Сапар құнын есептеу жолы

Қолданыстағы бағалар туралы ақпарат тарифтері бар бетте қолжетімді.

Тапсырысты сайт арқылы және iOS (3.50 не одан кейінгі нұсқалары) пен Android (3.15 не одан кейінгі нұсқалары) операциялық жүйелеріне арналған қолданба арқылы рәсімдеген кезде сапардың бекітілген құны есептеледі. Мобильді операциялық жүйелердің басқа нұсқаларына арналған қолданбада болжалды құны көрсетіледі.

Есептеу кезінде таңдалған тариф, сапарға қойылатын қалаулар, баратын орынға дейінгі арақашықтық, жол жүруге кететін уақыт, кептелістер туралы деректер, сонымен қатар, ауа райы жағдайлары да ескеріледі.

Бекітілген құн, тіпті жолда жаңа кептелістер пайда болғанда да немесе жүргізушіге құрастырылған бағыттан басқа жаққа бұрылуға тура келген жағдайда да көбеймейді. Қайта есептеу, тек сіз тегін күту уақытынан асырып жіберген кезіңізде, соңғы нүктені өзгерткенде немесе жүргізушіден жол бойында тоқтауын өтінген жағдайда ғана орындалуы мүмкін.

Ескертпе. Кейбір аймақтарда бекітілген құн қолданылмайды. Оның орнына болжалды құн есептеледі. Егер тапсырыста сапардың соңғы нүктесі таңдалмаған болса, онда экранда таңдалған тариф бойынша көлік беру құны пайда болады. Қорытынды құны сапар аяқталғаннан кейін есептеледі.