Buyurtma tarkibini qanday oʻzgartirish mumkin
Buyurtmani foydalanuvchi belgilagan tarkibda tayyorlash imkoni boʻlmasa:
-
Tayyorlay oladigan pozitsiyangiz oldidagi tugmasini bosing va Oʻzgartirishni bosing.
-
Foydalanuvchiga telefon qilib, buyurtmani oʻzgartirishga tayyorligini aniqlang: taomni oʻchirish, almashtirish yoki buyurtmani bekor qilish kerak.
-
Buyurtmaga oʻzgartirishlarni kiriting:
Agar foydalanuvchi buyurtmadan taomni oʻchirishni istasa, bu pozitsiya yonidagi minus tugmasini bosing – oʻchirish xabari chiqadi.
Agar foydalanuvchi taomni almashtirishga rozi boʻlsa, bu pozitsiya yonidagi minus tugmasini bosing – menyungizdagi taomlar roʻyxati chiqadi. Foydalanuvchi bilan kelishilgan yangi pozitsiyani belgilang.
Sharh
Izohlar. Agar foydalanuvchi buyurtmani tasdiqlaguningizcha bekor qilsa, +998 71 2055735 raqamiga telefon qiling – buyurtmani bekor qilishda sizga yordam berishadi.
-
Qilingan oʻzgartirishlarni tekshiring va foydalanuvchidan hammasi toʻgʻriligini soʻrab oling.
-
Saqlash tugmasini bosing.
-
Foydalanuvchiga oʻzgarishlarga roziligini tasdiqlaydigan bildirishnoma yuborilishini maʼlum qiling. Agar foydalanuvchi 10 daqiqa ichida oʻzgarishlarni tasdiqlamasa, ular avtomatik tarzda qabul qilinadi.
Agar buyurtma bekor qilinmagan boʻlsa, uni foydalanuvchi bilan kelishganingizdek tayyorlab bering.
Sharh
Agar foydalanuvchi buyurtmani oʻzgartirishga rozi boʻlib, keyin fikridan qaytsa, biz sizdan komissiya olmaymiz.
Foydalanuvchi bilan qanday suhbat qilinadi
Foydalanuvchiga quyidagi holatlarda telefon qilish kerak:
- buyurtmaning bir qismini bajara olmaysiz;
- sharhda keltirilganlarini bajarib boʻlmaydi.
Foydalanuvchiga minimum 3 marta telefon qilib koʻring. Unga bevosita telefon qilib ulanish imkoni boʻlmasa, yordam xizmatiga +998 71 2055735 raqami orqali telefon qiling – sizga kelishish yoki bekor qilishga yordam berishadi.
Diqqat
Foydalanuvchi bilan kelishmasdan buyurtmaga oʻzgartirish kiritish mumkin emas. Bundan holat yuz bersa va foydalanuvchi shikoyat qilsa, restoran pulni qaytarishi kerak.
Foydalanuvchi bilan suhbatda eʼtibor berishingiz kerak boʻlgan jihatlar haqida taxminiy muloqot rejasi:
– Assalomu alaykum, bu [Nomi] restorani. Siz Yandex Eats saytida buyurtma qoldirdingiz: [1-pozitsiya], [2-pozitsiya], [3-pozitsiya]. Hammasi toʻgʻrimi? – Ha. – Afsuski, buyurtmangizdagi [2-pozitsiya]ni tayyorlay olmaymiz. Biz uni menyudagi istalgan boshqa taomga almashtirishimiz yoki buyurtmadan olib tashlashimiz mumkin.
Agar foydalanuvchi taomni almashtirishga rozi boʻlsa
-
– [2-pozitsiya]ni qaysi taomga almashtirmoqchisiz? Sizga, masalan [4-pozitsiya], [5-pozitsiya], [6-pozitsiya]ni taklif eta olamiz... – [4-pozitsiya].Agar yangi pozitsiya avvalgisidan qimmat boʻlsa:
– Juda yaxshi, biz buyurtmaga oʻzgartirish kiritdik. Suhbatimiz yakunlanganidan keyin ilova sizdan oʻzgarishlarga roziligingizni soʻraydi – uni tasdiqlashni unutmang. Salomat boʻling!Agar yangi pozitsiya oldingisidan arzon boʻlsa:
– Juda yaxshi, biz buyurtmaga oʻzgartirish kiritdik. Narxdagi farq kartangizga tez orada oʻtkaziladi. Suhbatimiz yakunlanganidan keyin ilova sizdan oʻzgarishlarga roziligingizni soʻraydi – uni tasdiqlashni unutmang. Salomat boʻling!
Agar foydalanuvchi taomni olib tashlashga rozi boʻlsa
-
– Juda yaxshi, biz buyurtmaga oʻzgartirish kiritdik. Endi sizning buyurtmangiz: [1-pozitsiya] va [3-pozitsiya]. Olib tashlangan pozitsiya narxi kartangizga yaqin orada qaytariladi. Suhbatimiz yakunlanganidan keyin ilova sizdan oʻzgarishlarga roziligingizni soʻraydi – uni tasdiqlashni unutmang. Salomat boʻling!
Agar foydalanuvchi buyurtmadagi oʻzgarishlarga rozi boʻlmasa
-
– Bu holatda buyurtmani bekor qilishimizga toʻgʻri keladi. Salomat boʻling!
Buyurtma narxi oʻzgarsa nima qilish kerak
Agar foydalanuvchi siz tayyorlay olmaydigan taomni almashtirishga rozilik bildirsa – yangi va eski pozitsiya narxi har xil boʻlishi mumkin.
Agar yangi taom eskisidan qimmat boʻlsa
- Qoʻshimcha toʻlovni restoran hisobidan, komissiyani esa faqat foydalanuvchi toʻlagan summadan olamiz.
Agar yangi taom eskisidan arzon boʻlsa
- Biz foydalanuvchiga narx farqini qaytaramiz va jami summa hisobidan komissiya olamiz.
Foydalanuvchi buyurtmaga yangi pozitsiya qoʻshmoqchi boʻlsa nima qilish kerak
Agar foydalanuvchi bevosita restoranga telefon qilib, buyurtmaga yangi pozitsiya qoʻshishni soʻrasa, buyurtma tarkibini oʻzgartirish uchun standart jarayondan foydalaning – yangi taomni buyurtmaga qoʻshing.