ԲՋՋԱՅԻՆ ՍԱՐՔԵՐՈՒՄ MENU.AM ԾՐԱԳՐԻ ՕԳՏԱԳՈՐԾՄԱՆ ԼԻՑԵՆԶԻՈՆ ՀԱՄԱՁԱՅՆԱԳԻՐ

Կարդացեք հետևյալ լիցենզիոն համաձայնագրի պայմանները նախքան ծրագիրն օգտագործելը:

Ծրագրի ցանկացած օգտագործումը Ձեր կողմից նշանակում է, որ Դուք ամբողջովին և անվերապահորեն ընդունում եք սույն լիցենզիոն համաձայնագրի պայմանները:

Եթե Դուք ամբողջովին չեք ընդունում լիցենզիոն համաձայնագրի պայմանները, ապա իրավունք չունեք օգտագործել ծրագիրը որևէ նպատակով:

1. Ընդհանուր դրույթներ

1.1. Սույն Լիցենզիոն համաձայնագիրը («Լիցենզիա») սահմանում է Menu.am ծրագրի օգտագործման պայմանները, տարբերակները Android-ի և iOS-ի համար (այսուհետ՝ վերոնշյալ ծրագրերից որևէ մեկը կոչվում է «Ծրագիր») և կնքվում է Ծրագիրն օգտագործող ցանկացած անձի («Օգտատեր») և «Ու.ՍՆՈՒՆԴ ԷՅԷՄ» ՍՊԸ-ի (ՀՀ, ք.Երևան, Մոսկովյան փողոց, շենք 35) (այսուհետ ' Կատարող) միջև, ով հանդիսանում է Ծրագրի բացառիկ հեղինակային իրավունքի սեփականատերը («Հեղինակային իրավունքի սեփականատեր»):

1.2. Ներբեռնելով և տեղադրելով Ծրագիրը իր բջջային սարքում կամ որևէ կերպ օգտագործելով Ծրագիրը՝ Օգտատերն ամբողջովին և անվերապահորեն ընդունում է Լիցենզիայի բոլոր պայմանները:

1.3. Թույլատրվում է օգտագործել Ծրագիրը միայն սույն Լիցենզիայի պայմաններով: Եթե Օգտատերն ամբողջովին չի ընդունում Լիցենզիայի պայմանները, ապա Օգտատերն իրավունք չունի օգտագործել Ծրագիրը որևէ նպատակով: Արգելվում է օգտագործել Ծրագիրը՝ խախտելով (չկատարելով) Լիցենզիայի դրույթներից որևէ մեկը:

1.4. Օգտատերը կարող է անվճար օգտագործել Ծրագիրը սույն Լիցենզիայի պայմաններով, անձնական ոչ առևտրային նպատակներով: Հնարավոր է օգտագործել Ծրագիրը սույն Լիցենզիայով չնախատեսված պայմաններով և եղանակներով միայն Հեղինակային իրավունքի սեփականատիրոջ հետ առանձին համաձայնագրով:

1.5. Օգտագործելով Ծրագիրը՝ Օգտատերը համաձայնում է, որ Կատարողի հետևյալ փաստաթղթերը սույն Լիցենզիայի անբաժանելի մասն են կազմում.

Հեղինակային իրավունքի սեփականատերը կարող է փոխել նշված փաստաթղթերը (ինչպես նաև դրանց որևէ մասը) առանց հատուկ ծանուցման։ Փաստաթղթերի նոր խմբագրությունն ուժի մեջ է մտնում հրապարակման պահից, եթե այլ բան նախատեսված չէ հենց խմբագրի կողմից:

1.6. Սույն Լիցենզիան և Ծրագրի օգտագործման հետ կապված բոլոր հարաբերությունները ենթակա են ՀՀ օրենսդրությանը, և ցանկացած պահանջ կամ հայց, որը բխում է սույն Լիցենզիայից կամ Ծրագրի օգտագործումից, պետք է ներկայացվի և քննարկվի Հեղինակային իրավունքի սեփականատիրոջ գտնվելու վայրի դատարանում:

1.7. Հեղինակային իրավունքի սեփականատերը կարող է տրամադրել Օգտատիրոջը սույն Լիցենզիայի թարգմանությունը ռուսերենից այլ լեզուներ, սակայն Լիցենզիայի պայմանների ռուսերեն լեզվով տարբերակի և դրա թարգմանության միջև հակասության դեպքում իրավականորեն պարտավորեցնող է հանդիսանում բացառապես ռուսալեզու տարբերակը:

2. Ծրագրի հեղինակային իրավունքները

2.1. Ծրագրի բացառիկ իրավունքը պատկանում է Հեղինակային իրավունքի սեփականատիրոջը:

3. Լիցենզիա

3.1. Բացառությամբ 5.2.2 կետով սահմանված դեպքի, Իրավատերը պարզ (ոչ բացառիկ) լիցենզիայի պայմաններով տրամադրում է Օգտատիրոջը Ծրագիրն օգտագործելու չփոխանցվող իրավունք՝ աշխարհի բոլոր երկրներում հետևյալ կերպ օգտագործելու համար.

3.1.1. Օգտագործել Ծրագիրը նախատեսված գործառութային նպատակով՝ ներբեռնելով և տեղադրելով (վերարտադրելով) այն Օգտատիրոջ բջջային սարք(եր)ում: Օգտատերն իրավունք ունի տեղադրել Ծրագիրը անսահմանափակ թվով բջջային սարքերում: Բջջային սարքում տեղադրելիս Ծրագրի յուրաքանչյուր ներբեռնված օրինակին հատկացվում է անհատական համար, որն ավտոմատ կերպով հաղորդվում է Հեղինակային իրավունքի սեփականատիրոջը:

3.1.2. Վերարտադրել և տարածել Ծրագիրը ոչ առևտրային նպատակներով (անվճար):

3.2. Իրավատիրոջ կողմից Օգտատիրոջը վճարովի կերպով տրվում է Ծրագիրն օգտագործելու իրավունք՝ համաձայն 5.2.2 կետի՝ պարզ (ոչ բացառիկ) լիցենզիայի պայմաններով: Ծրագրի լիցենզավորված օգտագործման համար վճարի գանձման չափը և կարգը սահմանվում է Menu.am ծառայության Օգտատիրոջ համաձայնագրում, որը տեղադրված է հետևյալ էջում https://yandex.com/legal/termsofuse_menu/?lang=hy, որը հանդիսանում է Լիցենզիայի անբաժանելի մասը:

4. Սահմանափակումներ

4.1. Բացառությամբ սույն Լիցենզիայով կամ ՀՀ օրենսդրությամբ ուղղակիորեն նախատեսված ծավալներով և եղանակներով օգտագործման, Օգտատերն իրավունք չունի փոփոխել, ապակոմպիլյացիայի ենթարկել, ապամոնտաժել, վերծանել և այլ գործողություններ կատարել Ծրագրի ծածկագրով, որոնք ուղղված են Ծրագրում օգտագործվող ալգորիթմների իրականացման մասին տեղեկություն ստանալուն, Ծրագրով ստեղծել ածանցյալ աշխատանքներ, ինչպես նաև օգտագործել (թույլատրել օգտագործել) Ծրագիրը այլ եղանակով առանց Հեղինակային իրավունքի սեփականատիրոջ գրավոր համաձայնության:

4.2. Օգտատերն իրավունք չունի վերարտադրել և տարածել Ծրագիրը առևտրային նպատակներով (այդ թվում՝ վճարի դիմաց), այդ թվում՝ որպես ծրագրերի հավաքածուների մաս, առանց Հեղինակային իրավունքի սեփականատիրոջ գրավոր համաձայնության:

4.3. Օգտատերն իրավունք չունի տարածել Ծրագիրը իր ստացածից տարբերվող տեսքով առանց Հեղինակային իրավունքի սեփականատիրոջ գրավոր համաձայնության:

4.4. Պետք է օգտագործել (ինչպես նաև տարածել) Ծրագիրը «Menu.am» անվան տակ։ Օգտատերն իրավունք չունի փոխել Ծրագրի անվանումը, փոխել և (կամ) հեռացնել հեղինակային իրավունքի նշանը (copyright notice) կամ Հեղինակային իրավունքի սեփականատիրոջ այլ նշում:

5. Ծրագրի անհատական գործառույթների օգտագործման պայմանները

5.1. Ծրագրի որոշ գործառույթներ հնարավոր է կատարել միայն այն դեպքում, եթե Դուք մուտք ունեք համացանց: Օգտատերն ինքնուրույն ստանում և վճարում է այդ մուտքը իր հեռահաղորդակցության օպերատորի կամ համացանցային կապի մատակարարի պայմաններով և դրույքաչափերով:

5.2. Ծրագիրը հնարավորություն է տալիս Օգտատիրոջը ծանոթանալ Menu.am ծառայության մասին տեղեկություններին, Menu.am ծառայությունում Օգտատիրոջ գրանցման պայմաններին, ինչպես նաև հնարավորություն է տալիս օգտվել Menu.am ծառայությունից այնքանով, որքանով Օգտատերը Ծրագիրն օգտագործելու իրավունք ունի տվյալ պահին Menu.am ծառայությունում, այդ թվում նաև՝ Menu.am ծառայությունում անհրաժեշտ մուտքի իրավունքի առկայության դեպքում Menu.am ծառայության միջոցով սնունդ պատվիրելու հնարավորություն, ինչպես նաև կատարել Menu.am ծառայության Օգտատիրոջ համաձայնագրով նախատեսված այլ գործողություններ:

5.2.1. ծանոթանալ Menu.am ծառայությունում տեղադրված ռեստորանների, խանութների և առաքումների նյութերին և առաջարկներին:

5.2.2. կատարել պատվեր Menu.am ծառայության միջոցով:

5.2.3. կատարել Menu.am ծառայության Օգտատիրոջ համաձայնագրով նախատեսված այլ գործողություններ:

5.3. Օգտատերը Հեղինակային իրավունքի սեփականատիրոջը համաձայնություն է տալիս, որ Հեղինակային իրավունքի սեփականատերը օգտագործի Օգտատիրոջ անձնական տեղեկությունը (ներառյալ անձնական տվյալները), փոխանցի Օգտատիրոջ անձնական տվյալները Հեղինակային իրավունքի սեփականատիրոջ գործընկերներին, օգտագործի անձնական տվյալները՝ Menu.am ծառայության շրջանակներում Օգտատիրոջը ծառայություններ մատուցելու համար: Երբ Օգտատերն օգտվում է Ծրագրից, Օգտատիրոջ անձնական տվյալները փոխանցվում են Հեղինակային իրավունքի սեփականատիրոջը ՝ օգտագործվելու Հեղինակային իրավունքի սեփականատիրոջ Գաղտնիության քաղաքականության մեջ սահմանված պայմաններով և նպատակներով, որոնք հասանելի են հետևյալ հասցեով՝ https://yandexgo.com/legal/menu_am_privacy_notice/

5.4. Ծրագիրը հնարավորություն է տալիս Օգտատիրոջը ծանոթանալ Menu.am ծառայության մասին տեղեկությանը, Menu.am ծառայությունում Օգտատիրոջ գրանցման պայմաններին, ինչպես նաև հնարավորություն է տալիս օգտվել Menu.am ծառայությունից այնքանով, որքանով համապատասխանում է Օգտատիրոջ՝ մուտքի թույլտվության մակարդակը Menu.am ծառայությունում Ծրագիրն օգտագործելու պահին, Menu.am ծառայության մուտքի թույլտվության անհրաժեշտ մակարդակի առկայության դեպքում հնարավորություն է տալիս սնունդ պատվիրել Menu.am ծառայության միջոցով, ինչպես նաև կատարել Menu.am ծառայության Օգտատիրական համաձայնագրով նախատեսված այլ գործողություններ:

5.5. Օգտատերը սույնով ծանուցվում է և համաձայնում է, որ Ծրագիրը Հեղինակային իրավունքի սեփականատիրոջը փոխանցում է Օգտատիրոջ՝ GPS սարքից ստացված ճշգրիտ գտնվելու վայրի, շարժման պարամետրերի և (կամ) Օգտատիրոջ մոտավոր գտնվելու վայրի մասին տվյալները, որոնք որոշվում են Օգտատիրոջ հեռահաղորդակցության օպերատորի ակտիվ բջիջով, որի SIM քարտը տվյալ պահին օգտագործվում է Օգտատիրոջ բջջային սարքում:

6. Պատասխանատվությունը Լիցենզիայի համաձայն

6.1. Ծրագիրը տրամադրվում է «ինչպես կա» (as is) սկզբունքով։ Հեղինակային իրավունքի սեփականատերը որևէ երաշխիք չի տալիս Ծրագրի կամ դրա առանձին բաղադրիչների և (կամ) գործառույթների անսխալ և անխափան աշխատանքի համար, չի երաշխավորում, որ Ծրագիրը համապատասխանում է Օգտատիրոջ հատուկ նպատակներին և ակնկալիքներին, և չի տրամադրում որևէ այլ երաշխիք, որն ուղղակիորեն նշված չէ սույն Լիցենզիայում:

6.2. Հեղինակային իրավունքի սեփականատերը պատասխանատվություն չի կրում Ծրագիրը օգտագործելու կամ օգտագործել չկարողանալու որևէ ուղղակի կամ անուղղակի հետևանքների և (կամ) Ծրագիրը կամ դրա առանձին բաղադրիչները և (կամ) գործառույթները օգտագործելու, չօգտագործելու կամ օգտագործել չկարողանալու հետևանքով, ինչպես նաև Ծրագրի շահագործման ընթացքում հնարավոր սխալների կամ խափանումների պատճառով Օգտատիրոջը և (կամ) երրորդ անձանց պատճառված վնասի համար, բացառությամբ այն դեպքերի, որոնք ուղղակիորեն նախատեսված են օրենքով:

6.3. Ծրագիրն օգտագործելու կամ չօգտագործելու, ինչպես նաև Ծրագրի կողմից օրենսդրությունը և (կամ) երրորդ անձանց իրավունքները խախտելու հետ կապված բոլոր հնարավոր հարցերն ու պահանջները պետք է ուղարկել հետևյալ հասցեով՝ love@eats.yandex.com։

7. Ծրագրի թարմացումները կամ նոր տարբերակները

7.1. Սույն Լիցենզիան վերաբերում է Ծրագրի բոլոր հետագա թարմացումներին կամ նոր տարբերակներին: Համաձայնելով տեղադրել Ծրագրի թարմացումը կամ նոր տարբերակը՝ Օգտատերն ընդունում է սույն Լիցենզիայի պայմանները Ծրագրի համապատասխան թարմացումների կամ նոր տարբերակների համար, եթե Ծրագրի թարմացումը կամ նոր տարբերակի տեղադրումը չի ուղեկցվում այլ լիցենզիոն համաձայնագրով։

8. Սույն Լիցենզիայի պայմանների փոփոխությունները

8.1. Հեղինակային իրավունքի սեփականատերը կարող է միակողմանիորեն փոփոխել սույն լիցենզիոն համաձայնագիրը։ Սույն Լիցենզիայի պայմաններում կատարված փոփոխությունների մասին ծանուցումը հրապարակվում է հետևյալ էջում՝ https://yandex.com/legal/license_menu/?lang=hy:Լիցենզիոն համաձայնագրի պայմանների նշված փոփոխություններն ուժի մեջ են մտնում դրանց հրապարակման օրվանից, եթե այլ բան նախատեսված չէ համապատասխան հրապարակման մեջ:

Հրապարակման ամսաթիվը՝ 31.10.2024 թ.

Սույն փաստաթղթի ուժի մեջ մտնելու ամսաթիվը՝ 31.10.2024 թ.

Փաստաթղթի նախորդ տարբերակը https://yandex.com/legal/license_menu/31102024/.