--- metadata: - name: generator content: Diplodoc Platform v5.54.2 alternate: - https://yandex.com/support/eda-vendor-uz/ru/menu/moderation.md - https://yandex.com/support/eda-vendor-uz/uz/menu/moderation.md - href: uz/menu/moderation.md type: text/markdown title: Markdown version - href: ../llms.txt type: text/markdown title: llms.txt --- > **Documentation Index:** Fetch the complete configuration index at https://yandex.com/support/eda-vendor-uz/uz/llms.txt # Taomlarni moderatsiya qilish ## Taomlarni moderatsiya qilish {#moderation_1} Yetkazish uchun pozitsiyalarga [bir qator majburiy talablar](https://yandex.com/project/eats/uz/rest_menu) boʻlib, bunday taomlar menyuga qoʻshilgandan keyin moderatsiyadan oʻtadi. Moderatsiya xulosasiga koʻra: - pozitsiya tahrirsiz qabul qilinadi; - menyu foydalanuvchilarga sifatli koʻrinishi uchun pozitsiyadagi imloviy xatolar tuzatilib qabul qilinadi; - agar pozitsiyani yetkazishga qoʻsha olmasak yoki u haqida muhim maʼlumotga ega boʻlmasak, pozitsiya rad etiladi. Pozitsiya rad etilsa, uning oldida qizil undov belgisi paydo boʻladi. Taom nega qabul qilinmaganini bilish uchun pozitsiya oldidagi ![](../_assets/icon/dots.svg) tugmasini bosing va **Tahrirlash**ni tanlang. Rad etish sababi koʻrsatilgan taom oynasi ochiladi. Rad etish sabablarti haqida batafsil [Nega taomlar moderatsiyadan oʻtmaydi](#dish-moderation) maqolasida oʻqing. ## Nega taom moderatsiyadan oʻtmayapti Pozitsiya rad etilsa, uning oldida qizil undov belgisi paydo boʻladi. Taom nega qabul qilinmaganini bilish uchun pozitsiya oldidagi ![](../_assets/icon/dots.svg) tugmasini bosing va **Tahrirlash**ni tanlang. Rad etish sababi koʻrsatilgan taom oynasi ochiladi. Rad etish sabablari: **Tarkibida qanday goʻsht va dengiz mahsulotlari borligini ayting**   : Taom tavsifida uning tarkibiga qanday goʻsht va dengiz mahsulotlari kirishi aniq koʻrsatilishi kerak. Masalan: “Dengiz mashulotlaridan shoʻrva”. Tarkibi: midiyalar, qirol qisqichbaqalari, marinadlangan sakkizoyoq, bulyon, kartoshka, sabzi, tuz. **Masalliqlarni sanab oʻting**   : Hech boʻlmasa asosiy masalliqlarni koʻrsatish kerak, shuningdek, agar nostandart boʻlsa, tayyorlash va taqdim etish uslubini ham yozing. Masalan: “Lososli poke”. Tarkibi: guruch, avokado, losos. Banan yaprogʻida beriladi. **Taom masalliqlari yetishmayapti**   : Taom nomiga koʻra, uning tarkibidagi hamma masalliqlar koʻrsatilmagan – baʼzida uning borligi juda muhim. Masalan: “Oʻrdak goʻshtli osh”. Tarkibi: guruch, oʻrdak goʻshti, sabzi, piyoz. **Tanlash uchun opsiya guruhi yoki assortimentini belgilang**   : Foydalanuvchi muhimini tanlay olishi uchun opsiyalarda barcha ehtimoliy taom variantlarini keltiring. Masalan: “Rich sharbati”. Opsiya guruhi: tanlash uchun taʼm. Opsiyalari: apelsin, olma, ananas. **Sonini donalab kiriting**   : Bir porsiyaga aynan nechta dona pozitsiyasi kirishini ayting. Masalan: “Tovuqli naggetslar” (5 dona). **Tayyorlash vaqti juda uzoq**   : Biz taom foydalanuvchiga chiroyli va issiq tarzda kelishiga harakat qilamiz – xuddi hozirgina tayyorlanganidek. Shuning uchun ham uzoq vaqt tayyorlanadigan taomni yetkazish menyusiga qoʻshmaslik kerak. Yandex Eats ishlayotgan koʻpchilik restoranlar uchun maksimal taom tayyorlash vaqti – 45 daqiqagacha, pirog va pishiriqlarga ixtisoslashgan restoranlar uchun – 60 daqiqa. Oldindan buyurtma bilan tayyorlanadigan taomlarni ham menyuga qoʻshmaslik kerak. [Menyuga talablar](https://yandex.com/project/eats/uz/rest_menu) haqida batafsil. **Taomni vazni boʻyicha qoʻshish mumkin emas**   : Yetkazish menyusiga taomni vazni boʻyicha qoʻshib boʻlmaydi, lekin belgilangan vazn boʻyicha bir nechta variantlar kiritish mumkin. Masalan: “Sezar salati” (150 gramm), “Sezar salati” (300 gramm). [Menyuga talablar](https://yandex.com/project/eats/uz/rest_menu) haqida batafsil. **Yetkazish uchun mos emas**   : Bu pozitsiya Yandex Eats kuryer hamkorlari yetkazishi uchun mos kelmaydi. [Menyuga talablar](https://yandex.com/promo/eats/am/rest_menu) haqida batafsil. **Energetik ichimliklar va alkogol yetkazish taqiqlangan**   : Shahringizda energetik ichimliklar va alkogol yetkazish qonunan taqiqlangan. **Kinoyali yoki haddan tashqari provokatsion nom**   : Biz kinoyali yoki haddan tashqari provokatsion nomga yoʻl qoʻymaymiz, chunki Yandex Eatsʼdan bolalar va oʻsmirlar ham foydalanishi mumkin. **Bu aksiya boʻyicha taom — [alohida ariza](https://yandex.com/project/eats/uz/rest_menu) toʻldirish kerak**   : Aksiya takliflari uchun foydalanuvchilarning eʼtiborini sizning menyungizdagi alohida taomlarga qaratadigan mexanizmdan foydalanamiz. Arizani shaxsiy kabinet orqali toʻldirish mumkin → [Yordam boʻlimi](https://vendor.yandex.com/chats) → Hamkorlik va tanituv → Aksiyalar. Aksiyalar haqida batafsil [Aksiyalar](../promotion.md) maqolasida oʻqing. **Diametr yoki hajmini koʻrsating**   : Yandex Eats hamkor kuryerlari sumkasiga sigʻishini bilishimiz uchun pitsa va piroglar tavsifida ularning hajmi santimetrda koʻrsatilishi kerak. Yumaloq pitsa va piroglarning diametrini oʻlchang. Kvadrat, toʻgʻri toʻrtburchak yoki uchburchak uchun – eng uzun tomoni uzunligi. Masalan: “Margarita pitsasi” (30 sm). **Toʻplamga kiruvni taomlar nomini sanang**   : Kombo, lanchlar va boshqa toʻplamlar uchun unga kiruvchi pozitsiyalarning toʻliq tarkibi koʻrsatilishi kerak. Masalan: “Chizkeyklar toʻplami”. Tarkibi: limonli chizkeyk (1 dona), Nyu-York chizkeyki (1 dona), malinali chizkeyk (1 dona). **Yetkazishga mos kelmaydi: muzqaymoqli taomlarni qoʻsha olmaymiz**   : Yandex Eats hamkor kuryerlari orqali muzqaymoq yetkazish uchun maxsus qadoqlarni xarid qilishingiz kerak: - zich qadoqlash – qopqoqli yopiq idish yoki penoplastdan tayyorlangan maxsus quti; - qopqoqni mahkamlab yopish; - yopiq idish kamida ikki qatlamli boʻlishi kerak – agar u kartondan boʻlsa. Agar sizda shunday idish boʻlsa, vendor-uz@eats.yandex.com manziliga yozing va xatga idish rasmini ilova qiling. Agar idish yoʻq boʻlsa, yetkazish uchun mos keladiganini xarid qiling – keyin bizga uning rasmini yuboring. **Yetkazishga mos kelmaydi: issiq ichimliklarni qoʻsha olmaymiz**   : Issiq ichimlik restoraningizdan yetkazish jarayonida kerakli haroratni saqlamaydi. Yandex Eats hamkor kuryerlari orqali issiq ichimliklarni yetkazish uchun: 1. Foydalanuvchilar ichimlikni buzilmagan va kerakli haroratda olishi uchun restoraningizdan yetkazish hududi radiusini 1,2 kilometrgacha kamaytiring. 1. Yetkazish uchun tegishli talablarga mos qadoqlarini sotib oling: - stakan ushlagichining mavjudligi; - ichgich va teshiklarsiz qopqoqning mavjudligi – yoki yopishtirilgan ichgich bilan; - qopqoq stakanga mahkam joylashadi; - stakan kamida ikki qatlamli. Yetkazish radiusini kamaytirishga rozi boʻlsangiz, vendor-uz@eats.yandex.com manziliga yozing – uni restoraningizdan hamma buyurtmalar uchun oʻzgartiramiz. Agar sizda kerakli qadoq boʻlsa, javob xatida uning rasmini ilova qiling. Agar idish yoʻq boʻlsa, yetkazish uchun mos keladiganini xarid qiling – keyin bizga uning rasmini yuboring. **Suv gazlangan yoki gazlanmaganini aniqlang**   : Suv gazlangan yoki gazlanmaganini nomida yoki tavsifida koʻrsatish mumkin. Agar ikkala variant ham boʻlsa – pozitsiyaga opsiya guruhini qoʻshing va “Gazli” va “Gazsiz” deb koʻrsating. **Ichimlik ishlab chiqaruvchisi haqida axborotni aniqlang**   : Ichimlik nomi yoki tavsifidan foydalanuvchiga ichimlik qaysi brend ostida sotilishi – uchinchi tomon ishlab chiqaruvchisi yoki restoranning oʻz mahsuloti ekani aniq boʻlishi kerak. **Mahsulot haqida axborotni toʻldiring**   : Isteʼmolchilar huquqini himoya qilish toʻgʻrisidagi Oʻzbekiston Respublikasi qonunining 6-moddasiga muvofiq nooziq-ovqat mahsulotlarni koʻrsatish lozim: - asosiy isteʼmol xususiyatlari; - sotuvchi yoki ishlab chiqaruvchining toʻliq firma nomi; - sotuvchining manzili (joylashgan oʻrni); - tayyorlangan joyi; - xizmat muddati; - amal qilish muddati va kafolat muddati, agar mavjud boʻlsa. Masalan: “Qogʻoz stakanlar”. Tavsifi: “Bayram” qogʻoz stakanlari (6 dona). Ishlab chiqaruvchi: Kompaniya MCHJ, Oʻzbekiston, Toshkent, Nurafshon koʻchasi, 1. Oʻzbekistonda ishlab chiqarilgan. Saqlash muddati cheklanmagan.