Առաքման գոտիներ

Գործընկեր առաքիչների առաքման գոտի

Ծառայության գործընկեր առաքիչների առաքման գոտին ավտոմատ է հաշվարկվում, այն հնարավոր չէ խմբագրել։ Շառավիղը կախված է առաքման արագությունից, առաքիչների ծանրաբեռնվածությունից և կարող է փոփոխվել օրվա ընթացքում։

Նման գոտին տեսնելու համար անցեք Առաքման գոտիներ բաժին և ընտրեք անհրաժեշտ ռեստորանը։

Ռեստորանի առաքիչների կողմից առաքման գոտի

Գործընկեր առաքիչների առաքման գոտին կարելի է ավելացնել և խմբագրել ինքնուրույն։

Գոտի ավելացնելու համար՝

1. Անցեք Առաքման գոտիներ բաժին և ընտրեք անհրաժեշտ ռեստորանը։

   

2. Սեղմեք Ավելացնել գոտի։

   

3. Ընտրեք գոտու պարամետրեր → Ստեղծել։

   

   Գոտի ստեղծել բլոկում

   Ընտրեք ստեղծման ցանկալի եղանակը՝ ավտոմատ, ֆայլից կամ ձեռքով։

   Առաքում բլոկում

   Ընտրեք առաքման ժամանակը ռեստորանից մինչև գոտու ամենահեռու կետը։ Նվազագույն ժամանակը՝ 15 րոպե, առավելագույնը՝ 300 րոպե։

   Կստուգենք նշված ժամանակը. համակարգն ավտոմատ կհուշի, եթե մուտքագրված արժեքն ավելի քիչ լինի։ Հաշվի կառնենք ճանապարհների իրավիճակը Yandex Maps-ով և առաքիչի տեսակը ձեր ռեստորանում։

   Մանրամասն այն մասին, թե ինչպես ենք հաշվարկում ժամանակը օգտատիրոջ համար, պատմում ենք հոդվածում։

   Առաքիչի տեսակ բլոկում

   Ընտրեք առաքիչի այն տեսակը, որն ավելի հաճախ է առաքումներ կատարում այս գոտում։ Դա կօգնի արդարացնել օգտատերերի ակնկալիքները՝ կապված առաքման ժամանակի հետ։ Կօգնի մեզ նաև ճիշտ ստեղծել ավտոմատ գոտի։

   Ուշադրություն դարձրեք, որ առաքչի տեսակն ազդում է առաքման արագության վրա։

   Առաքման պայմանները բլոկում

   Նշեք առաքման արժեքը և գումարը, որի դեպքում կառաքեք պատվերներ գոտում։ Դուք կարող եք ավելացնել մի քանի պայման. օրինակ՝ 0-ից մինչև 500 ₽ արժեքով պատվերների համար առաքման գինը կկկազմի Х ₽, իսկ 500-ից մինչև 1500 ₽ արժեքով պատվերների համար առաքման գինը կկազմի Y ₽։

   Մեր սահմանաչափերը.

   • Առաքման արժեքը՝ ոչ ավելի, քան 500 ₽
   • Նվազագույն պատվերի գումարը՝ ոչ ավելի, քան 3000 ₽

Պատրաստման և առաքման ընդհանուր ժամանակի հաշվարկի վերաբերյալ խորհուրդներ

Առաքման մոտավոր ժամանակը կարելի է հաշվել Yandex Maps-ում։ Դրա համար՝

1. Կառուցեք երթուղի՝ ռեստորանի հասցեից մինչև առաքման գոտու ամենահեռավոր կետը։

2. Ընտրեք առաքման եղանակը՝ հետիոտն առաքիչով, հեծանվով կամ մեքենայով առաքիչով։

3. Ստացված ժամանակը առաքման նվազագույն ժամանակն է գոտու համար։

Պատրաստման և առաքման ընդհանուր ժամանակը հաշվելու համար Yandex Maps-ում ստացված ժամանակին գումարեք ձեր պատրաստման միջին ժամանակը։

Գոտու ավտոմատ ավելացում

Առաքման ավտոմատ գոտի. դա ռեստորանի առաքիչներով առաքման գոտին է, որի շառավիղն ավտոմատ նկարում ենք ձեր տված պարամետրերի հիման վրա։

Սովորաբար գոտու սահմանների ստեղծումը տևում է առավելագույնը 2 րոպե։ Երբ դրանք պատրաստ լինեն, դուք կկարողանաք ինքնուրույն փոփոխել գոտու շառավիղը։

Նման գոտի ավելացնելիս Ստեղծել գոտի բլոկում ընտրեք Ավտոմատ։

Առաքման գոտու ավելացում ֆայլից

Առաքման գոտի ֆայլից. դա ռեստորանի առաքիչներով առաքման գոտին է, որը փոխանցում եք մեզ տեղորոշման տվյալներով ֆայլից։

Նման գոտի ավելացնելու դեպքում Ստեղծել գոտի բլոկում ընտրեք Ֆայլից.

• Եթե արդեն ունեք KML կամ GeoJSON ֆայլ, որի չափսը չի գերազանցում 30 ՄԲ-ն, քաշեք այն ֆայլով բլոկ։

  KML ֆայլի օրինակ

  GeoJSON ֆայլի օրինակ

• Եթե չունեք ֆայլ, նախապատրաստեք այն և քաշեք այս բլոկ։

  Ֆայլ ստեղծելու համար կարող եք օգտագործել Yandex Maps-ի Կոնստրուկտորից։

• Մենք քարտեզում միայն նշիչներ և գծեր կավելացնենք, այլ տարրեր չեն փոխանցվի։

• Եթե ֆայլում մեկից ավելի առաքման գոտիներ են ստեղծված, մենք կնկարենք միայն դրանցից մեկը։ Ստեղծեք առանձին ֆայլեր յուրաքանչյուր գոտու համար և ավելացրեք առաքման մի քանի գոտի։

  

Առաքման գոտու ավելացում ձեռքով

Առաքման գոտի ձեռքով. սա ռեստորանի առաքիչներով առաքման գոտին է, որը նկարում եք հավելվածում։

Նման գոտի ավելացնելիս Ստեղծել գոտի բլոկում ընտրեք Ձեռքով։

Գոտի նկարելը սկսելու համար սեղմեք քարտեզին։

Այնուհետև տեղափոխեք նշորդը և սեղմեք քարտեզի վրա, որպեսզի ֆիքսեք գոտու սահմանները։

Երբ ամեն ինչ պատրաստ լինի, սեղմեք Պահել։

Ինչպես է հաշվարկվում ժամանակը օգտատիրոջ համար

Երբ օգտատերերը ռեստորան են ընտրում, նրանք հաճախ կողմնորոշվում են նախորդ պատվերի դրական փորձով և ռեստորանի վարկանիշով. այդ երկու գործոնը բարելավելուն կօգնի առաքման ժամանակի հաշվարկի նոր գործիքը։

Որն է նոր գործիքի օգուտը

• Առաքման ավելի ճշգրիտ ժամանակը կօգնի կրճատել ուշացումների պատճառով պատվերների չեղարկումը և ցածր գնահատականները։
• Առաքման ժամանակի վերաբերյալ օգտատերերից ստացած բողոքների ավելի քիչ քանակը կօգնի բարձր պահել վարկանիշը։

Ինչպես ենք հաշվարկում ժամանակը օգտատիրոջ համար

1. Ամփոփենք.

   • պատրաստման նվազագույն ժամանակը՝ 15 րոպե,
   • 5 րոպե տրվում է պատվերի հավաքմանը, փաթեթավորմանը և փոխանցմանը․
   • Yandex Maps-ով ռեստորանից մինչև օգտատեր առաքման միջին ժամանակը՝ հաշվի առնելով խցանումները՝ առնվազն 10 րոպե։

2. Կիրառում ենք մերժման անհատական ​​գործակից՝ ըստ ուշացումների վերաբերյալ օգտատերերի բողոքների.

   • հաշվարկվում է ըստ ձեր վերջին 50 պատվերների.
   • եթե 10-ից պակաս պատվերներ ունեք, անհատական գործակիցը չենք կիրառում.
   • պատվերում ուշացման մասին վերջերս ստացած բողոքն ավելի մեծ կշիռ ունի գործակից հաշվելիս։

3. Կստուգենք, թե արդյոք ձեր նշած առաքման ժամանակը համընկնում է մեր հաշվարկածին.

   • եթե մենք նույնքան ժամանակ հաշվենք կամ ավելի քիչ, օգտատերը կտեսնի առաքման ձեր ժամանակը.
   • եթե մենք ավելի շատ ժամանակ հաշվենք, օգտատերը կտեսնի առաքման մեր ժամանակը։

   Ձեզ և օգտատիրոջը համակարգը ցույց կտա առաքման միևնույն ժամանակը։

Ինչպես կրճատել առաքման սեփական ժամանակը

• Ժամանակին սեղմեք Պատվերը պատրաստ է և Փոխանցել առաքիչին կարգավիճակները։ Այդպես օգտատերը կտեսնի, թե ինչ է կատարվում իր պատվերի հետ։ Իսկ մենք կվերահաշվարկենք առաքման մնացած ժամանակը. ցույց կտանք օգտատիրոջն ավելի ճշգրիտ արժեք և կզգուշացնենք ուշացման մասին, եթե պատվերը պլանավորվածից ուշ գա։ Արդյունքում ուշացումից բողոքները պետք է որ քչանան։ Մանրամասն այն մասին, թե ինչպես աշխատել կարգավիճակների հետ, պատմում ենք հոդվածում։
• Ստեղծեք մի շարք փոքր գոտիներ՝ մեկ մեծի փոխարեն. այդ կերպ դուք կարդարացնեք օգտատերերի սպասելիքները առաքման ժամանակի վերաբերյալ և կմեծացնեք պատվերի հավանականությունը։ Եթե մի քանի փոքր գոտի ունենաք, մենք կօգնենք օգտատիրոջը գտնել առաքման ամենաարագ ժամանակը։ Մանրամասները գոտիների մասին կարդացեք հոդվածում։
• Եթե չեք հասցնում պատրաստել պատվերները, միացրեք Մեծ ծանրաբեռնվածության ռեժիմը. դա կօգնի ձեզ պահպանել պատվերները, իսկ օգտատերերին՝ տեսնել պատվերի առաքման արդիական ժամանակը։ Թե ինչպես դա անել, կարդացեք հոդվածում։

Ինչպես փոփոխել, անջատել, միացնել կամ հեռացնել առաքման գոտին

Գոտին խմբագրելու համար

1. Անցեք Առաքման գոտիներ բաժին և ընտրեք անհրաժեշտ ռեստորանը։

   

2. Ընտրեք անհրաժեշտ գոտին և սեղմեք այն։

   

3. Խմբագրեք գոտու պարամետրերը → Պահել։

   

Գոտին անջատելու համար

Եթե ժամանակավորապես չեք կարող պատվերներ առաքել որոշակի գոտի, անջատեք այն.

1. Անցեք Առաքման գոտիներ բաժին և ընտրեք անհրաժեշտ ռեստորանը։

2. Անհրաժեշտ գոտու կողքին սեղմեք դեղին փոխանջատիչը։ Այն մոխրագույն կդառնա, իսկ գոտին ժամանակավորապես կանջատվի։

   

Գոտին միացնելու համար

1. Անցեք Առաքման գոտիներ բաժին և ընտրեք անհրաժեշտ ռեստորանը։

2. Անհրաժեշտ գոտու կողքին սեղմեք մոխրագույն փոխանջատիչը։ Այն դեղին կդառնա, իսկ գոտին կմիանա։

   

Գոտին հեռացնելու համար

Եթե այլևս չեք պլանավորում պատվերներ առաքել որոշակի գոտի, հեռացրեք այն.

1. Անցեք Առաքման գոտիներ բաժին և ընտրեք անհրաժեշտ ռեստորանը։

2. Ընտրեք անհրաժեշտ գոտին և սեղմեք այն։

3. Սեղմեք զամբյուկի պատկերակը։