Ինչու լուսանկարը մոդերացիան չի անցնում
Օգտատերերը հաճախ պատվերներ են անում գեղեցիկ և որակյալ լուսանկարներով ռեստորաններից, այնպես որ մենք ստեղծել ենք մի շարք պարտադիր չափանիշներ լուսանկարի համար։ Որպեսզի այդ չափանիշները բավարարվեն, ճաշացանկում ներբեռնվելուց հետո բոլոր լուսանկարներն անցնում են մոդերացիա. միջինում ստուգումը տևում է մեկ ժամ։
Անհամապատասխան լուսանկարների կողքին Ճաշացանկ բաժնում կլինի կարմիր բացականչական նշան։ Մերժման պատճառը տեսնելու համար սեղմեքտարրի կողքին և ընտրեք Փոփոխել։
Կբացվի լուսանկարի մերժման պատճառներով պատուհանը։ Յուրաքանչյուր պատճառ կունենա մի քանի ենթակետ. մեկ լուսանկարին կարող են վերաբերել ինչպես մեկ, այնպես էլ՝ մի քանի կետ։
Լուսանկարներին ներկայացվող պահանջներին ծանոթանալու համար բացեք հղումը։
Մերժման ընդհանուր պատճառները
Հեղինակային իրավունքները հաստատված չեն
-
Լուսանկարն արդեն տեղադրված է ռեսուրսներում, որոնք չեն վերաբերում ձեր բրենդին։ Օրենքը չխախտելու համար հաստատեք, որ լուսանկարը պատկանում է ձեզ։ Դրա համար՝
- Անցեք Տեխաջակցություն բաժին և ընտրեք ռեստորանը։
- Սեղմեք
. - Ընտրեք դիմումի տեսակը Փոխել ռեստորանի տվյալները → Հաստատել լուսանկարի հեղինակային իրավունքները։
- Լրացրեք դիմումի պարամետրերը և սեղմեք Շարունակել։
Վերբեռնվել է լուսանկար ֆոտոբանկից
-
Լուսանկարն արդեն տեղադրված է ֆոտոբանկերից մեկում։ Լուսանկարը ծառայությունում տեղադրելու համար մեզ ուղարկեք կոմերցիոն օգտագործման լիցենզիա։ Եթե դուք ձեռք եք բերել լուսանկարը ֆոտոբանկից, ուղարկեք օգտագործման լիցենզիա կամ տեղեկություններ լուսանկարի գնման մասին։ Դրա համար՝
- Անցեք Տեխաջակցություն բաժին և ընտրեք ռեստորանը։
- Սեղմեք.
- Ընտրեք դիմումի տեսակը Փոխել ռեստորանի տվյալները → Հաստատել լուսանկարի հեղինակային իրավունքները։
- Լրացրեք դիմումի պարամետրերը և սեղմեք Շարունակել։
Լուսանկարում կան ավելորդ տարրեր
-
Լուսանկարում երևում են 18+ ապրանքներ, ինչպիսիք են էներգետիկ ըմպելիքները կամ ալկոհոլը։ Դա կարող է համարվել դրանք գովազդելու փորձ, ինչն անօրինական է։
Մարդիկ կամ մարմնի առանձին մասերը, ավելորդ իրերը և ձևավորման տարրերը լուսանկարում խանգարում են դիտարկել ուտեստը և շեղում են օգտատիրոջը։ Հեռացրեք ավելորդ տարրերը ֆոտոխմբագրիչի օգնությամբ կամ նորից լուսանկարեք։
Թերություններով կամ որակի սխալներով լուսանկար
-
Ուտեստ նկարահանելիս ավելի լավ է օգտագործել ցերեկային լույս կամ այն նմանակող պարամետրերով սարքավորում։ Համոզվեք, որ լուսանկարը խամրած չէ, իսկ մանրամասները մութ ու լուսավոր հատվածներում լավ տեսանելի են։
Համոզվեք, որ լուսանկարը շաղված չի և բավական հստակ է, որպեսզի օգտատերը կարողանա տեսնել ուտեստը։
Ուտեստի գույնը պետք է առավելագույնս մոտ լինի բնականին։ Մի օգտագործեք գունավոր զտիչներ, երբ նկարահանում և մշակում եք։
Ուտեստների լուսանկարների մերժման պատճառներ
Լուսանկարը չի համապատասխանում վերնագրին կամ նկարագրությանը
- Լուսանկարում ուտեստը չի համընկնում նկարագրության հետ։ Հնարավոր է՝ պատահաբար սխալ պատկեր է բեռնվել։ Եթե լուսանկարը համապատասխանում է ուտեստին, ստուգեք նկարագրությունը և նկարագրության մեջ նշված քանակը։
Լուսանկարների համամասնությունները խախտված են
-
Ուտեստը պետք է տեսանելի լինի լուսանկարում ամբողջությամբ՝ առանց հաշվի առնելու սպասքը։ Համոզվեք, որ սահմաններից դուրս որևէ կարևոր բան չի մնացել, և հաշվի առեք, որ հավելվածում ուտեստն ավելի խոշոր կերևա։
Շատ մի եզրատեք ուտեստը։ Դրեք ուտեստը կադրի կենտրոնում, բայց շատ խոշոր մի դարձրեք այն։ Հավելվածում լուսանկարները եզրատվում են մինչև 15% աջից և ձախից, մինչև 20%՝ վերևից և ներքևից. դա անհրաժեշտ է հաշվի առնել, որ որևէ կարևոր բան արդյունքում դուրս չմնա կադրից։
Ստուգեք ուտեստի թեքության անկյունը, որպեսզի ուտեստը ավելի հեշտ լինի զննել։ Անհրաժեշտ է, որ ուտեստը զուգահեռ լինի լուսանկարի ստորին եզրին։
Լուսանկարում ավելորդ բան կա
- Ջրանշանները, հայտարարությունները, զեղչերը, պրոմո-կոդերը, մակագրությունները, տարբերանշանը կամ ճաշացանկը, որտեղ գինը ցույց է տրված, խանգարում են ճաշատեսակը տեսնելուն և կարող են շեղել օգտատիրոջը։
Գլխավոր լուսանկարի մերժման պատճառներ
Լուսանկարում ավելորդ բան կա
- Լուսանկարում չպետք է լինեն ինտերիերներ, շենքեր, ցուցանակներ և տարբերանշաններ, որոնք ավելացվել են ֆոտոխմբագրիչով։ Որպեսզի լուսանկարն ուշադրություն գրավի, կադրում ավելացրեք 1-3 ուտեստ բացի դեկորից կամ փորձեք ավելի խիտ տեղավորել ուտեստները։
Կոմպոզիցիոն սխալ
-
Որպեսզի լուսանկարն ուշադրություն գրավի, ավելացրեք 1-3 ուտեստ բացի դեկորից կամ փորձեք ավելի խիտ տեղավորել ուտեստները։ Չափը մի անցեք, հակառակ դեպքում ստիպված եք լինելու հեռացնել ուտեստների կամ դեկորի մի մասը։
Հավելվածում գլխավոր լուսանկարը եզրատվում է մինչև 30% վերևից և ներքևից. համոզվեք, որ շրջանակի կենտրոնական մասը լցված է։
Անփույթ մշակում ֆոտոխմբագրիչով
-
Մշակումը չպետք է աչքի ընկնի, արդյունքը պետք է լինի հնարավորինս բնական։ Անփույթ մշակումը շեղում է ուտեստից և խանգարում է այն դիտարկել։
Եթե ուզում եք կտրել-հանել ուտեստը, փոխել ֆոնը, ավելացնել ստվեր կամ կոլաժ պատրաստել, դրա համար մի օգտագործեք հեռախոսի կամ դիտարկիչի հավելվածներ։
Շրջանակներ կամ սպիտակ գծեր՝ պատկերի եզրերի երկայնքով
-
Լուսանկարում կան ձևավորման ավելորդ տարրեր։ Դա կարող է լինել շրջանակ, մգացում անկյուններում կամ սպիտակ շերտեր եզրերին. դրանք կարող են հայտնվել, եթե լուսանկարը սխալ է եզրատվել։
Դա շեղում է ուտեստից և ավելի քիչ գրավիչ է դարձնում ճաշացանկը։ Ուղղելու համար ընտրեք մեկ այլ լուսանկար կամ ներբեռնեք պատկերի բնօրինակը՝ առանց ձևավորման լրացուցիչ տարրերի։
Գլխավոր լուսանկարը չի համապատասխանում ձեր ճաշացանկի հայեցակարգին
-
Գլխավոր լուսանկարը ձեր ռեստորանի այցեքարտն է։ Օգտատերերի ակնկալիքներն արդարացնելու և նրանց ուշադրությունը գրավելու համար ռեստորանի գլխավոր լուսանկարը պետք է արտացոլի ձեր ճաշացանկի հայեցակարգը։
Եթե պատահաբար սխալ լուսանկար է բեռնվել, կրկին փորձեք բեռնել նորը։
Եթե դուք ունեք որևէ դժվարություն գլխավոր լուսանկարը բեռնելիս, ուղարկեք լուսանկարը մեզ, մենք ինքնուրույն կբեռնենք այն։ Դրա համար՝
- Անցեք Տեխաջակցություն բաժին և ընտրեք ռեստորանը։
- Սեղմեք.
- Ընտրեք դիմումի Այլ տեսակը։
- Նկարագրեք իրավիճակը, ուղարկեք լուսանկարը կամ դրա հղումը և սեղմեք Շարունակել։