Վճարում բանկային քարտով

Նշում: Որոշ տարածաշրջանների համար դեռ հասանելի չէ բանկային քարտով վճարման եղանակը:

Ուղևորությունների համար հնարավոր է վճարել ոչ միայն կանխիկ, այլև բանկային քարտով: Քարտով վճարումը հասանելի է iOS (8.0 կամ ավելի բարձր տարբերակ) և Android (4.0 կամ ավելի բարձր տարբերակ) համակարգերի հավելվածի միջոցով պատվիրելիս: Խորհուրդ ենք տալիս հավելվածը տեղադրել օպերացիոն համակարգի վերջին տարբերակով աշխատող սարքում:

Ուղևորությունների համար անկանխիկ եղանակով վճարելու նպատակով կարող եք հավելվածին կապել մինչև 5 բանկային քարտ:

  1. Բացեք հավելվածի ընտրացանկը  → Վճարման եղանակը և սեղմեք Գրանցել քարտը (կամ Ավելացնել քարտ):
  2. Նշեք քարտի համարը, գործողության ժամկետը և CVV կոդը։ Քարտի համարը կարող եք մուտքագրել ձեռքով կամ սկանավորել սմարթֆոնի տեսախցիկով: Դրա համար սեղմեք նշանը:
  3. Եվս մեկ անգամ սեղմեք Գրանցել քարտը (կամ Ավելացնել քարտ) կոճակը:

Քարտի տեսակից, թողարկող բանկից և այլ պայմաններից կախված՝ քարտի ստուգումն իրականացվում է հետևյալ եղանակներով՝
  • Հնարավոր է, որ քարտի հաշվին սառեցվի աննշան գումար: Սառեցված միջոցները դուրս չեն գրվում և նորից հասանելի են լինում ստուգումն ավարտելուց հետո:
  • Հնարավոր է, որ Ձեզ առաջարկվի հավելվածում մուտքագրել քարտի վրա սառեցված գումարը: Գումարի չափը կարող եք իմանալ SMS հաղորդագրությունից (եթե Ձեզ մոտ միացված են բանկից SMS-իրազեկումները) կամ հաշվի քաղվածքից՝ կայքում կամ բանկի հավելվածում:
  • Հնարավոր է, որ Դուք ստանաք թողարկող բանկի կայքում քարտի 3-D Secure վավերացում անցնելու հարցում: Հաստատման եղանակը կախված է Ձեր բանկից: Ստուգումից հետո Դուք կվերադառնաք հավելված:

Գումարի ռեզերվացում և դուրսգրում

Ուղևորության ավարտից հետո քարտային հաշվի վրա կատարվում է ռեզերվացում պատվերի վերջնական արժեքի չափով: Որոշ դեպքերում ռեզերվացումը կատարվում է մաս-մաս ուղևորության ընթացքում:

Գումարի դուրսգրումը կատարվում է միջոցների սառեցումից հետո 24 ժամվա ընթացքում: Եթե սառեցված գումարն ամբողջությամբ դուրս չի գրվում, մնացորդը վերադարձվում է հաշվին: Դուրս չգրված միջոցների արգելաբացման ժամկետը կախված է Ձեր բանկի աշխատանքի պայմաններից:

Եթե քարտի վրա վճարման համար բավականաչափ գումար չկա, ապա ուղևորության արժեքը դուրս կգրվի ինքնաշխատորեն՝ քարտի հաշվեկշիռը համալրելուց հետո: Դուրսգրումը կարող է իրականացվել միանգամից կամ մաս-մաս՝ մեկ տարվա ընթացքում, սկսած այն պահից, երբ չհաջողվեց պահել ուղևորության ամբողջ գումարը:

Վճարման եղանակի փոփոխում

Եթե ուղևորության ընթացքում չհաջողվի գումարը պահել Ձեր քարտից, ապա վճարման եղանակն ավտոմատ կերպով կփոխվի կանխիկի: Վճարման եղանակը փոխելու մասին տեղեկությունները կուղարկվեն Push-ծանուցման մեջ: Նախապես համոզվեք, որ հեռախոսի կարգավորումներում Push-ծանուցումները թույլատրված են:

Ուղևորության ավարտից հետո Դուք կարող եք կրկին փորձել վճարումը կատարել բանկային քարտի միջոցով: