչպես նաև Ռեստորանի և (կամ) Խանութի և (կամ) Դեղատան և (կամ) Առաքիչի մասին բոլոր տեղեկությունները նախատեսված են սպառողների պաշտպանության մասին գործող օրենսդրությամբ և ամբողջությամբ ներկայացված են Օգտատիրոջ ուշադրությանը:

3.16. Գործընկերը կարող է չեղարկել Պատվերը հետևյալ դեպքերում.

3.16.1. եթե Գործընկերը, ով իրականացնում է Օգտատիրոջ տեղադրած Պատվերով Ապրանքի առաքումը, չի կարողացել կապ հաստատել Օգտատիրոջ հետ այն կոնտակտային տվյալներով, որոնք Օգտատերը նշել է Պատվերը տեղադրելիս,

3.16.2. եթե Գործընկերը չի կարող կատարել Պայմանագիրը,

3.16.3. եթե ​Գործընկերը չի կարող ամբողջությամբ կատարել Պայմանագիրը, նա իրավունք ունի չեղարկել Պատվերը 3.16.2 կետի համաձայն կամ կապվել Օգտատիրոջ հետ Օգտատիրոջ նշած հեռախոսահամարով՝ Պատվերի կազմը փոխելու համար: Պատվերը փոխելու մասին տեղեկությունը արտացոլվում է նաև Ծառայությունում՝ Օգտատիրոջ կողմից նման փոփոխությունները հաստատելու հնարավորությամբ: Պատվերը համարվում է տեղադրված նոր պայմաններով, եթե Օգտատերը համաձայնում է այդ պայմաններին հետևյալ եղանակներից մեկով. ա) հեռախոսով. բ) Ծառայության միջոցով:

3.17. Պատվերը տեղադրած Օգտատերը պարտավոր է ներկա գտնվել Առաքման հասցեում՝ Պատվերը ստանալու համար, ինչպես նաև ապահովել Ապրանքի ընդունումը և վճարումը Առաքման պահին: Եթե Օգտատերը ներկա չէ Առաքման հասցեում, եթե անհնար է հանձնել Ապրանքը Օգտատիրոջը վերջինիս գործողություններից կամ անգործությունից բխող պատճառներով, եթե Օգտատերը հրաժարվում է ընդունել Ապրանքը (բացառությամբ այն դեպքերի, երբ Ապրանքը անբավարար որակի է կամ չի համապատասխանում Օգտատիրական համաձայնագրի 3.18 կետով սահմանված կարգով Օգտատիրոջ տեղադրած Պատվերի պայմաններին), ապա 10 րոպե սպասման ժամանակը լրանալուն պես համարվում է, որ Օգտատերը հրաժարվել է Գործընկերոջ և (կամ) Առաքիչի հետ Պայմանագիրը (Պայմանագրերը) կատարելուց, ընդ որում Օգտատիրոջ վճարած դրամական միջոցները Ապրանքի և Առաքման համար ուղարկվում են Գործընկերոջ և (կամ) Առաքիչի ծախսերը փոխհատուցման համար և ենթակա չեն վերադարձման:

3.18. Եթե Օգտատիրոջը հանձնված Ապրանքը Օգտատիրոջ կարծիքով ոչ պատշաճ որակի է և (կամ) չի համապատասխանում Օգտատիրոջ կողմից տեղադրած Պատվերին, Օգտատերը պարտավոր է անհապաղ ուղարկել առաքված Ապրանքի լուսանկարը և Ապրանքի թերությունների նկարագրությունը Կատարողի աջակցման ծառայություն հետադարձ կապի միջոցով (աջակցման ծառայության չաթ): Կատարողը փոխանցում է Օգտատերերի պահանջները Ռեստորանին և (կամ) Առաքիչին 2.10 կետում նշված ժամկետներում:

3.19. Ապրանքի Առաքումն իրականացնելու դեպքում համարվում է, որ Գործընկերը կատարել է Պայմանագրով նախատեսված Ապրանքը Օգտատիրոջը փոխանցելու իր պարտավորությունը այն պահին, երբ փոխանցում է Ապրանքը (պատշաճ որակի և Օգտատիրոջ տեղադրած Պատվերին համապատասխան) Առաքիչի ներկայացուցչին:

3.20. Ծառայությունում նշված Ապրանքի պատրաստման և (կամ) վաճառքի ժամանակը մոտավոր է: Եթե Օգտատերը և Գործընկերը և (կամ) Առաքիչը այլ բան չեն համաձայնեցրել, ապա Օգտատիրոջ կողմից Պատվերին սպասելու փաստացի ժամանակը կարող է կազմել 15 րոպե Ծառայությունում նշված ժամանակից, և դա չի համարվում ծառայությունների մատուցման ժամկետի խախտում Գործընկերոջ և (կամ) Առաքիչի կողմից:

3.21. Եթե Պատվերի կատարումն անհնար է այն պատճառով, որ Գործընկերը չի հաստատել Պատվերն ընդունելու պատրաստականությունը, չկան ազատ Առաքիչներ, ովքեր կարող են իրականացնել Պատվերի Առաքումը, ինչպես նաև այլ պատճառներով, որոնք խանգարում են Գործընկերոջը կամ Առաքիչին կատարել Պատվերի հետ կապված պարտավորությունները ժամանակին և պատշաճ կերպով, Կատարողն իրավունք ունի չեղարկել Պատվերը՝ Օգտատիրոջը վերադարձնելով Պատվերի համար վճարված դրամական միջոցները:

4. Ծառայության օգտագործումը, Ծառայության առանձին գործառույթներ

4.1. Կատարողն իրեն իրավունք է վերապահում իր հայեցողությամբ սահմանափակել Օգտատիրոջ մուտքը Ծառայություն (կամ Ծառայության որոշակի գործառույթներ, եթե դա տեխնիկապես հնարավոր է) նրա գրանցահաշիվն օգտագործելու միջոցով կամ ամբողջությամբ արգելափակել Օգտատիրոջ գրանցահաշիվը, եթե Օգտատերը կրկնակի խախտել է Օգտատիրական համաձայնագիրը և (կամ) Կարգավորող փաստաթղթերը, կամ Օգտատիրոջ նկատմամբ կիրառել այլ միջոցներ՝ Օգտատիրական համաձայնագրին և Կարգավորող փաստաթղթերին, ինչպես նաև օրենսդրության պահանջներին կամ երրորդ անձանց իրավունքներին ու օրինական շահերին ապահովելու համար:

4.2. Օգտատերը համաձայնություն է տալիս Կատարողին, Կատարողի Գործընկերներին, օգտագործել Օգտատիրոջ անձնական տեղեկությունը (ներառյալ անձնական տվյալները), փոխանցել (այդ թվում՝ անդրսահմանային եղանակով) Օգտատիրոջ անձնական տեղեկությունը Կատարողի գործընկերներին այդ թվում՝ Գործընկերներին և (կամ) Առաքիչներին, ինչպես նաև համաձայնություն է տալիս Կատարողի գործընկերներին, այդ թվում՝ Գործընկերներին և (կամ) Առաքիչներին օգտագործել անձնական տեղեկությունը՝ Ծառայությունից օգտվելու, Ծառայությունում Պատվեր ըդունելու և Գործընկերների և (կամ) Առաքիչի կողմից Պայմանագիրը կատարելու նպատակներով, ինչպես նաև սույն Օգտատիրական համաձայնագրում և Գաղտնիության քաղաքականության մեջ սահմանված նպատակներով, որը հասանելի է հետևյալ հասցեով՝ https://yandexgo.com/legal/menu_am_privacy_notice

4.3. Որակի վերահսկման և վեճերի լուծման նպատակով Կատարողը կարող է ձայնագրել Օգտատիրոջ բոլոր խոսակցությունները Կատարողի աջակցման մասնագետների, ինչպես նաև Ռեստորանների և (կամ) Առաքիչների հետ:

Եթե Ծառայության աջակցման մասնագետները Օգտատիրոջից ստանում են անձնական վիրավորանքներ, սպառնալիքներ, այլ ոչ ճիշտ խոսքեր և գործողություններ, Ծառայության աջակցման մասնագետն իրավունք ունի դադարեցնել Օգտատիրոջ հետ երկխոսությունը՝ ինչպես բանավոր, այնպես էլ գրավոր:

5. Վճարում Ապրանքի և (կամ) Առաքման համար

5.1. Օգտատերը վճարում է կատարում Ապրանքի և (կամ) Առաքման համար իր տեղադրած Պատվերի շրջանակներում։

5.1.1. Օգտատիրոջը կարող է հասանելի լինել կից բանկային քարտից անկանխիկ վճարում կատարելու գործառույթը (Օգտատիրական համաձայնագրի 5.4 կետ)։ Այս դեպքում Կատարողը գործում է Գործընկերոջ և (կամ) Առաքիչի հանձնարարականով՝ ներգրավելով վճարումների ընդունման լիազորված գործակալի կամ էլեկտրոնային դրամական միջոցների (այսուհետ՝ «անկանխիկ վճարում») գործակալի։ Ապահովելով անկանխիկ վճարման հնարավորությունը՝ Կատարողը չի երաշխավորում Ծառայության աշխատանքի մեջ սխալների և խափանումների բացակայությունը:

5.1.2. Օգտատիրոջը կարող է հասանելի լինել Առաքիչին (կամ Առաքիչի ներգրաված երրորդ կողմին, եթե Առաքիչը ներգրավում է երրորդ կողմի՝ Ապրանքն Օգտատիրոջը առաքելու համար) կանխիկ կամ POS-տերմինալների միջոցով բանկային փոխանցումով վճարումներ կատարելու գործառույթը, եթե Առաքիչն է իրականացնում Ապրանքի Առաքումը։ Այդ դեպքում Առաքիչը (կամ նրա ներգրաված երրորդ կողմը) Ապրանքի համար դրամական միջոցներ ընդունելիս գործում է Կատարողի հանձնարարականով, որն էլ իր հերթին գործում է Ռեստորանի հանձնարարականով:

5.1.3. Օգտատիրոջը կարող է հասանելի լինել անմիջապես Ռեստորանին կանխիկ վճարելու գործառույթը այն դեպքում, երբ Ապրանքի Առաքումն իրականացնում է Ռեստորանը: Վճարման նշված եղանակն իրականացվում է առանց Կատարողի մասնակցության և չի կարգավորվում Օգտատիրական համաձայնագրով:

5.2. Օգտատիրական համաձայնագրի 5․1 կետով նախատեսված դեպքում Կատարողն ընդունում է դրամական միջոցները բացառապես այն պատճառով, որ Կատարողն, ապահովելով Ծառայությունում Պատվեր տեղադրելու հնարավորությունը, Գործընկերոջ հետ իրականացնում է Օգտատիրոջ Ապրանքը, որի համար դրամական միջոցներ են ընդունվում:

5.3. Գործող օրենսդրությամբ նախատեսված դեպքերում Առաքման և (կամ) Ապրանքի վճարման անդորրագիրը (անդորրագրերը) Օգտատիրոջը տալիս են անմիջապես Առաքիչը և (կամ) Գործընկերը՝ գործող օրենսդրության պահանջներին համապատասխան:

Օգտատերն ուղարկում է անդորրագրի կամ անդորրագրերի բովանդակության վերաբերյալ հարցերը անմիջապես Գործընկերոջը և (կամ) Առաքիչին։

Անդորրագրի կամ անդորրագրերի ոչ պատշաճ բովանդակության և տրամադրման պատասխանատվությունը կրում են Գործընկերները և Առաքիչները համապատասխանաբար։

5.4. Օգտատերը կարող է նշել Կից բանկային քարտի հետևյալ տվյալները Ծառայության ինտերֆեյսում․

  • Բանկային քարտի սեփականատիրոջ անունը («cardholder»),
  • Բանկային քարտի համարը,
  • Վավեր է մինչև,
  • Անվտանգության ծածկագիրը։

Եթե բանկային քարտի տվյալները հավաստի են, վավեր, և տեխնիկապես հնարավոր է օգտագործել տվյալ քարտը Ծառայության շրջանակներում, ապա նշված բանկային քարտը ձեռք է բերում «Կից» կարգավիճակը և կարող է օգտագործվել անկանխիկ վճարումների համար: Բոլոր Կից քարտերը ցուցադրվում են Ծառայության ինտերֆեյսում:

5.5. Օգտատերն իրականացնում է անկանխիկ վճարումը վճարումների ընդունման լիազորված գործակալի կամ էլեկտրոնային դրամական միջոցների գործակալի մասնակցությամբ, որը կարգավորվում է միջազգային վճարային համակարգերի, բանկերի (այդ թվում՝ Կից քարտը թողարկող բանկի) և հաշվարկների այլ մասնակիցների կանոններով:

5.6. Օգտատիրական համաձայնագրի 5․4 կետի համաձայն իր տվյալները նշելով և հետագայում կցված քարտն օգտագործելով՝ Օգտատերը հաստատում և երաշխավորում է, որ նշել է հավաստի և ամբողջական տեղեկություն իր անունով թողարկված վավեր բանկային քարտի մասին, հետևում է միջազգային վճարային համակարգերի կանոններին և կցված քարտը թողարկած բանկի պահանջներին, այդ թվում՝ անկանխիկ վճարումների իրականացման կարգի հետ կապված:

5.7. Օգտատերը հասկանում և համաձայնում է, որ Ծառայության մեջ գրանցվելիս իրեն հատկացված մուտքանվան և գաղտնաբառի միջոցով մուտքի լիազորություն ստանալուց հետո կատարված բոլոր գործողությունները, այդ թվում՝ կցված բանկային քարտի միջոցով անկանխիկ վճարումները, համարվում են Օգտատիրոջ կողմից կատարված:

5.8. Եթե Օգտատերը համաձայն չէ անկանխիկ վճարման փաստի և (կամ) գումարի և Ծառայության շրջանակներում կցված քարտի օգտագործմանը վերաբերող այլ հարցերի հետ, Օգտատերը կարող է դիմել Կատարողին սույն Օգտատիրական համաձայնագրում նշված տվյալներով անկանխիկ վճարման կամ դիմելու պատճառ հանդիսացած այլ գործողությունների կամ իրադարձությունների օրվանից 14 օրվա ընթացքում:

Եթե այդ դիմումից հետո ստուգման արդյունքների հիման վրա Կատարողն որոշում է ամբողջությամբ կամ մասնակիորեն վերադարձնել անկանխիկ վճարման գումարը, ապա գումարը վերադարձվում է այն բանկային քարտի հաշվին, որով կատարվել է անկանխիկ վճարումը։ Դրամական միջոցների վերադարձման կարգն իրականացվում է վճարումների ընդունման լիազորված գործակալի կամ էլեկտրոնային դրամական միջոցների գործակալի մասնակցությամբ և կարգավորվում է միջազգային վճարային համակարգերի, բանկերի (այդ թվում՝ կցված քարտի թողարկած բանկի) և այլ հաշվարկների մասնակիցների կանոններով:

5.9. Կատարողն իրեն իրավունք է վերապահում ցանկացած պահի Օգտատիրոջից պահանջել հաստատել Ծառայությունում իր նշած տվյալները, այդ թվում՝ կցված քարտի տվյալները, և այդ կապակցությամբ պահանջել հաստատող փաստաթղթեր (մասնավորապես՝ անձը հաստատող փաստաթղթեր), որոնց չներկայացնելը Կատարողի հայեցողությամբ կարող է դիտվել որպես կեղծ տեղեկության տրամադրում և հանգեցնել Օգտատիրական համաձայնագրի 4․1 կետով նախատեսված հետևանքներին։

5.10. Ապրանքի և (կամ) Առաքման՝ Օգտատիրական համաձայնագրով նախատեսված կանխիկ վճարման հետ կապված հարցերով Օգտատերն իրավունք ունի դիմել Գործընկերոջը և (կամ) Առաքիչին։

6. «Կորպորատիվ ծառայություններ» գործառույթ

6.1. Այն դեպքում, երբ Կատարողի հետ "Կորպորատիվ ծառայություններ" Ծառայության մատուցման համար առանձին պայմանագիր կնքած անձը նշել է Օգտատիրոջ հեռախոսահամարը իր անձնական էջում, որը տրամադրվել է Կատարողի կողմից այդպիսի առանձին պայմանագրի հիման վրա, որպես Կորպորատիվ օգտատեր ծառայության օգտագործումն իրականացվում է այդ Օգտատատերի կողմից երրորդ անձի օգտին՝ նշված անձի և Օգտատիրոջ միջև սահմանված պայմաններով:

6.2. 6.1. կետում նշված երրորդ անձի կողմից Ծառայության օգտագործումը հօգուտ Օգտատիրոջ կարող է իրականացվել, ինչպես Օգտատիրոջ համար անհասանելի ծրագրային գործիքների օգտագործմամբ, այնպես էլ բոլոր Օգտատատերերի տրամադրված ծառայության բացահայտ գործառույթների օգտագործմամբ: Վերջին դեպքում Օգտատերը գործում է 6.1 կետում նշված նշված երրորդ անձի անունից, իսկ սույն Պայմաններով նախատեսված իրավունքներն ու պարտականությունները ծագում են անմիջապես այդ երրորդ անձի մոտ, ներառյալ ծառայության դիմաց վճարման պարտականությունները:

6.3. Օգտատերը հասկանում և համաձայնում է, որ սույն 6-րդ բաժնով նախատեսված կարգով իր կողմից Ծառայության օգտագործումը չի համարվի Ծառայության օգտագործում Օգտատիրոջ անձնական նպատակներով:

6.4. Սույն Օգտատիրական համաձայնագրի պայմանները կիրառվում են այն Օգտատերերի հետ հարաբերությունների նկատմամբ, որոնք կատարում են Պատվերի Ձևակերպում ՝ օգտագործելով "Կորպորատիվ ծառայություններ" գործառույթը բացառապես այն մասով, որը չի հակասում Կատարողի և երրորդ անձի միջև կնքված պայմանագրի պայմաններին, որը նշել Է Օգտատիրոջ հեռախոսահամարը իր անձնական էջում, որը տրամադրվում է նման պայմանագրի հիման վրա ։

7. Այլ պայմաններ

7.1. Օգտատերը հաստատում է, որ գործունակ է և լրացել է Հայաստանի Հանրապետության օրենսդրությամբ սահմանված տարիքը` Գործընկերոջ և (կամ) Առաքիչի հետ Պայմանագրեր կնքելու, ինչպես նաև Օգտատիրական համաձայնագրով նախատեսված այլ գործարքներ կատարելու համար:

7.2. Կատարողը պատասխանատվություն չի կրում հետևյալի համար.

7.2.1. Ծառայության աշխատանքի ժամանակավոր խափանումները և ընդհատումները և (կամ) Օգտատերերին Պատվեր տեղադրելու հնարավորություն տվող գործառույթի հասանելիությունը և դրանց հետևանքով տեղեկության կորուստը, ինչպես նաև տեղեկության անվտանգությունը, դրա ճիշտ և ճշտապահ փոխանցումն ու առաքումը։

7.2.2. Ծառայության հուսալիությունը, որակը և արագությունը, ինչպես նաև Օգտատիրոջ ստեղծած, օգտագործած և ստացած տեղեկության անվտանգությունը:

7.3. Օգտատիրոջ՝ Կատարողին դիմելու կարգը. բոլոր հարցումները պետք է ուղարկել Կատարողի աջակցման ծառայություն՝ հարցում ուղարկելով Ծառայության ինտերֆեյսում առկա հետադարձ կապի ձևի (աջակցության ծառայության չաթի) միջոցով: Ծառայության գործառույթները կարող են նաև տրամադրել Օգտատիրոջը այլ եղանակներ՝ Կատարողին հարցումներ ուղարկելու համար:

7.4. Եթե Ծառայությունում այլ բան նախատեսված չէ, Ծառայությունում նշված բոլոր գները ներառում են ԱԱՀ:

7.5. Ապրանքի և (կամ) Առաքման արժեքի վրա Պրոմոկոդի միջոցով զեղչ է տրամադրվում Ծառայության Պրոմոկոդերի օգտագործման պայմաններով նախատեսված դեպքերում և կարգով՝ (https://yandex.com/legal/promocode_eda/?lang=hy)։

7.6. Առաքիչի առաքած Ապրանքները նույնականացնելու համար Ծառայությունում այդ Ապրանքները կարող են նշվել մոպեդ պատկերող պատկերակով, ինչպես նաև ուղեկցվել տեղեկությամբ, որ Առաքումն իրականացնում է Գործընկերը:

7.7. Եթե Գործընկերը նախատեսում է Պատվերի Ապրանքների նվազագույն արժեք (Պատվերի նվազագույն գումարը՝ առանց Առաքման արժեքի), այդ սահմանափակումը ներկայացվում է Ծառայության Օգտատերերին «Պատվեր XX ֏-ից» նշման տեսքով, ընդ որում XX-ում նշվում է Պատվերի Ապրանքի նվազագույն արժեքը, որը նախատեսված է Ռեստորանի և (կամ) Խանութի և (կամ) Դեղատան կողմից:

7.8. Գործընկերների կամ Առաքիչների մասին տեղեկությունը, որը նախատեսված է «Սպառողների իրավունքների պաշտպանության մասին» օրենքով, ներկայացվում է Օգտատիրոջ ուշադրությանը Ծառայության մեջ համապատասխան Գործընկերոջ էջում: Ռեստորանի, Խանութի կամ Դեղատան աշխատանքային ժամերը, որոնց մասին տեղեկությունը նշված է Ծառայության մեջ, համապատասխանում է Ռեստորանի, Խանութի կամ Դեղատան կողմից Պատվերներն ընդունելու ժամանակին, եթե այլ բան սահմանված չէ Ռեստորանի, Խանութի կամ Դեղատան կողմից:

7.9. Տեղեկություն Կատարողի մասին՝

Անվանումը՝ «Ու.ՍՆՈՒՆԴ ԷՅԷՄ» ՍՊԸ

Տեղադրության հասցե՝ Հայաստանի Հանրապետություն, Երևան, Մոսկովյան 35

Գրանցման համարը՝ 269.110.1199369

Գրանցման ամսաթիվը՝ 11.10.2021

ՀՎՆՀ՝ 02294062

Հրապարակման ամսաթիվը՝ 26.06.2025 թ.

Սույն փաստաթղթի ուժի մեջ մտնելու ամսաթիվը՝ 26.06.2025 թ.

Փաստաթղթի նախորդ տարբերակը https://yandex.com/legal/termsofuse_menu/05062025.

Փաստաթղթի նախորդ տարբերակը https://yandex.com/legal/termsofuse_menu/31102024.