Menyu

Menyuga oʻzgartirish kiritishdan avval menyu boʻyicha asosiy talablar va tavsiyalar bilan tanishing. Bu foydalanuvchilar uchun sifatli va tushunarli menyu yaratishingizga yordamlashadi, shuningdek, moderatsiyadan keyin taomlarni rad etishdan saqlanish imkonini beradi.

Menyuga taomlarni yuklash uchun:

1. Menyu boʻlimi ni oching va restoranni tanlang.

2. Turkum qoʻshishni bosing.

   

3. Taomlar turkumida yangisini yarating va Saqlash tugmasini bosing — uchtagacha turkum yaratish mumkin.

   Turkum yaratish qoidalari:

   • turkumda kamida bitta pozitsiya boʻlishi kerak;
   • turkum nomi unikal boʻlishi kerak;
   • turkum nomida raqamlar, harflar, vergul, chiziqcha va № boʻlishi mumkin;
   • turkum 3–80 belgidan iborat boʻlishi mumkin.

   Turkumlar menyuni ajratishga yordam beradi – kerakli turkumlar sonini kiriting, lekin 10 tadan oshmasin.

4. Turkumni tanlang va Pozitsiyani qoʻshishni bosing.

5. Taom opsiyalarini toʻldiring:

   • nomi;
   • tavsifi;
   • suratlar;
   • vazni;
   • narxi;
   • QQS %, agar soliqqa tortiladigan boʻlsa;
   • kaloriya, oqsillar, yogʻlar va uglevodlar.

   

6. Ayrim taomlar uchun bir qancha opsiyalar kiritsangiz boʻladi: masalliqlar, souslar, qoʻshimchalar va boshqalar.

   Opsiya yaratish qoidalari:

   • foydalanuvchi tanlashi majburiy boʻlgan opsiya yaratishni xohlasangiz — Tanlash majburiy bandini belgilang;
   • opsiyalar pulli yoki bepul boʻlishi mumkin.

   

7. Saqlash tugmasini bosing.

Shu tarzda kerakli taomlar sonini kiriting.

Shuningdek, boʻlimda menyuni yangilash mumkin.

Taomlarni moderatsiya qilish

Yetkazish uchun pozitsiyalarga bir qator majburiy talablar boʻlib, bunday taomlar menyuga qoʻshilgandan keyin moderatsiyadan oʻtadi.

Moderatsiya xulosasiga koʻra:

• pozitsiya tahrirsiz qabul qilinadi;
• menyu foydalanuvchilarga sifatli koʻrinishi uchun pozitsiyadagi imloviy xatolar tuzatilib qabul qilinadi;
• agar pozitsiyani yetkazishga qoʻsha olmasak yoki u haqida muhim maʼlumotga ega boʻlmasak, pozitsiya rad etiladi.

Pozitsiya rad etilsa, uning oldida qizil undov belgisi paydo boʻladi. Taom nega qabul qilinmaganini bilish uchun pozitsiya oldidagi tugmasini bosing va Tahrirlashni tanlang. Rad etish sababi koʻrsatilgan taom oynasi ochiladi.

Rad etish sabablarti haqida batafsil Nega taomlar moderatsiyadan oʻtmaydi maqolasida oʻqing.

Taomlar va oshxona teglari

Restoran teglari nima

Yandex Eatsʼdagi har bir restoranning teglari mavjud, ular asosida qidiruvdagi restoranlarning umumiy roʻyxati filtrlanadi.

Filtrlar – bu taomlar va oshxona turkumlari tugmasi. Ular eng ommabop soʻrovlarga asoslanadi va foydalanuvchilarga oʻz didiga mos restoranni tanlashga yordamlashadi.

Filtrlar ilovaning bosh sahifasida yoki foydalanuvchilar uchun saytda koʻrinadi, siz ularni koʻrishingiz mumkin.

Restoranlar filtrlar va qidirish satriga oshxonalar va taomlar turkumlari bilan maxsus belgilar yordamida tushadi – biz ularni teglar deb ataymiz. Ular restoran konsepsiyasi va menyusiga muvofiq tarzda qoʻyiladi.

Sharh

Agar restoranda “Pitsa”, “Burgerlar” yoki “Yapon oshxonasi” kabi mashhur teglar boʻlsa, restoran asosiy sahifadagi filtrlarga tushadi. Agar kamroq mashhur boʻlgan teglar koʻrsatilsa, masalan, “Quymoqlar” yoki “Serb oshxonasi” – restoranni teg nomi bilan qidirish satrida topish mumkin.

Teglar bir nechta mavzuli bloklarga boʻlingan:

• milliy oshxonalar tegi – uchtagacha teg kiritish mumkin;
• taomlar tegi – 6 tagacha teg kiritish mumkin.

Agar restorandagi 3 ta oshxona tegi mos kelmasa, ularning oʻrniga taom tegini kiritish mumkin.

Oʻz teglaringizni koʻrish uchun:

1. Foydalanuvchilar uchun ilova yoki Yandex Eats saytiga kiring.

2. Restoraningizga yaqin yekazish manzilini kiriting.

3. Umumiy roʻyxatdan restoraningizni toping va uning nomini bosing – restoran kartasi ochiladi.

4. Ilovadagi i tugmasini yoki saytdagi Restoran haqida axborot ni bosing — faol teglar restoran manzili ostida boʻladi.

Teg yaratish qoidalari

Restoraningiz uchun 6 tagacha teg tanlashingiz mumkin. Bu sifatli natijalarni taʼminlash va foydalanuvchilarni chalgʻitmaslik uchun optimal miqdor:

• 3 ta taom tegi;
• 3 ta oshxona tegi.

Diqqat

Asosiysi, teglar haqiqiy restoran menyusiga mos kelishi kerak. Ular qanchalik aniq boʻlsa, foydalanuvchilar restoraningizni oson topadi va buyurtma qiladi.

Qanday oshxona teglarini tanlash mumkin

Teg nomi	Menyuda nima boʻlishi kerak
Sogʻlom ovqat	Sabzavot va mevalardan taom, past kaloriyali taom: masalan, smuzi va sabzavotli salat. Restoranning aksar taomlari bu tegga mos kelishi kerak.
Vegetarian	Tarkibida goʻsht va baliq mavjud boʻlmagan kamida beshta asosiy taom: masalan, falafel. Bu tegni asosiy konsepsiyasi vegetarian boʻlmagan restoranlarga kiritish mumkin – biroq, asosiy oshxona va vegetarian taomlar bir-birga xilof kelmasligi kerak: masalan, gruzin oshxonasi va vegetarian.
Halol	Halol usulda tayyorlangan va musulmonlar uchun ruxsat berilgan taom: masalan, xumus.
Uy taomlari	Rus va ukrain oshxonasining oddiy taomlari: masalan, borsh, uxa va vinegret.
Rus	Rus oshxonasining anʼanaviy taomlari: masalan, quymoqlar, boʻtqalar, qiymali proglar, borsh va vareniklar. Ayrim taomlar ukrain oshxonasida ham mavjud.
Ukrain	Ukrain oshxonasining anʼanaviy taomlari: masalan, borsh, draniki, vareniklar, kiyevcha kotlet va salo. Ayrim taomlar rus oshxonasida ham mavjud.
Amerika	Amerika oshxonasining anʼanaviy taomlari: masalan, burger, kartoshka fri, brisket, koul slou va maffinlar. Burgerlardan tashqari, restoran menyusida Amerika oshxonasining boshqa taomlari ham boʻlishi kerak.
Fastfud	Tez tayyorlanadigan va isteʼmol qilinadigan taomlar: masalan, burger, rollar va pitsa.
Yapon — yapon oshxonasining anʼanaviy taomlari,	Yapon oshxonasining anʼanaviy taomlari: masalan, sushi, rollar, onigiri, ramen, takoyaki va udon.
Xitoy	Xitoy oshxonasining anʼanaviy taomlari: masalan, nordon-shirin sousdagi choʻchqa goʻshti, ugra, maydalangan bodring va pekincha oʻrdak goʻshti.
Hind	Hind oshxonasining anʼanaviy taomlari: masalan, guruch, karri, masala va nonlar.
Koreys	Koreys oshxonasining anʼanaviy taomlari: masalan, kimchi, chapchay ugrasi, sapso, pyanse, xe va bibimpab.
Vyetnam	Vyetnam oshxonasining anʼanaviy taomlari: masalan, fo-bo va spring-rollar.
Tay	Tay oshxonasining anʼanaviy taomlari: masalan, tom yam, yashil karri va padtay.
Panosiyo	Bir qancha Osiyo mamlakatlariga xos taomlar: masalan, tom yam, dengiz mashulotlari, vok, fo ga va funchoza. Ushbu tegdan qaysi Osiyo oshxonasi ustunligini aniqlashning iloji boʻlmaganda foydalaniladi.
Italyan	Italyan oshxonasining anʼanaviy taomlari: masalan, pitsa, pasta va ravioli.
Fransuz	Fransuz oshxonasining anʼanaviy taomlari: masalan, kordon-blu, piyozli shoʻrva, krem-bryule, kish va ratatuy.
Nemis	Nemis oshxonasining anʼanaviy taomlari: masalan, sosiskalar, bretsel, shitsel va karrivurst.
Ispan	Ispan oshxonasining anʼanaviy taomlari: masalan, paelya, gaspacho va tapas.
Grek	Grek oshxonasining anʼanaviy taomlari: masalan, giros, musaka va suvlaki.
Belgiya	Belgiya oshxonasining anʼanaviy taomlari: masalan, vafli, midiya va flamandcha goʻsht.
Serb	Serb oshxonasining anʼanaviy taomlari: masalan, qiyma goʻshtli kolbasalar, chevapchichi va pleskavitsa.
Yevropa oshxonasi	Yevropa mamlakatlari uchun xos taomlar: masalan, Sezar salati. Ushbu tegdan qaysi Yevropa oshxonasi ustunligini aniqlashning iloji boʻlmaganda foydalaniladi.
Bolqon	Bolqon oshxonasining anʼanaviy taomlari: masalan, mish-mash.
Gavayi	Gavayi oshxonasining anʼanaviy taomlari: masalan, poke, loko-moko va poi.
Dengiz mahsulotlari	Baliqli taomlar, dengiz mahsulotlari. Restoranning aksar taomlari baliq va dengiz mashulotlaridan boʻlishi kerak.
Livan	Livan oshxonasining anʼanaviy taomlari: masalan, baba ganush, qiymali kabob va tabule.
Sharq oshxonasi	Bir qancha sharq mamlakatlariga xos taomlar: masalan, sambusalar, mezze, musaka, baba-ganush, mashavi va kuskus.
Yahudiy	Yahudiy oshxonasining anʼanaviy taomlari: masalan, forshmak, xala, shakshuka va falafel. Aksariyat restoran taomlari yahudiy oshxonasiga mos kelishi kerak.
Gruzin	Gruzin oshxonasining anʼanaviy taomlari: masalan, xinkali, xachapuri, adjaruli, xarcho va lobio.
Doʻgiston	Dogʻiston oshxonasining anʼanaviy taomlari: masalan, chudu va soxtu.
Arman	Arman oshxonasining anʼanaviy taomlari: masalan, xorovats, xovta va kololak.
Turk	Turk oshxonasining anʼanaviy taomlari: masalan, menemen, baliq-ekmek, kabob va rohat-luqum.
Oʻzbek	Oʻzbek oshxonasining anʼanaviy taomlari: masalan, osh, mastava, qozon kabob, holva va somsa.
Qozoq	Qozoq oshxonasining anʼanaviy taomlari: masalan, qozoqcha goʻsht va beshbarmoq.
Tatar	Tatar oshxonasining anʼanaviy taomlari: masalan, echpochmak, azu, paxlava va chak-chak.
Meksika	Meksika oshxonasining anʼanaviy taomlari: masalan, kasadilya va takos.
Skandinaviya	Skandinaviy oshxonasining anʼanaviy taomlari: masalan, kartoshkali kletska va shved salati.
Bolgar	Bolgar oshxonasining anʼanaviy taomlari: masalan, kapama, chorbu va banitsa.
Ingliz	Ingliz oshxonasining anʼanaviy taomlari: masalan, kornuel pirogi, roust, bannofi pay va fish-end-chips.
Peru	Peru oshxonasining anʼanaviy taomlari: masalan, seviche.
Marokash	Marokash oshxonasining anʼanaviy taomlari: masalan, kuskus va tajin.
Buryat	Buryat oshxonasining anʼanaviy taomlari: masalan, urme, salamat va buxleor.
Afrika	Afrika oshxonasining anʼanaviy taomlari: masalan, efiop ragusi, tigadegena va mskuta.

Qanday taom teglarini tanlash mumkin

Teg nomi	Izohi
Pitsa	Non, pishiriq
Pishiriqlar
Piroglar
Bolalar menyusi	Agar menyuda Bolalar menyusi turkumi boʻlsa
Desertlar
Qahva	Don va ichimlik
Kabob
Lanchlar	tushlik uchun taom toʻplamlari
Quymoqlar
Steyklar
Burgerlar
Sushi
Nonushta	Nonushta uchun taomlar: tvorogli somsa, qoburilgan tuxum, toblama
Poke
Fo-Bo
Chuchvara
Xinkali
Shaverma
Pasta
Xot-doglar
Muzqaymoq

Tegni qanday almashtirish mumkin

Oshxona va taomlar turkumlari teglarini yangilashni xohlasangiz, bizga Yordam boʻlimi orqali Restoran maʼlumotlarini oʻzgartirish → Oshxona va taomlar tegini oʻzgartirish mavzularini tanlab yozing.

Diqqat

Murojaat yuborishdan oldin teglash qoidalari bilan tanishing va menyungizga toʻliq mos keladigan teglarni tanlang.