Ինչպես պահպանել և բարձրացնել վարկանիշը

Ընդհանուր վարկանիշում, որը տեսնում է օգտատերը, հաշվի են առնվում՝

• օգտատերերի գնահատականները. եթե պատվերը ճիշտ է հավաքվել, սնունդը որակյալ է, և ձեր առաքիչը չի ուշացել, գնահատականը բարձր կլինի.
• ռեստորանի կողմից չեղարկված պատվերներ. որքան քիչ են չեղարկումները, այնքան բարձր է վարկանիշը։

Կարդացեք ավելին պատվերների չեղարկումների մասին Ինչպես է պատվերների չեղարկումն ազդում ռեստորանի վրա հոդվածում։

Ինչպես պահպանել վարկանիշը

Եթե ձեր վարկանիշը բարձր է, դուք ամեն ինչ ճիշտ եք անում, միայն պետք է պահպանել արդյունքը։

Երբեմն դժվար է հետևել միանգամից ամեն ինչին, այնպես որ խորհուրդ ենք տալիս օգտվել ստուգացանկից։ Աչքի անցկացրեք այն շաբաթը մեկ անգամ և հատուկ ուշադրություն դարձրեք օգտատերերի կարծիքներին և գնահատականներին։ Երբեմն նույնիսկ դրական կարծիքներում կարելի է գտնել մեկնաբանություններ, որոնց վրա արժե աշխատել։

Պատրաստման արագությունը

Եթե ծառայությունում պատվերները հաճախակի դառնում են կարմիր, վերանայեք խոհանոցի ծանրաբեռնվածությունը և կրիտիկական իրավիճակներում դադարի դրեք ռեստորանը, որպեսզի խուսափեք չեղարկումներից։

Փաթեթավորման արագությունը

Եթե դուք երբեմն չեք հասցնում փաթեթավորել տաք ուտեստը, հնարավորինս կրճատեք պատվերները պատրաստելու և հավաքելու միջև ընկած ժամանակը։ Մի սկսեք պատրաստել հաջորդ ուտեստը, մինչև չփաթեթավորեք նախորդը։

Ռեստորանի առաքիչներով առաքման արագությունը

Եթե շաբաթվա ընթացքում ուշացումներ են եղել, հարցրեք առաքիչներին, թե ինչու է այդպես ստացվել։ Նրանք գուցե հուշեն ձեզ, թե ինչպես կարող եք արագացնել աշխատանքը։ Օրինակ՝ չվերցնել պատվերներ 3 կամ ավելի հասցեների համար կամ նախապես հոգալ մեքենայի վառելիքի հարցը։

Ճաշացանկի արդիականությունը

Բացվելուց առաջ ստուգեք, թե արդյոք բոլոր բաղադրիչները բավականացնում են, և արդյոք բոլոր ուտեստները կարող եք պատրաստել։ Եթե պակաս բան եք գտել, թարմացրեք ձեր ստոպ ցանկը և սկսեք օրը։

Աշխատակիցների քանակը և նրանց ծանրաբեռնվածությունը

Եթե աշխատակիցները քիչ են, շատացրեք առավել ծանրաբեռնված հերթափոխի աշխատողների թիվը. հաճախ դա երեկոյան ժամը 18։00-ից մինչև 21։00-ն է, և ճաշի ժամը՝ 12։00-ից մինչև 14։00-ը։

Ինչպես բարձրացնել վարկանիշը

Եթե ձեր վարկանիշը նվազել է, ուշադրություն դարձրեք օգտատերերի կարծիքներին։ Տեսեք՝ արդյոք բողոքը կրկնվում է մի շարք կարծիքներում, և գտեք դրա պատճառը։ Հիշեք, որ որակով կատարված մեկ պատվերը կարող է շատ բարձրացնել նույնիսկ ցածր վարկանիշը։

Ահա մի քանի առաջարկություններ։ Եթե բողոքում են՝

Ճաշատեսակների համից կամ որակից

Ստուգեք ուտեստների կազմը և օգտատերերի մեկնաբանությունները։ Հնարավոր է, որ ուտեստներից մեկից բողոքներն ավելի շատ են, և արժե վերանայել դրա պատրաստման գործընթացը կամ ստուգել մատակարարներին։

Ռեստորանի առաքիչներով առաքման արագությունը

Տեսեք, թե որ ժամանակահատվածում են առաքիչներն առավել հաճախ ուշանում։ Կարելի է մեծացնել առաքման ժամանակը, կրճատել շառավիղը Առաքման գոտու բաժնում կամ գործի դնել ավելի շատ առաքիչների։

Փաթեթավորման խնդիրներ

Ամեն անգամ ստուգեք, որ կոնտեյները հուսալիորեն փակ լինի, իսկ փաթեթը՝ կապված կամ սոսնձված։

Պատվերների հավաքման սխալներ

Ճշտեք պատվերի վերջնական կազմը ծառայության հետ՝ նախքան առաքչին հանձնելը։ Մի մոռացեք պատվերում դնել ճիշտ քանակությամբ սպասք և հաշվի առնել օգտատերերի մեկնաբանությունները։

Պատվերի երկարատև պատրաստում

Մեծացնել պատրաստման ժամանակը Պատրաստման ժամանակ բաժնում։ Կրիտիկական ծանրաբեռնվածության դեպքում ռեստորանը դադարի դրեք և հանգիստ պատրաստեք կուտակված պատվերները։

Բողոքներ ռեստորանի առաքիչներից

Եթե դուք առաքում եք ռեստորանի առաքիչների միջոցով, ավելի ուշադիր վերահսկեք նրանց աշխատանքի որակը։ Սա այն պարամետրերից մեկն է, ըստ որի օգտատերերը որոշում են, թե արդյոք կրկին պատվիրեն ձեզնից։

Սննդի սխալ ջերմաստիճան

Փաթեթավորեք տաք ուտեստներն ու խմիչքները հատուկ փաթեթավորմամբ, որը պահպանում է ջերմությունը առաքման ժամանակ, և լրացուցիչ փաթեթավորեք դրանք թերմոփաթեթներով։ Եթե դուք առաքում եք պատվերները ռեստորանի առաքիչների միջոցով, նրանց հատուկ թերմոպայուսակներ տվեք։

Ինչպես չչեղարկել պատվերները

Եթե չեղարկումներ լինում են, վերլուծեք պատճառները.

Մեծ ծանրաբեռնվածություն, հանգստյան օրեր, միջոցառում կամ արտակարգ դրություն

Երբ ժամանակավորապես չեք կարող պատվերներ ընդունել, ռեստորանը դադարի դրեք Ռեստորաններ կամ Պատվերներ բաժնում։ Այդ կերպ կկարողանաք մինչև վերջ պատրաստել արդեն ընդունված պատվերները, որպեսզի չկորցնեք եկամուտը և հաճախորդների հավատարմությունը։

Մենք չկարողացանք զանգահարել ձեզ

Ստուգեք ռեստորանի կոնտակտները կամ ավելացրեք նորերը Ռեստորաններ բաժնում։

Բացակայում է ուտեստ

Ստուգեք պատվերի կազմը նախքան այն ընդունելը և ավելի հաճախ թարմացրեք ռեստորանի ստոպ ցանկը։ Եթե պատվերն արդեն ընդունվել է, բայց դուք չեք կարող ամբողջովին պատրաստել այն, զանգահարեք օգտատիրոջը և խնդրեք փոխել պատվերի կազմը։

Աշխատանքային գրաֆիկում նշված ժամից շուտ եք փակվել

Թարմացրեք գրաֆիկը և նշեք իրական ժամանակը, երբ պատրաստ եք պատվերներ ընդունել։ Հաշվի առեք նաև այն ժամանակը, որի ընթացքում առաքիչը վերցնելու է պատվերը։

Տեխնիկական խնդիրներ ռեստորանում

Օրվա սկզբին ստուգեք և համոզվեք, որ պատվերների հետ աշխատելու համար ձեր սարքերը աշխատում են, և հաստատության ցանկացած կետում լավ ինտերնետ կապ կա։ Ավելի լավ է չօգտագործել հին սարքեր, քանի որ դրանցում հավելվածը կարող է դանդաղ աշխատել։ Եթե ամեն ինչ կարգին է, իսկ տեխնիկական խնդիրները չեն վերանում, դիմեք տեխաջակցությանը։

Առաքչի ուշացում

Մեծացրեք առաքման ժամանակը կամ կրճատեք առաքման գոտու շառավիղը։ Եթե չեք հասցնում պատրաստել առաքման համար, խորհուրդ ենք տալիս որոշակի ժամանակահատվածով մեծացնել պատրաստման ժամանակը։

Պատվերը սխալ է հավաքվել

Ստուգեք, թե արդյոք պատվերի տարրերը համընկնում են հավաքված պատվերի հետ՝ նախքան այն առաքչին հանձնելը։ Հաշվի առեք պատվերի վերաբերյալ օգտատերերի մեկնաբանությունները և անհրաժեշտության դեպքում սպասք դրեք։

Պատվերը չի առաքվել

Զանգահարեք օգտատիրոջը, որպեսզի համաձայնեցնեք առաքումը՝ նախքան պատվերի հաստատումը։ Եթե զանգահարել չի ստացվում, դիմեք տեխաջակցությանը։ Եթե չեք հասցնում ժամանակին առաքել պատվերները, մեծացրեք առաքման ժամանակը կամ փոքրացրեք առաքման գոտու շառավիղը։

Ժամանակից շուտ եք պատրաստել և առաքել պատվերը

Կրճատեք առաքման ժամանակը Առաքման գոտիներ բաժնում։ Եթե ուզում եք նախօրոք առաքել պատվերը, դրա մասին անպայման պայմանավորվեք օգտատիրոջ հետ։