Reyting va sharhlarni qayerda koʻrish mumkin
Biz restoranlar reytingini hisoblash jarayonini oʻzgartirdik. Endi bu foydalanuvchi uchun yanada obyektiv va tushunarli, restoranlar uchun ularning ish sifatini nazorat qilishda yanada qulayroq boʻldi.
Nima oʻzgardi
Eng muhimi:
- Endi restoran reytingida nafaqat buyurtmalar uchun foydalanuvchi baholari, balki restoran tomonida bekor qilingan buyurtmalar foizi ham hisobga olinadi. Buyurtmalarni qancha kam bekor qilsangiz, reytingingiz shunchalik yuqori boʻladi – bu buyurtma olish imkoniyatini oshiradi.
- Foydalanuvchi buyurtma uchun bergan baho qanchalik yangi boʻlsa, reytingni hisoblashda shunchalik muhim boʻladi. Eski baholar hisobga olinadi – lekin ularning vazni kamroq.
- Xizmatga ulanishda restoranlarga xizmat tomonidan 10 ta hadya bahosi taqdim etiladi – ular reytingda hisobga olinadi, lekin shaxsiy kabinetda koʻrsatilmaydi. Bu yangi restoranlarga ishning dastlabki bosqichida salbiy baho olganida munosib reytingni saqlab qolish imkonini beradi.
- Restoran reytingini koʻrsatish uchun hadya baholaridan tashqari foydalanuvchilarning 10 ta bahosi kifoya qiladi. Bu yangi restoranlar tezroq reytingga ega boʻla olishini anglatadi.
- Biz barcha sharhlarni tekshiramiz va shubhali yoki adolatsiz baholarni olib tashlaymiz.
Sizning koʻrsatkichlaringiz boʻyicha mutaxassis maslahatini olish uchun shaxsiy kabinetga kiring → Yordam boʻlimi → Hamkorlik va tanituv → Koʻrsatkichlar boʻyicha maslahat. Agar baholar yoki bekor qilishlar restoran sifatiga bogʻliq emas deb hisoblasangiz, shaxsiy kabinet → Yordam bo‘limi → Buyurtma boʻyicha savol → Bahoni yoki bekor qilishni oʻchirish orqali uni reyting hisobidan olib tashlash so‘rovini qoldiring.
Reytingni qanday kuzatish mumkin
Restoranlar boʻlimida ishingiz sifatini kuzatishingiz mumkin. Yashil strelka – oxirgi paytda reyting oshganini, qizil strelka – tushib ketganini bildiradi.
Biron restoran ustiga bossangiz, uning reyting sahifasi ochiladi. U bir qancha bloklardan iborat:
Restoran reytingi
-
Bu yerda restoranning joriy reytingi va kun davomida qanday oʻzgarganini koʻrish mumkin. Quyida restoranning yakuniy reytingiga taʼsir qiluvchi ikkita koʻrsatkichning taqqoslanishi keltirilgan:
- Foydalanuvchilar bahosi – buyurtmalar boʻyicha oxirgi 200 ta bahoga asoslangan oʻrtacha koʻrsatkichdir: yangi baholar reytingga kuchliroq taʼsir qiladi;
- Bekor qilishlar reytingi – bu besh ballik shkalaga oʻgirilgan restoran tomonidan bekor qilingan buyurtmalar foizi: buyurtmalarni qancha kam bekor qilsangiz, reyting shunchalik yuqori boʻladi.
Reyting dinamikasi
- Bu grafik reytingingiz joriy va oʻtgan haftada qanday oʻzgarganini koʻrsatadi.
Foydalanuvchilar bahosi
- Bu grafik oxirgi 200 ta foydalanuvchi baholarini koʻrsatadi – har bir nominal uchun baholar sonini koʻrish mumkin. Oʻng tarafdagi reytinglar eng yangi.
Reyting qanday oshiriladi
-
Bu yerda foydalanuvchilar restoraningizdan buyurtma berish paytida salbiy baho qoʻyganda yozgan eng asosiy shikoyatlari va reytingni yaxshilash va foydalanuvchilarning salbiy sharhlaridan qochish boʻyicha maslahatlar koʻrsatilgan.
Restoranga sharhlarni koʻrish uchun Sharhlarni koʻrishni bosing.
Bekor qilishlar reytingi
- Bu grafik joriy bekor qilish reytingi va restoran tomonidagi bekor qilingan buyurtmalar dinamikasini koʻrsatadi.
Bekor qilishlar sonini qanday kamaytirish mumkin
-
Oʻng tarafda bekor qilingan buyurtmalarning eng keng tarqalgan sababi va muammoli buyurtmalar sonini kamaytirish boʻyicha tavsiyalar keltirilgan.
Restoran tomonidan bekor qilingan barcha buyurtmalarni va tafsilotlarini koʻrish uchun Bekor qilish tarixini bosing.
Restoranga sharhlar
Mulohazalar boʻlimida foydalanuvchilar restoraningiz orqa buyurtmalar haqida qoldirgan oxirgi 200 ta bahoni koʻrishingiz mumkin.
Mulohaza reytingda hisoblandi belgisi ushbu buyurtma boʻyicha reyting restoranning joriy reytingida hisobga olinganini anglatadi. Agar bunday belgi boʻlmasa, bu reytingga taʼsir qilmaydi.
Har bir sharh reytingda oʻz vazniga ega: yangi reytinglar restoranning yakuniy reytingiga koʻproq taʼsir qiladi.
Savol-javoblar
Reytingni hisoblashning yangi tizimi bilan tanishishda yuzaga kelgan eng keng tarqalgan savollarga javob beramiz:
Buyurtmalar uchun foydalanuvchi baholarini qayerda koʻrish mumkin?
Buni Mulohazalar boʻlimida koʻrish mumkin.
Nima uchun restoran reytingi oʻzgaradi?
Restoran reytingiga ikkita koʻrsatkich taʼsir qiladi – buyurtmalar uchun oxirgi 200 ta baho va restoran tomonidan bekor qilingan buyurtmalar soni. Foydalanuvchilar restoran buyurtmalarini qanchalik yaxshi baholasa va buyurtmalarni qancha kam bekor qilsangiz, reytingingiz shunchalik yuqori boʻladi. Buyurtmaga baho qancha yangi boʻlsa, bu reytingga shunchalik taʼsir qiladi.
Restoran tomonidan bekor qilinmagan buyurtmalar reytingga taʼsir qiladimi?
Yoʻq. Foydalanuvchi, kuryer yoki xizmat tomonidan bekor qilingan buyurtmalar reytingga taʼsir qilmaydi.
Buyurtmani yetkazish bilan bogʻliq baholar reytingga taʼsir qiladimi?
Bunday baholar hisobga olinmaydi – yetkazishning kechikishi, kuryerning xatti-harakati va yetkaziladigan taomning harorati uchun restoran aybdor emasligini tushunamiz.
Shubhali baholar nima?
Biz barcha buyurtma baholarini maxsus algoritmlar yordamida tekshiramiz. Shubhali yoki adolatsiz baholar reytingga taʼsir qilmaydi va shaxsiy kabinetingizda koʻrsatilmaydi.
Xizmat tomonidan beriladigan hadya baholari nima?
Xizmatga ulanishda restoranlarga xizmat tomonidan 10 ta hadya “5” bahosi taqdim etiladi – ular reytingda hisobga olinadi, lekin shaxsiy kabinetda koʻrsatilmaydi. Bu yangi restoranlarga ishning dastlabki bosqichida salbiy baho olganida munosib reytingni saqlab qolish imkonini beradi.
Agar savollaringiz qolgan boʻlsa, Yordam boʻlimida biozga yozing. Muammolaringizni hal qilishda albatta sizga yordam beramiz.