Yandex Eats Ծառայության Պրոմոկոդերի օգտագործման պայմանները

Սա փաստաթղթի հին տարբերակն է, որը դադարել է գործել 26.06.2025 թ: Գործող տարբերակի տեղադրման հասցեն է՝ https://yandex.com/legal/promocode_eda:

1. ԸՆԴՀԱՆՈՒՐ ԴՐՈՒՅԹՆԵՐ

1.1. Yandex Eats Ծառայության Պրոմոկոդերի օգտագործման սույն Պայմաններում օգտագործում են հետևյալ տերմիններն ու սահմանումները.

1.1.1. Yandex Eats՝ «Յանդեքս Սնունդ ԷյԷմ» ՍՊԸ

1.1.2. Պրոմոկոդ՝ խորհրդանիշների որոշակի հաջորդականություն, որն ակտիվացնելու և դրա օգտագործման այլ պայմանները պահպանելու դեպքում Օգտատիրոջը տրվում է Զեղչ: Պրոմոկոդը կարելի է ներկայացնել Օգտատիրոջ ուշադրությանը՝ նշելով այն Կտրոնում կամ Կայքում, ինչպես նաև կարելի է ներկայացնել այլ եղանակներով:

1.1.3. Զեղչ՝ տրվում է Օգտատիրոջը Yandex Eats-ի սահմանած չափով Օգտատիրոջ պատվիրած Ապրանքի և Ապրանքը Օգտատիրոջը առաքելու համար և ներկայացվում է հաճախորդին Կտրոնի, Կայքի միջոցով կամ այլ եղանակով: Զեղչի նշված գումարը ներառում է ԱԱՀ-ն (կամ այլ հարկերը), եթե կիրառելի է:

1.1.4. Կտրոն՝ փաստաթուղթ (այդ թվում՝ թղթային քարտ կամ այլ թերթիկ, պաստառ կամ հրապարակային դիտման համար նախատեսված այլ միջոց, ցանկացած այլ գովազդային նյութ, տեղեկատվություն էլեկտրոնային ձևով), որը պարունակում է Պրոմոկոդը և Զեղչի տրամադրման պայմանները:

1.1.5. Կայք՝ էջ համացանցում, որը պարունակում է Պրոմոկոդը և Զեղչի տրամադրման պայմանները:

1.1.6. Yandex Eats Ծառայություն՝ Yandex Eats-ի և «ՅԱՆԴԵՔՍ» ՍՊԸ-ի կամ դրա մասնաճյուղերի բոլոր կայքերը (այդ թվում՝ համացանցում http://eats.yandex.comհասցեով տեղակայվածները), ԷՀՄ-ների համար նախատեսված ծրագրերը (այդ թվում՝ Yandex Eats Հավելվածը բջջային սարքերի համար, այլ ծրագրեր բջջային սարքերի համար), որոնք Yandex Eats Ծառայության Օգտատիրոջը հնարավորություն են տալիս իրականացնել Ապրանքի Պատվերը և Առաքումը Օգտատիրական համաձայնագրով նախատեսված պայմաններով:

1.1.7. Պայմաններ՝ Yandex Eats Ծառայության Պրոմոկոդերի օգտագործման սույն պայմանները, որոնք տեղադրված են համացանցում հետևյալ հասցեով՝ ՝https://yandex.com/legal/promocode_eda/?lang=hy.

1.1.8. Օգտատիրական համաձայնագիր՝ փաստաթուղթ, որը տեղադրված է համացանցում https://yandex.ru/legal/termsofuse_eda/?lang=hy հասցեով և առաջարկում է Օգտատիրոջը օգտվել Yandex Eats Ծառայությունից:

1.2. Սույն Պայմաններում օգտագործվող այլ տերմինները մեկնաբանվում են Օգտատիրական համաձայնագրին համապատասխան:

1.3. Սույն Պայմանները գործում են անժամկետ:

1.4. Օգտատերերը պարտավոր են կարդալ Պայմանները։ Ակտիվացնելով Պրոմոկոդը՝ Օգտատերը հաստատում է, որ ամբողջովին ծանոթացել է և համաձայն է սույն Պայմաններին:

1.5. Պրոմոկոդն իրավունք է տալիս ստանալ Կտրոնում, Կայքում նշված կամ Օգտատիրոջը այլ եղանակով ներկայացված Զեղչը Պրոմոկոդի օգտագործման պայմաններին հետևելու դեպքում, որոնք նշված են Կտրոնում, Կայքում, սույն Պայմաններում կամ ներկայացվել են Օգտատիրոջը այլ եղանակով։

2. ՊՐՈՄՈԿՈԴԵՐԻ ՕԳՏԱԳՈՐԾՄԱՆ ՊԱՅՄԱՆՆԵՐԸ

2.1. Պրոմոկոդը թույլ է տալիս Զեղչ ստանալ միայն անկանխիկ վճարման դեպքում (Օգտատիրական համաձայնագրի 5.1.3 կետ), այսինքն՝ Ապրանքի և Առաքման համար անկանխիկ վճարում կատարելով կից բանկային քարտի միջոցով:

Որպես Զեղչ ստանալու պայման՝ կարող է լինել սահմանափակում գովազդային ակցիային մասնակից քարտերը թողարկողի նկատմամբ։ Անկանխիկ վճարման նպատակով ընդունվում են միայն ֆիզիկական բանկային քարտեր։ Վճարման համար չեն ընդունվում կանխավճարային վիրտուալ բանկային քարտերը և այլ էլեկտրոնային քարտերը, ինչպես նաև վճարման այլ էլեկտրոնային միջոցներ:

2.2. Պրոմոկոդը կարող է տրամադրել Զեղչ հետևյալ պայմաններով.

2.2.1. Զեղչ Yandex Eats Ծառայության օգնությամբ կատարված միայն առաջին Պատվերի համար․ առաջին Պատվերը որոշվում է Yandex Eats Ծառայության Օգտատիրոջ կողմից նշված հեռախոսահամարով:

2.2.2. Զեղչ Yandex Eats Ծառայության օգնությամբ կատարված առաջին մի քանի Պատվերների համար (օրինակ՝ Yandex Eats Ծառայության օգնությամբ կատարված առաջին երեք Պատվերի համար)․ Զեղչը տրվում է առաջին Պատվերի համար, ինչպես սահմանված է սույն Պայմանների 2.2.1 կետում, ինչպես նաև որոշակի թվով հաջորդական Պատվերների համար՝ առաջին Պատվերը կատարելիս Պրոմոկոդը ակտիվացնելու դեպքում։

2.2.3. Զեղչ միայն այն դեպքում, եթե ընտրված են որոշակի պարամետրեր Yandex Eats Ծառայության միջոցով Ապրանք և Առաքում պատվիրելիս։

2.2.4. Զեղչ Yandex Eats Ծառայության միջոցով Ապրանք և Առաքում պատվիրելիս միայն որոշակի տարածքում (ներառյալ սահմանափակումները քաղաքների, երթուղու սկզբնակետի և (կամ) վերջնակետի առումով) և (կամ) որոշակի ժամկետում: Պրոմոկոդի գործողության ժամկետը լրանալուն պես այն անվավեր է դառնում: Եթե այդ տարածքը և (կամ) ժամկետը նշված չեն Կտրոնում, Կայքում և (կամ) այլ եղանակով չեն հաղորդվում Օգտատիրոջը, ապա տարածքը սահմանափակվում է այն քաղաքով և մարզով, որտեղ բաշխվում են Կտրոնները կամ Պրոմոկոդերը, իսկ ժամկետը համարվում է այն սահմանափակ ժամանակահատվածը, որի ընթացքում հանրության իրազեկությանը հասանելի է համապատասխան Կտրոնը կամ Պրոմոկոդը:

2.3. Մեկ Օգտատերը կարող է օգտագործել Պրոմոկոդը միայն մեկ անգամ, եթե այլ բան նախատեսված չէ Կտրոնում, Կայքում կամ Օգտատիրոջն այլ եղանակով ներկայացված տեղեկության մեջ:

2.4. Օգտատիրոջ պատվիրած Ապրանքի ու Առաքման արժեքի և Զեղչի գումարի տարբերությունը, ինչպես նաև բուն Զեղչի գումարը կանխիկ չեն վճարվում:

2.5. Զեղչը տրամադրվում է միայն Ապրանքը և Առաքումը գործընկերների (Ռեստորանների և Առաքիչների) մոտ պատվիրելու դեպքում, որոնք առաջարկում է Yandex Eats Ծառայությունը Պրոմոկոդն ակտիվացնելիս:

2.6. Պրոմոկոդը Զեղչ է տրամադրում միայն Yandex Eats Ծառայության միջոցով Պատվեր տեղադրելիս այն ակտիվացնելու և սույն Պայմանների 1.5, 2.2 կետերի կանոններին հետևելու դեպքում:

2.7. Զեղչը տրամադրվում է Ապրանքի արժեքի և Առաքման արժեքի վրա, եթե Առաքումը վճարովի է Օգտատիրոջ տեղադրած Պատվերի համար և իրականացվում է Առաքիչի կողմից: Ընդ որում Զեղչի անվանական արժեքը նախ տրամադրվում է Ապրանքի արժեքի վրա, իսկ Ապրանքի արժեքը գերազանցող մասը տրամադրվում է Առաքման արժեքի վրա: Օգտատերը պարտավոր է անկանխիկ միջոցով ինքնուրույն վճարել Ապրանքի և (կամ) Առաքման արժեքի այն մասը, որը չի ծածկվում Զեղչի անվանական արժեքով: Ծառայությունն իր հայեցողությամբ Զեղչ է տրամադրում Ապրանքի արժեքի և Առաքման արժեքի վրա այն դեպքում, երբ Օգտատիրոջ պարտվիրած Ապրանքի Առաքումը վճարովի է և իրականացվում է Ռեստորանի կողմից: Yandex Eats-ն իրեն իրավունք է վերապահում որոշել նշված Զեղչի տրամադրման պայմաններն ու կարգը:

3. ԱՅԼ ՊԱՅՄԱՆՆԵՐ

3.1. Պրոմոկոդերի անբարեխիղճ օգտագործումը և (կամ) օգտագործման չարաշահումը կանխարգելելու նպատակով Yandex Eats-ն իրեն իրավունք է վերապահում կիրառել սույն Պայմաններում ուղղակիորեն չնշված ստուգման եղանակները, այդ թվում՝ ստուգել, որ Օգտատերն իսկապես կատարում է առաջին Պատվերը Yandex Eats Ծառայության միջոցով և Օգտատերը Yandex Eats-ի կամ Yandex Eats-ի գործընկերոջ աշխատակիցը կամ ներկայացուցիչ չէ, ումից նա ստացել է Պրոմոկոդը, ինչպես նաև հրաժարվել Զեղչը տրամադրելուց համապատասխան չարաշահումների և (կամ) Պրոմոկոդի անբարեխիղճ օգտագործման դեպքում:

3.2. Պրոմոկոդի օգտագործումը կարող է հասանելի չլինել տեխնիկական պատճառներով, եթե Օգտատերը չի թարմացնում Yandex Eats բջջային հավելվածը վերջին հասանելի տարբերակով և (կամ) այլ պատճառներով: Պրոմոկոդի Զեղչը, որի պայմանը Պատվերի անկանխիկ վճարումն է, կարող է հասանելի չլինել տեխնիկական պատճառներով՝ վճարման եղանակը կանխիկով փոխարինելու և (կամ) հետո նորից անկանխիկ դարձնելու դեպքում։

3.3. Պրոմոկոդերի ակտիվացման կամ օգտագործման վերաբերյալ դիմումները դիտարկելիս Yandex Eats-ի աջակցման ծառայությունն իրավունք ունի պահանջել, և դիմող Օգտատերը պարտավոր է տրամադրել Պրոմոկոդը ստանալու փաստի հաստատում՝ Պրոմոկոդի քարտի նկարը, Պրոմոկոդով էջի սքրինշոթը և (կամ) այլ հաստատում՝ ըստ աջակցման ծառայության աշխատակցի պահանջի: Նման հաստատում չուղարկելու դեպքում Yandex Eats-ն իրեն իրավունք է վերապահում հրաժարվել Զեղչը տրամադրելուց:

3.4. Yandex Eats-ը պատասխանատվություն չի կրում պարտավորությունները չկատարելու կամ ոչ պատշաճ կատարելու, ինչպես նաև Օգտատերերի ցանկացած ուղղակի, անուղղակի, հատուկ կորուստների և վնասների համար, որոնք կապված են սույն Պայմանների համաձայն Պրոմոկոդեր տրամադրելու հետ, առաջանում են հեռահաղորդակցության և էլեկտրական ցանցերի խափանումներից, վնասակար ծրագրերի գործողություններից, երրորդ անձանց անբարեխիղճ գործողություններից՝ ուղղված ծրագրեր և սարքեր չարտոնված մուտք գործելուն և (կամ) փչացնելուն, ինչպես նաև այլ չնախատեսված ֆորսմաժորային հանգամանքներից: Yandex Eats-ը պարտավոր չէ փոխհատուցել Օգտատերերի վնասները նման դեպքերում:

3.5. Yandex Eats-ն իրավունք ունի հրաժարվել Օգտատիրոջը Զեղչ և Պրոմոկոդ տրամադրելուց, եթե նա իր մասին կեղծ տեղեկություններ է ներկայացրել կամ որևէ այլ կերպ խախտել է սույն Պայմանները:

3.6. Բոլոր դեպքերում, որոնք նախատեսված չեն սույն Պայմաններով, Yandex Eats-ը և Օգտատերը առաջնորդվում են Օգտատիրական համաձայնագրի պայմաններով:

Ինչպես ակտիվացնել Պրոմոկոդը

Պրոմոկոդը կարելի է օգտագործել միայն ակտիվացնելու դեպքում: Պրոմոկոդն ակտիվացնելու համար Դուք պետք է մուտքագրեք Պրոմոկոդը հատուկ դաշտում նախքան Yandex Eats Ծառայության միջոցով Պատվեր տեղադրելը և սեղմեք «Կիրառել» (կամ համանման կոճակ):

3.7. Սույն փաստաթղթի իմաստով , փաստաթղթի տեքստում յուրաքանչյուր անգամ «Yandex Eats» կիրառումը, այդ թվում նախատեսում է նաև «Menu.am Ծառայությունը» կիրառումը' https://yandex.com/legal/termsofuse_menu/?lang=hy հասցեով տեղադրված «Menu.am ծառայության Օգտատիրական համաձայնագրի» համաձայն:

Հրապարակման ամսաթիվը 31.10.2024

Փաստաթղթինախորդտարբերակը: https://yandex.com/legal/promocode_eda/06092022/?lang=hy