Qazaxıstanda səfərlərin sığortası

Səfərlərin sığortası necə işləyir?

Sürücülər və sərnişinlər üçün sığorta taksi sürücüsü sərnişinlə səfəri başlayan kimi (Yolda düyməsinə basır) başlayır və səfər başa çatdıqda bitir (sürücü Bitirmək düyməsinə basır).

Bütün sərnişin və sürücülər yol-nəqliyyat hadisəsindən sığorta olunur. Sığortalanmış sərnişinlərin sayı avtomobildə yer sayını keçə bilməz.

Sığortaya nə daxildir?

Sağlamlıq və həyat sığorta olunub. Yol-nəqliyyat hadisəsi zamanı zərər çəkmiş hər bir sərnişin və ya sürücü üçün kompensasiya nəzərdə tutulur:

  • travma zamanı: ağırlıq dərəcəsindən asılı olaraq 2 500 000 təngəyə kimi*;
  • əlillik zamanı: əlillik qrupundan asılı olaraq, 2 000 000 təngəyə kimi*;
  • ölüm zamanı: 2 500 000 təngə, kompensasiyanı vərəsələr alır.

* Sığorta ödənişlərinin həcmi.

Bir sığorta hadisəsi üzrə bütün sığorta ödənişlərinin məbləği bir sığorta olunan şəxs üçün 2 500 000 təngədən çox ola bilməz.

Bu neçəyədir?

Sərnişin və sürücülər üçün pulsuzdur.

Səfərləri kim sığorta edir?

Biz bir neçə iri sığorta şirkətləri ilə əməkdaşlıq edirik. Hansı şirkətin səfərinizi sığorta etdiyini bilmək üçün bizə yazın.

Sığortanı necə qoşmaq olar?

Əlavə heç nəyi qoşmağınıza ehtiyac yoxdur. Sığorta artıq Qazaxıstanda bütün Uber səfərlərinə qoşulub.

Hansı halda kompensasiya ödənilir?

Əgər Uber vasitəsilə sifariş edilmiş səfər zamanı istifadəçi yol-nəqliyyat hadisəsi (YNH) ilə üzləşərsə və travma alarsa, onun kompensasiya tələb etmək hüququ vardır. Sifarişi kimin etməsi vacib deyil - səfərlər zamanı taksidə olan hər kəs sığortalanır. Sığortalanmış sərnişinlərin sayı avtomobildə yer sayını keçə bilməz.

Yol-nəqliyyat hadisəsi baş verən yerdə nə etmək lazımdır?

  1. 112 nömrəsinə zəng edin və nə baş verdiyini bildirin.
  2. Yol polisi əməkdaşlarının və təcili yardımın gəlməsini gözləyin.
  3. Yol polisi müfəttişindən yol-nəqliyyat hadisəsinin yeri və təhqiqat vaxtını öyrənin.
  4. Müfəttişdən zərərçəkmiş kimi göstəriləcəyiniz YNH haqqında sənədi alın.

Mən yol polisini gözləmədən qəza yerindən uzaqlaşa bilərəmmi?

Biz sığorta kompensasiyasını almaq üçün vacib olan sənədləri əldə etmək məqsədilə yol polisini gözləməyinizi tövsiyə edirik.

Əgər siz ağır xəsarət aldınızsa və hadisə yerini təcili yardımla tərk etdinizsə, onda tibb müəssisəsinin əməkdaşları sizi qəza yerindən götürməkləri ilə bağlı yol polisinə məlumat verməlidirlər. Bu məlumat işə əlavə olunacaq və siz yol polisinin protokolunda zərərçəkmiş qismində göstəriləcəksiniz. Protokol həmişə hadisənin təhqiqatı nəticələri əsasında tərtib olunur. Təhqiqat əsasında sığortaçı kompensasiya ödəyə bilər.

Ödənişi necə almaq olar?

  1. Zədələnmə ilə bağlı arayış almaq üçün zədələnmə məntəqəsi və ya poliklinikaya müraciət edin.
  2. Yol polisi şöbəsində YNH təhqiqatında iştirak edin. Başa çatdıqdan sonra inzibati qanun pozuntusu haqqında işlə bağlı rəsmi qərar əldə edin.
  3. Bizə yazın — biz səfərinizi sığorta edən şirkəti müəyyən edəcək və ona sizin əlaqə nömrələrinizi göndərəcəyik.
  4. Sığorta şirkətinin işçiləri sizinlə əlaqə saxlayacaq və kompensasiyanı əldə etməyiniz üçün sizə sənədlərin dəqiq siyahısını verəcəklər.
  5. Sənədləri aldıqdan sonra iki həftə ərzində sığorta şirkəti sizin sığorta hadisənizlə bağlı qərar qəbul edəcək və pulları bank hesabınıza köçürəcəkdir.

Ödənişi almaq üçün hansı sənədlər lazımdır?

Sığorta şirkəti sizə sənədlərin dəqiq siyahısını verəcəkdir.

Əksər hallarda ödənişi almaq üçün sizə dəqiq aşağıdakılar lazım olacaqdır:

  • şəxsiyyət vəsiqəsinin surəti;
  • sığorta təzminatının ödənilməsi ilə bağlı ərizə;
  • xəstəlik tarixçəsi və ya tibbi kartdan çıxarış;
  • sizin zərərçəkmiş kimi göstərildiyiniz YNH ilə bağlı sənəd.

Sığorta şirkəti əlavə sənədlər tələb edə bilərmi?

Bəzi hallarda sığorta şirkəti sizdən aşağıdakıları xahiş edə bilər:

  • hadisə şəraitini dəqiqləşdirən əlavə sənədlərin təqdim edilməsi;
  • öz ofisinizə və ya kuryer vasitəsilə lazımi sənədlərin orijinallarının ötürülməsi;
  • zədə ölçüsü və vəziyyətini təsdiqləmək üçün əlavə tibbi müayinədən keçmək.

Əgər başqa bir adam üçün taksi sifariş etdimsə və o qəzaya düşdüsə, bu zaman nə baş verəcək?

Onun kompensasiya almaq hüququ vardır. Sığorta Uber istifadəçisinin sifarişini yerinə yetirən, avtomobildə olan bütün sərnişinlərə aid edilir. Sığortalanmış sərnişinlərin sayı avtomobildə yer sayını keçə bilməz.

Mən taksi sürücüsüyəm və ola bilər ki, qəza mənim günahım ucbatından baş verib. Mən təzminat alacam?

Bəli. Ödənişlərin həcmini sığorta şirkəti müəyyən edir. Bir sıra hallarda istisnalar ola bilər. Aşağıda onlar haqqında ətraflı məlumat verilib.

Hansı hallarda sürücü təzminat almayacaq?

Sürücü kobud şəkildə Yol hərəkəti qaydalarını pozmuşsa (məsələn: qırmızı işıqda keçibsə, qarşı zolağa keçibsə, YNH yerindən qaçıbsa), sığorta ödənişini ala bilməyəcəkdir. Sığorta kompensasiyası ilə bağlı istisnalar haqqında əlavə məlumat almaq üçün aşağıdakı formanı doldurub bizə göndərə bilərsiniz.

Qeyd. Bu, xatırladıcı açıq təklif deyil. Əgər sığorta proqramı ilə bağlı suallarınız varsa, Uber dəstək xidmətinə müraciət edin.

Dəstək xidmətinə zəng etmək