Յանդեքսի ծառայությունների Օգտատիրական համաձայնագիր

1. Ընդհանուր դրույթներ

1.1. «ՅԱՆԴԵՔՍ» ՍՊԸ-ն (այսուհետ՝ «Յանդեքս») առաջարկում է համացանցի օգտատիրոջը (այսուհետ՝ «Օգտատեր») օգտվել իր ծառայություններից սույն Օգտատիրական համաձայնագրով (այսուհետ՝ «Համաձայնագիր», «ՕՀ») սահմանված պայմաններով: Համաձայնագիրն ուժի մեջ է մտնում այն ​​պահից, երբ Օգտատերը համաձայնվում է դրա պայմանների հետ Համաձայնագրի 1.4 կետով նախատեսված կարգով:

1.2. Յանդեքսը Օգտատերերին առաջարկում է օգտվել ծառայությունների լայն շրջանակից, որոնք ներառում են նավիգացիայի միջոցները, հաղորդակցությունը, տարբեր տեսակի տեղեկատվության և նյութերի (բովանդակության) որոնումը, տեղադրումը և պահպանումը, բովանդակության անհատականացումը, գնումները և այլն: «ՅԱՆԴԵՔՍ» ՍՊԸ-ի և այլ ընկերությունների ներկայումս գործող բոլոր ծառայությունները, որոնց օգտագործման պայմանները ներառված են սույն Համաձայնագրում (այսուհետ՝ «Յանդեքսի ծառայություններ»), ինչպես նաև դրանց ցանկացած մշակումը և (կամ) նորերի ավելացումը սույն Համաձայնագրի առարկան են հանդիսանում:

1.3. Յանդեքսի ծառայությունների օգտագործումը կարգավորվում է սույն Համաձայնագրով, Յանդեքսի առանձին ​​ծառայությունների օգտագործման պայմաններով, ինչպես նաև հետևյալ փաստաթղթերով, որոնք սույն Համաձայնագրի անբաժանելի մասն են կազմում՝ Յանդեքս որոնման համակարգի օգտագործման լիցենզիա (https://yandex.ru/legal/termsofuse_hy), Գաղտնիության քաղաքականություն (https://yandex.ru/legal/confidential_hy), Յանդեքս ID-ի օգտագործման պայմանները (https://yandex.ru/legal/id_termsofuse), Յանդեքսի ծառայություններում կցված քարտերի օգտագործման պայմանները (https://yandex.ru/legal/bank_card): Յանդեքսը կարող է փոփոխել Համաձայնագիրը առանց հատուկ ծանուցման, Համաձայնագրի նոր տարբերակն ուժի մեջ է մտնում սույն կետում նշված հասցեով համացանցում տեղադրվելու պահից, եթե այլ բան նախատեսված չէ Համաձայնագրի նոր տարբերակով: Համաձայնագրի ընթացիկ տարբերակը միշտ գտնվում է հետևյալ հասցեում` https://yandex.com/legal/rules/?lang=hy:

1.4. Սկսելով օգտվել որևէ ծառայությունից կամ դրա առանձին ​​գործառույթներից կամ անցնելով գրանցման ընթացակարգը՝ Օգտատերն ամբողջությամբ ընդունում է Համաձայնագրի պայմանները՝ առանց որևէ վերապահումների կամ բացառությունների: Եթե ​​Օգտատերը համաձայն չէ Համաձայնագրի դրույթներից որևէ մեկի հետ, Օգտատերն իրավասու չէ օգտվել Յանդեքսի ծառայություններից: Եթե ​​Յանդեքսը Համաձայնագրի 1.3 կետով նախատեսված կարգով փոփոխություններ է կատարել Համաձայնագրում, որոնց հետ Օգտատերը համաձայն չէ, նա պարտավոր է դադարեցնել Յանդեքսի ծառայություններից օգտվելը:

2. Յանդեքս ID-ի Օգտատիրոջ գրանցումը, լիազորությունը Յանդեքս ID-ի միջոցով

2.1. Յանդեքսի որոշակի ծառայություններից կամ ծառայությունների առանձին գործառույթներից օգտվելու համար Օգտատերը պետք է անցնի գրանցման ընթացակարգ, որի արդյունքում Օգտատիրոջ համար ստեղծվում է եզակի գրանցահաշիվ (Յանդեքս ID):

14 տարին լրացած Օգտատերն իրավասու է ինքնուրույն գրանցել հաշիվ և օգտվել Յանդեքսի ծառայություններից գործող օրենքով սահմանված իրավունակության սահմաններում։ Եթե ​​Օգտատերը չի հասել նշված տարիքին, ինչպես նաև գործող օրենքով պահանջված դեպքերում Յանդեքսի ծառայություններից կարելի է օգտվել միայն ծնողների կամ այլ օրինական ներկայացուցիչների համաձայնությամբ:

Յանդեքսի առանձին ​​ծառայությունները կարող են սահմանել տարիքային այլ սահմանափակումներ, որոնք կարող են լրացուցիչ նշվել իրավական փաստաթղթերում կամ կայքի, հավելվածի և (կամ) այլ ծրագրային արտադրանքի ինտերֆեյսում կամ նկարագրությունում:

2.2. Գրանցահաշիվ (Յանդեքս ID) ստեղծելու, օգտագործելու ինչպես նաև Յանդեքս ID-ի անձնական գրասենյակի գործառույթներից օգտվելու կարգը կարգավորվում է Յանդեքս ID-ի օգտագործման պայմաններով, որոնք հրապարակվել են հետևյալ հասցեով` https://yandex.ru/legal/id_termsofuse:

3. Օգտագործման և պահպանման ընդհանուր դրույթներ

3.1. Յանդեքսն իրավասու է սահմանել Յանդեքսի ծառայություններից օգտվելու սահմանափակումներ բոլոր Օգտատերերի կամ Օգտատերերի որոշակի կարգերի համար (կախված Օգտատիրոջ գտնվելու վայրից, լեզվից, որով մատուցվում է ծառայությունը և այլն), այդ թվում՝ ծառայության որոշակի գործառույթների առկայությունը կամ բացակայությունը, Յանդեքս Փոստ ծառայությունում փոստային հաղորդագրությունների, ցանկացած այլ բովանդակության պահպանման ժամկետը, հաղորդագրությունների առավելագույն քանակը, որոնք կարող է ուղարկել կամ ստանալ մեկ գրանցված օգտատերը, փոստային հաղորդագրության կամ սկավառակի տարողունակության առավելագույն չափը, նշված ժամանակահատվածում ծառայության դիմումների առավելագույն քանակը, բովանդակության պահպանման առավելագույն ժամկետը, ներբեռնվող բովանդակության հատուկ կարգավորումները և այլն: Յանդեքսը կարող է արգելել իր ծառայությունների ավտոմատ մուտքը, ինչպես նաև դադարեցնել ինքնաբերաբար ստեղծված ցանկացած տեղեկության ընդունումը (օրինակ՝ էլփոստի սպամ):

Օգտատիրոջ սարքավորումները և սեփական սարքավորումները պաշտպանելու համար Յանդեքսն իրավասու է սահմանափակել ցանկացած հաղորդագրությունների ընդունումը և դրանց ուղարկումը Օգտատիրոջը, եթե այդ հաղորդագրությունները պարունակում են վնասակար ծրագրեր կամ ծածկագիր կամ եթե Յանդեքսի ավտոմատ զտման և հակավիրուսային պաշտպանության գործիքները հայտնաբերել են նման վնասակար ծրագրեր կամ ծածկագրեր նշված հաղորդագրություններում: Օգտատերը տեղյակ է և համաձայն է, որ Յանդեքսն իրավասու է վերլուծել և ուսումնասիրել այդ հաղորդագրություններում պարունակվող վնասակար ծրագրերն ու ծածկագրերը՝ Յանդեքսի ավտոմատ զտման և հակավիրուսային պաշտպանության որակը բարելավելու համար:

3.2. Յանդեքսն իրավասու է տեղեկատվական հաղորդագրություններ ուղարկել Օգտատիրոջը: Յանդեքսն իրավասու է նաև գովազդային հաղորդագրություններ ուղարկել Օգտատիրոջը այն պայմանով, որ համաձայնություն է ստացել օրենքի պահանջներին համապատասխան, կամ այն պայմանով, որ Օգտատերը չի հրաժարվել համապատասխան ծառայության վերաբերյալ գովազդային հաղորդագրություններ ստանալուց (գրանցվելիս կամ ավելի ուշ՝ օգտագործելով համապատասխան գործառույթը):

Օգտատերը համաձայնություն է տալիս, որ Յանդեքսը ծանուցի տվյալ ծառայության մյուս օգտատերերին Օգտատիրոջ հրապարակային գործողությունների, նրա կողմից նոր հրապարակումների տեղադրման, այլ օգտատերերի բովանդակության հետ կապված նրա գործողությունների, ինչպես նաև ծառայության շրջանակում նրա իրականացրած այլ գործողությունների մասին:

3.3. Ծառայությունների որակը բարելավելու նպատակով Յանդեքսը և (կամ) նրա կողմից հարցում անցկացնելու համար ներգրավված անձինք իրավունք ունեն հավաքագրել Օգտատերերի կարծիքները և արձագանքները տարբեր հարցերի վերաբերյալ՝ ուղարկելով տեղեկատվական հաղորդագրություն, երբ Օգտատերը հերթական անգամ այցելի ծառայություն, կամ կապ հաստատելով Օգտատիրոջ գրանցահաշվում նշված կապի միջոցներով (հեռախոսազանգերով կամ էլեկտրոնային նամակներով): Հավաքագրված կարծիքների և արձագանքների հիման վրա կարելի է ստեղծել վիճակագրություն, որը կարող է օգտագործվել Ծառայություններում: Յանդեքսը նաև կարող է հրապարակել հարցման ընթացքում Օգտատիրոջ տրամադրած կարծիքները Յանդեքսի կամ Յանդեքսի մասնաճյուղերի ծառայություններում՝ նշելով Օգտատիրոջ անունը (մուտքանունը) կամ առանց դրա: Կարծիքներ նշելիս Օգտատերը պարտավոր է առաջնորդվել սույն Համաձայնագրի պահանջներով, ներառյալ սույն Համաձայնագրի 5-րդ կետով սահմանված պահանջները:

3.4. Երբ Օգտատերն օգտվում է «Ձեն.Պլատֆորմա» ՍՊԸ-ի մատուցած ծառայություններից, գրանցահաշվի նկարը, Օգտատիրոջ անունը, Օգտատիրոջ նույնացուցիչները, ներառյալ device-id-ն և cookie ֆայլերը, էլեկտրոնային փոստի հասցեն, բջջային հեռախոսահամարը, Յանդեքսի ծառայություններից Օգտատիրոջ օգտվելու մասին տեղեկությունները կարող են փոխանցվել «Ձեն.Պլատֆորմա» ՍՊԸ վերջինիս ծառայությունների մատուցման նպատակով (https://dzen.ru/legal/termsofuse, https://yandex.ru/legal/news_termsofuse):

4. Օգտատիրոջ բովանդակությունը

4.1. Օգտատերն ինքնուրույն պատասխանատվություն է կրում գործող օրենսդրության պահանջներին իր տեղադրած բովանդակության համապատասխանության համար, նաև պատասխանատվություն է կրում երրորդ անձանց առջև այն դեպքերում, երբ Օգտատիրոջ տեղադրած այս կամ այն ​​բովանդակությունը խախտում է երրորդ անձանց իրավունքները և օրինական շահերը, հեղինակների անձնական ոչ գույքային իրավունքները, երրորդ անձանց այլ մտավոր իրավունքները և (կամ) ոտնձգություն է անում նրանց ոչ նյութական շահերի նկատմամբ:

4.2. Օգտատերն ընդունում և համաձայնում է, որ Յանդեքսը պարտավոր չէ դիտել Յանդեքսի ծառայությունների միջոցով Օգտատիրոջ տեղադրված և (կամ) տարածած որևէ բովանդակություն, և որ Յանդեքսն իրավունք ունի (բայց ոչ պարտավորություն) իր հայեցողությամբ չթույլատրել Օգտատիրոջը բովանդակություն տեղադրել և (կամ) տարածել կամ ջնջել ցանկացած բովանդակություն, որը հասանելի է Յանդեքսի ծառայությունների միջոցով: Օգտատերն ընդունում և համաձայնում է, որ պետք է ինքնուրույն գնահատել բովանդակության օգտագործման հետ կապված բոլոր ռիսկերը, ներառյալ բովանդակության հուսալիությունը, ամբողջականությունը կամ օգտակարությունը:

4.3. Օգտատերն ընդունում և համաձայնում է, որ Յանդեքսի ծառայությունների տեխնոլոգիան կարող է պահանջել Օգտատիրոջ բովանդակության պատճենում (վերարտադրում) Յանդեքսի կողմից, ինչպես նաև մշակում Յանդեքսի կողմից՝ այս կամ այն ծառայության տեխնիկական պահանջները բավարարելու համար:

4.4. Օգտատիրոջ բովանդակության վերաբերյալ բողոքները դիտարկելիս Յանդեքսն առաջնորդվում է https://yandex.ru/company/rules/anonymous_content հասցեում հրապարակված Անանուն բովանդակության իրավունքների սահմանափակման սկզբունքներով, եթե այլ բան նախատեսված չէ ծառայության օգտագործման պայմաններով:

5. Յանդեքսի ծառայությունների օգտագործման պայմանները

5.1. Օգտատերն ինքնուրույն պատասխանատվություն է կրում երրորդ անձանց հանդեպ Յանդեքսի ծառայությունների օգտագործման հետ կապված իր գործողությունների համար, եթե այդ գործողությունները հանգեցնում են երրորդ անձանց իրավունքների և օրինական շահերի խախտմանը, ինչպես նաև Յանդեքսի ծառայություններից օգտվելիս օրենքին հետևելու համար:

5.2. Յանդեքսի ծառայություններից օգտվելիս Օգտատերն իրավունք չունի.

5.2.1. ներբեռնել, ուղարկել, փոխանցել կամ որևէ այլ կերպ տեղադրել և (կամ) տարածել բովանդակություն, որն անօրինական է, վնասակար, զրպարտող, վիրավորում է բարոյականությունը, ցուցադրում է (կամ քարոզում է) բռնություն և դաժանություն, խախտում է մտավոր սեփականության իրավունքները, խթանում է մարդկանց ատելությունը և (կամ) խտրականությունը ռասայական, էթնիկական, սեռական, կրոնական, սոցիալական հատկանիշների հիման վրա, պարունակում է վիրավորանքներ որևէ անձանց կամ կազմակերպությունների հասցեին, պարունակում է (կամ քարոզում է) պոռնոգրաֆիայի տարրեր, մանկական էրոտիկա, գովազդում է (կամ քարոզում է) սեռական ծառայությունները (այդ թվում՝ այլ ծառայությունների քողի տակ), բացատրում է թմրամիջոցների կամ դրանց համարժեքների, պայթուցիկ նյութերի կամ այլ զենքերի պատրաստման, կիրառման կամ այլ օգտագործման կարգը,

5.2.2. խախտել երրորդ անձանց, ներառյալ անչափահասների իրավունքները և (կամ) վնասել նրանց որևէ ձևով,

5.2.3. ներկայացնել իրեն որպես մեկ այլ անձ կամ կազմակերպության և (կամ) համայնքի ներկայացուցիչ, այդ թվում` որպես Յանդեքսի աշխատակից, ֆորումի մոդերատոր, կայքի սեփականատեր` առանց դրա համար բավարար իրավունքներ ունենալու, ինչպես նաև օգտագործել ցանցում այլ անձանց անօրինական ներկայացման որևէ այլ ձև և մեթոդ, ինչպես նաև գցել օգտատերերին կամ Յանդեքսին մոլորության մեջ որևէ առարկայի հատկությունների և բնութագրերի վերաբերյալ,

5.2.4. ներբեռնել, ուղարկել, փոխանցել կամ որևէ այլ ձևով տեղադրել և (կամ) տարածել բովանդակություն՝ օրենքով կամ որևէ պայմանագրային հարաբերություններով նման գործողությունների նկատմամբ իրավունքների բացակայության դեպքում,

5.2.5. առանց հատուկ թույլտվության ներբեռնել, ուղարկել, փոխանցել կամ որևէ այլ ձևով տեղադրել և (կամ) տարածել գովազդային տեղեկություն, սպամ (այդ թվում` որոնումային), այլ անձանց էլեկտրոնային փոստի հասցեները, բրգաձև սխեմաներ, բազմամակարդակ (ցանցային) մարքեթինգ (MLM), համացանցից եկամուտ ստանալու համակարգեր և էլեկտրոնային փոստի բիզնեսներ, «երջանկության նամակներ», ինչպես նաև օգտագործել Յանդեքսի ծառայությունները այդ միջոցառումներին մասնակցելու համար կամ օգտագործել Յանդեքսի ծառայությունները բացառապես օգտատերերին այլ տիրույթների էջեր վերահղելու համար,

5.2.6. ներբեռնել, ուղարկել, փոխանցել կամ որևէ այլ կերպ տեղադրել և (կամ) տարածել վիրուսներ կամ այլ համակարգչային ծածկագրեր, ֆայլեր կամ ծրագրեր պարունակող որևէ նյութեր, որոնք նախատեսված են համակարգչի կամ հեռահաղորդակցության սարքավորումների կամ ծրագրերի գործառույթները խաթարելու, ոչնչացնելու կամ սահմանափակելու, չարտոնված մուտք կատարելու համար, ինչպես նաև առևտրային ծրագրային ապահովման արտադրանքների սերիական համարներ և դրանք ստեղծելու ծրագրեր, մուտքանուններ, գաղտնաբառեր և այլ միջոցներ համացանցում վճարովի ռեսուրսների չարտոնված մուտք ստանալու համար, ինչպես նաև վերոնշյալ տեղեկատվության հղումներ տեղադրելու համար,

5.2.7. առանց թույլտվության հավաքագրել և պահել այլ անձանց անձնական տվյալները,

5.2.8. խաթարել Յանդեքսի կայքերի և ծառայությունների բնականոն աշխատանքը,

5.2.9. խթանել գործողությունները, որոնք ուղղված են Համաձայնագրով սահմանված սահմանափակումների և արգելքների խախտմանը,

5.2.10. վերարտադրել, կրկնել և պատճենել, վաճառել և վերավաճառել, ինչպես նաև որևէ առևտրային նպատակներով օգտագործել Յանդեքսի ծառայությունների որևէ մասը (ներառյալ բովանդակությունը, որը հասանելի է Օգտատիրոջը Յանդեքսի ծառայությունների միջոցով) կամ դրա մուտքը, բացառությամբ այն դեպքերի, երբ Օգտատերը նման թույլտվություն է ստացել Յանդեքսից կամ դա ուղղակիորեն նախատեսված է որևէ ծառայության օգտատիրական համաձայնագրով,

5.2.11. այլ կերպ խախտել օրենսդրության նորմերը, այդ թվում՝ միջազգային իրավունքի նորմերը։

6. Ծառայությունների բովանդակության նկատմամբ բացառիկ իրավունքները

6.1. Յանդեքսի ծառայությունների միջոցով հասանելի բոլոր նյութերը, ներառյալ դիզայնի տարրերը, տեքստը, գրաֆիկան, նկարազարդումները, տեսանյութերը, համակարգչային ծրագրերը, տվյալների շտեմարանները, երաժշտությունը, ձայները և այլ նյութեր (այսուհետ՝ Յանդեքսի ծառայությունների բովանդակություն), ինչպես նաև Յանդեքսի ծառայություններում տեղակայված ցանկացած բովանդակություն համարվում են Յանդեքսի, Օգտատերերի և հեղինակային իրավունքի այլ սեփականատերերի բացառիկ իրավունքները:

6.2. Բովանդակության, ինչպես նաև Յանդեքսի ծառայությունների որևէ այլ տարրերի օգտագործումը հնարավոր է միայն տվյալ ծառայության գործառույթների շրջանակներում: Յանդեքսի ծառայությունների բովանդակության ոչ մի տարր, ինչպես նաև Յանդեքսի ծառայություններում տեղակայված ցանկացած բովանդակություն չի կարող օգտագործվել որևէ այլ կերպ՝ առանց հեղինակային իրավունքի սեփականատիրոջ նախնական թույլտվության: «Օգտագործում» նշանակում է` վերարտադրում, պատճենում, մշակում, տարածում ցանկացած հիմքով, ցուցադրում շրջանակում և այլն: Բացառություն են այն դեպքերը, որոնք ուղղակիորեն նախատեսված են Ռուսաստանի Դաշնության օրենսդրությամբ կամ Յանեքսի տվյալ ծառայության օգտագործման պայմաններով:

Օգտատիրոջ կողմից Յանդեքսի ծառայությունների բովանդակության տարրերի, ինչպես նաև անձնական ոչ առևտրային օգտագործման ցանկացած բովանդակության օգտագործումը թույլատրվում է այն պայմանով, որ անփոփոխ պահպանվեն հեղինակային իրավունքի պաշտպանության բոլոր նշանները, հարակից իրավունքները, ապրանքային նշանները, հեղինակային այլ ծանուցումները, հեղինակի կամ հեղինակային իրավունքի սեփականատիրոջ անունը (կամ կեղծանունը): Բացառություն են այն դեպքերը, որոնք ուղղակիորեն նախատեսված են Ռուսաստանի Դաշնության օրենսդրությամբ կամ Յանդեքսի տվյալ ծառայության օգտատիրական համաձայնագրով:

7. Երրորդ անձանց կայքերը և բովանդակությունը

7.1. Յանդեքսի ծառայությունները կարող են պարունակել հղումներ դեպի համացանցի այլ կայքեր (երրորդ անձանց կայքեր): Յանդեքսը չի ստուգում այդ երրորդ անձանց և նրանց բովանդակության համապատասխանությունը որոշակի պահանջներին (հավաստիությունը, ամբողջականությունը, օրինականությունը և այլն): Յանդեքսը պատասխանատվություն չի կրում երրորդ անձանց կայքերում տեղադրված որևէ տեղեկատվության, կարծիքների, հայտարարությունների, գովազդի և այլ նյութերի համար, որոնք հասանելի են դառնում Օգտատիրոջը Յանդեքսի ծառայություններից, ինչպես նաև այդ կայքերի կամ բովանդակության հասանելիության և Օգտատիրոջ կողմից դրանց օգտագործման հետևանքների համար:

7.2. Կայքում տեղադրված որևէ կայքի, ապրանքի, ծառայության, առևտրային կամ ոչ առևտրային բնույթի որևէ տեղեկատվության հղումը (ցանկացած ձևով) չի հանդիսանում տվյալ ապրանքների (ծառայությունների, գործունեության) հաստատումը կամ առաջարկությունը Յանդեքսի կողմից, բացառությամբ Յանդեքսի ռեսուրսներում հստակ նշված դեպքերի:

8. Գովազդը Յանդեքսի ծառայություններում

8.1. Յանդեքսը պատասխանատվություն է կրում Յանդեքսի ծառայություններում իր տեղադրած գովազդների համար՝ Ռուսաստանի Դաշնության օրենսդրությամբ սահմանված դեպքերում:

9. Երաշխիքների բացակայությունը, պատասխանատվության սահմանափակումը

9.1. Օգտատերն օգտվում է Յանդեքսի ծառայություններից իր սեփական պատասխանատվությամբ: Յանդեքսի ծառայությունները մատուցվում են «ինչպես, որ կան»: Յանդեքսը պատասխանատվություն չի կրում նաև Օգտատիրոջ նպատակներին Յանդեքսի ծառայությունների համապատասխանության համար:

9.2. Յանդեքսը չի երաշխավորում, որ Յանդեքսի ծառայությունները համապատասխանում են կամ կհամապատասխանեն Օգտատիրոջ պահանջներին, Յանդեքսի ծառայությունները կմատուցվեն շարունակաբար, արագ, հուսալի և առանց սխալների, Յանդեքսի ծառայությունների միջոցով ստացած արդյունքները կլինեն ճշգրիտ, հուսալի և կարող են օգտագործվել որևէ նպատակով կամ որևէ կարգավիճակով (օրինակ՝ որևէ փաստ սահմանելու և (կամ) հաստատելու համար), Յանդեքսի ծառայությունների օգտագործման արդյունքում ստացված որևէ ապրանքի, ծառայության, տեղեկության և այլնի որակը կհամապատասխանի Օգտատիրոջ ակնկալիքներին:

9.3. Ցանկացած տեղեկություն և (կամ) նյութ (ներառյալ ներբեռնվող ծրագրակազմը, նամակները, գործողության որևէ հրահանգ ու ուղեցույց և այլն), որոնք հասանելի են դառնում Օգտատիրոջը Յանդեքսի ծառայություններից, Օգտատերը կարող է օգտագործել իր սեփական պատասխանատվությամբ և պատասխանատվություն է կրում նշված տեղեկության և (կամ) նյութերի օգտագործման հնարավոր հետևանքների համար, այդ թվում` Օգտատիրոջ կամ երրորդ անձանց համակարգչին պատճառված հնարավոր վնասի, տվյալների կորստի կամ որևէ այլ վնասի համար:

9.4. Յանդեքսը պատասխանատվություն չի կրում Օգտատիրոջ կողմից Յանդեքսի ծառայությունների կամ առանձին գործառույթների օգտագործման հետևանքով առաջացած որևէ տեսակի վնասների համար:

9.5. Ցանկացած պարագայում Յանդեքսի պատասխանատվությունը Ռուսաստանի Դաշնության Քաղաքացիական օրենսգրքի 15-րդ հոդվածի համաձայն սահմանափակվում է 10 000 (տասը հազար) ՌԴ ռուբլիով և վերագրվում է Յանդեքսին, եթե նրա գործողություններում որևէ թերություն կա:

10. Այլ դրույթներ

10.1. Սույն Համաձայնագիրը Օգտատիրոջ և Յանդեքսի միջև պայմանագիր է Յանդեքսի ծառայություններից օգտվելու ընթացակարգի վերաբերյալ և փոխարինում է Օգտատիրոջ և Յանդեքսի միջև նախկին բոլոր համաձայնագրերը:

10.2. Սույն Համաձայնագիրը կարգավորվում և մեկնաբանվում է Ռուսաստանի Դաշնության օրենսդրությանը համապատասխան: Սույն Համաձայնագրով չկարգավորված հարցերը լուծվում են Ռուսաստանի Դաշնության օրենսդրությանը համապատասխան: Սույն Համաձայնագրով կարգավորվող հարաբերություններից բխող բոլոր հնարավոր վեճերը լուծվում են Ռուսաստանի Դաշնության գործող օրենսդրությամբ սահմանված կարգով ՌԴ իրավական նորմերին համապատասխան: Սույն Համաձայնագրի ամբողջ տեքստում, եթե այլ բան ուղղակիորեն նշված չէ, «օրենսդրություն» տերմինը նշանակում է ինչպես Ռուսաստանի Դաշնության օրենսդրությունը, այնպես էլ Օգտատիրոջ բնակության վայրի օրենսդրությունը:

10.3. Ինչ վերաբերում է սույն Համաձայնագրով մատուցվող ծառայություններին և Յանդեքսի անվճար ծառայություններին, ապա Ռուսաստանի Դաշնության օրենսդրությամբ նախատեսված սպառողների իրավունքների պաշտպանության կանոնները չեն կարող կիրառվել Օգտատիրոջ և Յանդեքսի հարաբերությունների նկատմամբ:

10.4. Եթե ​​Յանդեքսի ծառայությունները նախատեսում են վճարովի բաժանորդագրություն ձևակերպելու հնարավորություն, ապա բաժանորդագրություն ձևակերպելու և բաժանորդագրության համար հետագայում վճարում կատարելու նպատակով Օգտատերը իր բանկային քարտը կցում է իր գրանցահաշվին (այսուհետ՝ «Կցված քարտ»): Սույն Համաձայնագրի նպատակների համար ցանկացած բանկային քարտ, որը կցված է Օգտատիրոջ գրանցահաշվին (այդ թվում՝ կցված է Յանդեքսի ծառայություններին բաժանորդագրվելիս, բաժանորդագրվելուց առաջ կամ հետո), համարվում է Կցված քարտ: Կցված քարտերի ավելացման և օգտագործման կարգը կարգավորվում է հետևյալ հասցեով հրապարակված պայմաններով` https://yandex.ru/legal/bank_card:

Երբ Օգտատերը անկանխիկ վճարում է կատարում երրորդ անձանց Յանդեքսի և դրա մասնաճյուղերի ծառայությունների և հավելվածների գործառույթների միջոցով` առանց Յանդեքսի ծառայությունների լիազորության և առանց բանկային քարտը կցելու Յանդեքսի ծառայություններում Օգտատիրոջ գրանցահաշվին, Յանդեքսը պահպանում է Օգտատիրոջ նշած տվյալները վճարման ձևում բացառապես վճարում կատարելու տեխնիկական նպատակներով՝ առանց որոշակի Օգտատիրոջ գրանցահաշվին կցված լինելու: Մուտքագրված տեղեկությունը պահպանվում և մշակվում է Գաղտնիության քաղաքականության մեջ նշված պայմաններով և նպատակներով (https://yandex.ru/legal/confidential_hy):

10.5. Համաձայնագրում ոչինչ չի կարող ընկալվել որպես Օգտատիրոջ և Յանդեքսի միջև գործակալական հարաբերությունների, գործընկերային հարաբերությունների, համատեղ գործունեության, անձնական աշխատանքային հարաբերությունների կամ այլ հարաբերությունների հաստատում, որոնք ուղղակիորեն նախատեսված չեն Համաձայնագրով:

10.6. Եթե ​​այս կամ այն ​​պատճառով սույն Համաձայնագրի մեկ կամ մի քանի դրույթներ ճանաչվում են անվավեր կամ կորցնում են իրավաբանական ուժը, դա չի ազդում Համաձայնագրի մնացած դրույթների վավերականության կամ կիրառելիության վրա:

10.7. Յանդեքսի անգործությունը Օգտատիրոջ կամ այլ օգտատերերի կողմից Համաձայնագրերի դրույթների խախտման դեպքում Յանդեքսին չի զրկում հետագայում իր շահերը պաշտպանելու համար համապատասխան գործողություններ ձեռնարկելու իրավունքից և չի նշանակում, որ Յանդեքսը հրաժարվում է իր իրավունքներից հետագայում համանման խախտումների դեպքում:

10.8. Սույն Համաձայնագիրը կազմված է ռուսերենով և որոշ դեպքերում կարող է տրամադրվել Օգտատիրոջը այլ լեզվով վերանայելու համար: Համաձայնագրի ռուսալեզու տարբերակի և Համաձայնագրի այլ լեզվով տարբերակի միջև անհամապատասխանության դեպքում կիրառվում են սույն Համաձայնագրի ռուսալեզու տարբերակի դրույթները:

Հրապարակման ամսաթիվը 19.10.2022

Փաստաթղթի նախորդ տարբերակը https://yandex.com/legal/rules/13102021.

Փաստաթղթի նախորդ տարբերակը https://yandex.com/legal/rules/22062020.

Փաստաթղթի նախորդ տարբերակը https://yandex.com/legal/rules/18072019.

Փաստաթղթի նախորդ տարբերակը chttps://yandex.com/legal/rules/18072019.

Փաստաթղթի նախորդ տարբերակը https://yandex.com/legal/rules/20022019.

Փաստաթղթի նախորդ տարբերակը https://yandex.com/legal/rules/28012019.

Փաստաթղթի նախորդ տարբերակը https://yandex.com/legal/rules/04062018.

Փաստաթղթի նախորդ տարբերակը https://yandex.com/legal/rules/16052017.

Փաստաթղթի նախորդ տարբերակը https://yandex.com/legal/rules/25112015.