Nega surat moderatsiyadan oʻtmayapti

Foydalanuvchilar chiroyli va yuqori sifatli surati mavjud restoranlarga koʻproq buyurtma berishadi, shu maqsadda suratlar uchun qator majburiy talablar kiritdik. Ushbu talablarga mos kelishi uchun menyuga yuklangandan keyin barcha suratlar moderatsiya qilinadi – oʻrtacha tekshirish bir soat davom etadi.

Rad etilgan suratlar Menyu boʻlimidagi taom yonida qizil undov belgisi bilan ajratiladi. Rad etish sababini koʻrish uchun pozitsiya yonidagi tugmasini bosing va Tahrirlashni tanlang.

Suratni rad etish sabablari koʻrsatilgan oyna ochiladi. Sabablarning har birida bir nechta kichik bandlar boʻladi – bitta suratda bitta yoki bir nechta band boʻlishi mumkin.

Suratga qoʻyiladigan talablar bilan tanishish uchun havolaga kiring.

Rad etishning umumiy sabablari

Mualliflik huquqi tasdiqlanmagan

Surat sizga tegishli boʻlmagan boshqa manbalarga joylashtirilgan. Qonunni buzmaslik uchun bu surat sizga tegishli ekanini tasdiqlang. Buning uchun:

1. Yordam boʻlimi ni oching va restoranni tanlang.
2. tugmasini bosing.
3. Murojaat turini belgilang Restoran maʼlumotlarini oʻzgartirish → Suratga mualliflik huquqini tasdiqlash.
4. Murojaat etish parametrlarini toʻldiring va Keyingisini bosing.

Zaxiradan surat yuklandi

Surat fotozaxiralardan biriga joylashtirilgan. Suratni xizmatda joylashtirishimiz uchun suratdan tijoriy maqsadda foydalanish litsenziyasini yuboring. Suratni zaxiradan sotib olgan boʻlsangiz, foydalanish litsenziyasini yoki suratni xarid qilish haqida axborotni yuboring. Buning uchun:

1. Yordam boʻlimi ni oching va restoranni tanlang.
2. tugmasini bosing.
3. Murojaat turini belgilang Restoran maʼlumotlarini oʻzgartirish → Suratga mualliflik huquqini tasdiqlash.
4. Murojaat etish parametrlarini toʻldiring va Keyingisini bosing.

Suratda ortqicha elementlar mavjud

Suratda 18+ mahsulotlar koʻringan, masalan, energetik ichimlik va alkogol – bu noqonuniy boʻlib, ularni reklama qilish deya hisoblanishi mumkin.

Suratdagi odamlar yoki tananing alohida qismlari, ortiqcha narsalar va dizayn elementlari taomni koʻrishga xalaqit beradi va foydalanuvchini chalgʻitadi. Fotomuharrirda ortiqcha narsalarni olib tashlang yoki qayta suratga oling.

Nuqsonli va sifatsiz suratlar

Taomlarni suratga olayotganda kunduzgi yorugʻlik yoki uning oʻrnini bosuvchi qurilma sozlamalaridan foydalanish kerak. Surat xira koʻrinmasligi, qorongʻi va yorugʻ joylardagi detallar aniq koʻrinishiga ishonch hosil qiling.

Surat xira emasligiga va foydalanuvchi taomni koʻrishi uchun yetarlicha tiniq ekaniga ishonch hosil qiling.

Taomning rangi iloji boricha tabiiyga yaqin boʻlishi kerak. Rasmga tushirish va qayta ishlashda rangli filtrlardan foydalanmang.

Taom suratlarini rad etish sabablari

Surat nomi yoki tavsifiga mos kelmaydi

Suratdagi taom tavsifga mos kelmaydi. Tasodifan xato rasm yuklangan boʻlishi mumkin. Agar surat taomga mos kelsa, tavsifi va koʻrsatilgan miqdorni tekshiring.

Surat nisbatlari buzilgan

Taom suratda bezaklarsiz toʻliq koʻrinishi kerak. Chegaralar tashqarisida hech qanday muhim narsa qolmaganiga ishonch hosil qiling va ilovada taom kattaroq koʻrinishiga eʼtibor qarating.

Taomni juda koʻp kesib yubormang. Taomni kadr markaziga joylang, lekin juda katta qilib yubormang. Ilovada surat oʻng va chap tarafidan 15%, tepa va pastidan 20% gacha kesiladi – muhim narsa kadr ortida qolmasligi uchun buni hisobga olish kerak.

Taomni koʻrish oson boʻlishi uchun uning egilish burchagini tekshiring. Taom suratning pastki chetiga parallel boʻlishi kerak.

Suratda nimadir ortiqcha

Suv belgilari, plashkalar, eʼlonlar, chegirmalar, promokodlar, yozuvlar, logotiplar yoki narxlari koʻrsatilgan menyular taomni koʻrishni qiyinlashtiradi va foydalanuvchini chalgʻitishi mumkin.

Asosiy suratni rad etish sabablari

Suratda nimadir ortiqcha

Suratda fotomuharrirda kiritilgan interyerlar, binolar, belgilar va logotiplar boʻlmasligi kerak. Surat diqqatni jalb qilish uchun dekorga qoʻshimcha ravishda kadrga 1-3 ta taom qoʻshing yoki ovqatlarni yanada zichroq joylashtirishga harakat qiling.

Kompozitsiyada xatolik

Surat diqqatni jalb qilish uchun dekorga qoʻshimcha ravishda 1-3 ta taom qoʻshing yoki ovqatlarni yanada zichroq joylashtirishga harakat qiling. Buni haddan tashqari oshirmang, aks holda ayrim taomlarni yoki dekor elementlarini olib tashlashingiz kerak boʻladi.

Ilovada asosiy surat yuqoridan va pastdan 30% gacha kesiladi – kadrning markaziy qismi toʻldirilganiga ishonch hosil qiling.

Fotomuharrirda notoʻgʻri ishlov berish

Qayta ishlash koʻzga tashlanmasligi, lekin natija iloji boricha tabiiy boʻlishi kerak. Notoʻgʻri ishlov berish taomdan chalgʻitadi va uni koʻrib chiqishni qiyinlashtiradi.

Taomni kesish, fonni almashtirish, soya qoʻshish yoki kollaj yaratmoqchi boʻlsangiz, buning uchun telefoningiz yoki brauzeringizdagi ilovadan foydalanmang.

Rasmning chetlaridagi hoshiyalar yoki oq chiziqlar

Suratda ortqicha bezak elementlari mavjud. Bu burchaklari qoraytirilgan hoshiya yoki chetlardagi oq chiziqlar – ular surat notoʻgʻri kesilgani sababli paydo boʻlishi mumkin.

Bu taomdan chalgʻitadi va suratni kamroq jozibali qiladi. Tuzatish uchun boshqa rasmni tanlang yoki ushbu rasmning asl nusxasini qoʻshimcha bezaklarsiz yuklang.

Asosiy surat menyungiz konsepsiyasiga mos kelmaydi

Asosiy surat – restoraningizning tashrif qogʻozidir. Foydalanuvchilarning umidini oqlash va ularning eʼtiborini jalb qilish uchun restoranning asosiy surati menyungiz konsepsiyasini aks ettirishi kerak.

Agar tasodifan notoʻgʻri surat yuklagan bo‘lsangiz, yangisini qayta yuklashga urining.

Asosiy suratni yuklashda muammoga duch kelsangiz, bizga rasmni yuboring – uni oʻzimiz yuklaymiz. Buning uchun:

1. Yordam boʻlimi ni oching va restoranni tanlang.
2. tugmasini bosing.
3. Boshqa murojaat turini tanlang.
4. Vaziyatni tasvirlab bering, unga rasm yoki havolani yuboring va Keyingisini bosing.