Պատրաստման ժամանակը

Պատրաստման ժամանակը բաժնում ռեստորանները, որոնք առաքում են ծառայության գործընկերների միջոցով, կարող են տեսնել իրենց պատրաստման միջին ժամանակը, միացնել մեծ ծանրաբեռնվածությունը կամ տեսնել օգտակար ցուցումներ։

Պատրաստման միջին ժամանակը այն ժամկետն է, որի ընթացքում պատրաստում և փաթեթավորում եք պատվերները։ Ցուցանիշն ավտոմատ է հաշվարկվում՝ ըստ վերջին 200 կատարված պատվերների։

Ինչի վրա է ազդում պատրաստման ժամանակը

Պատվերների քանակի

Նրանք, ովքեր ավելի արագ են պատրաստում, ավելի գրավիչ են դառնում պատվիրատուի համար։

Որոնման արդյունքներում զբաղեցրած տեղի

Ռեստորանները, որոնք ավելի արագ են պատրաստում, կարող են հայտնվել ընդհանուր ցանկի ավելի բարձր դիրքերում, ավելի նկատելի դառնալ օգտատերերի համար և ավելի շատ պատվերներ ստանալ։

Ինչպես տեսնել պատրաստման միջին ժամանակը

Ժամանակը կարելի է իմանալ Պատրաստման ժամանակը բաժնում։ Ծառայության գործընկերների միջոցով առաքող ռեստորանների պատրաստման ժամանակը կլինի ընդհանուր ցանկում։

Ծառայության գործընկերների միջոցով առաքող ռեստորանների պատրաստման ժամանակը

Նման ռեստորաններում պատրաստման միջին ժամանակն ավտոմատ է հաշվարկվում՝ ըստ վերջին 200 պատվերների։

Որքան ավելի արագ եք պատրաստում և նշում պատվերի կարգավիճակները, այնքան նվազում է ժամանակը, և հակառակը։

Դիտարկենք օրինակներով.

Սկզբում ռեստորանը պատրաստում էր 30 րոպեում։ Հետո սկսեց ավելի արագ ստացվել. Պատվերը պատրաստ է կարգավիճակը նշվում էր պատվերը ստեղծելուց արդեն 20 րոպե հետո։ ↓ Համակարգը մի քանի անգամ ազդանշան ստացավ նոր ժամկետի մասին և նվազեցրեց պատրաստման ժամանակը մինչև 20 րոպեի։

Ռեստորանը միշտ պատրաստում էր 30 րոպեում։ Բայց վերջին պատվերների ժամանակ մոռանում էր ժամանակին սեղմել Պատվերը պատրաստ է կարգավիճակը, և այն ուշ էր սեղմվում։ ↓ Համակարգը մի քանի անգամ ազդանշան է ստացել նոր ժամկետի մասին և մեծացրել է պատրաստման ժամանակը։

Սեփական ուժերով առաքող ռեստորանների պատրաստման ժամանակը

Պատրաստման և առաքման ընդհանուր ժամանակի դինամիկ հաշվարկ

Պատրաստման ժամանակը բաժնում կարող եք ընտրել պատրաստման և առաքման ընդհանուր ժամանակի դինամիկ հաշվարկը։

Դինամիկ հաշվարկի դեպքում համակարգը մշտապես կարգավորում է ընդհանուր ժամանակը՝ կախված մի շարք ցուցանիշներից։

Դինամիկ հաշվարկով կարող եք՝

• ավելի շատ պատվերներ գրավել։ Եթե համակարգը որոշի, որ ռեստորանը կարող է ավելի արագ առաքել, ավելի կարճ ժամանակ կսահմանենք։ Այդ կերպ օգտատերերն ավելի հակված կլինեն ձեզնից պատվիրելու.

• կրճատել չեղարկումների քանակը և ուշացումների պատճառով ցածր գնահատականները.

• մեծացնել հավատարմությունը և օգտատերերի վերադարձի ցուցանիշը՝ արդարացնելով առաքման ժամանակի հետ կապված նրանց սպասելիքները․

• պահել բարձր վարկանիշը, քանի որ դինամիկ հաշվարկով կարելի է խուսափել առաքման արագության մասին բողոքներից։

Ինչպես է դա աշխատում

1. Ամփոփենք.

   • պատրաստմանը տրվում է առնվազն 15 րոպե.

   • 5 րոպե տրվում է պատվերի հավաքմանը, փաթեթավորմանը և փոխանցմանը․

   • ռեստորանից մինչև օգտատիրոջն առաքելու ժամանակը՝ հաշվի առնելով խցանումներն ըստ Yandex Maps-ի, կազմում է առնվազն 10 րոպե։

2. Կիրառում ենք մերժման անհատական ​​գործակից՝ ըստ ուշացումների վերաբերյալ օգտատերերի բողոքների.

   • հաշվարկվում է ըստ ձեր վերջին 50 պատվերների.

   • եթե 10-ից պակաս պատվերներ ունեք, անհատական գործակիցը չենք կիրառում.

   • պատվերում ուշացման մասին վերջերս ստացած բողոքն ավելի մեծ կշիռ ունի գործակից հաշվելիս։

3. Կստուգենք, թե արդյոք ձեր նշած առաքման ժամանակը համընկնում է մեր հաշվարկածին.

   • եթե ավելի քիչ ժամանակ հաշվենք, քան նշել եք գոտու համար, օգտատիրոջը ցույց կտանք առաքման մեր ժամանակը։ Ընդամենը մի քանի րոպեով կփոխենք ժամանակը, որպեսզի դուք չուշանաք, իսկ օգտատերերն ավելի արագ ստանան պատվերները։ Եթե չհասցնեք, կվերադարձնենք նախկինին.

   • եթե հաշվենք նույնքան ժամանակ, որքան ձեզ մոտ է, օգտատերը կտեսնի առաքման ձեր ժամանակը.

   • եթե ավելի շատ ժամանակ հաշվենք, օգտատերը կտեսնի առաքման մեր ժամանակը։

Ձեզ և օգտատիրոջը համակարգը ցույց կտա առաքման միևնույն ժամանակը։

Դիտարկենք օրինակներով.

Ռեստորան 1-ը համաձայնել է առաքման ժամանակի դինամիկ հաշվարկին։ Ռեստորանը առաքման գոտին սահմանել է 60 րոպեի շրջանակներում։ Օգտատերը, որը որոշել է պատվեր կատարել, ապրում է ռեստորանի հարևանությամբ։ Համակարգը հաշվի է առել պատվերի պատրաստման և հավաքման ժամանակը, ճանապարհին անցկացնելիք ժամանակը՝ հաշվի առնելով ճանապարհին եղած իրավիճակը։ Արդյունքում մենք հավելվածում ցույց ենք տվել առաքման իրական ժամանակը։ Այն նվազել է և ավելի արդիական դարձել օգտատիրոջ համար, այդ պատճառով նա որոշել է պատվիրել Ռեստորան 1-ում։

Ռեստորան 2-ը չի համաձայնել առաքման ժամանակի դինամիկ հաշվարկին։ Ռեստորանը առաքման գոտին սահմանել է 60 րոպեի շրջանակներում։ Օգտատերը, որը որոշել է պատվեր կատարել, ապրում է ռեստորանի հարևանությամբ։ Քանի որ դինամիկ հաշվարկ չի եղել, օգտատերը հավելվածում տեսել է կրկին 60 րոպե։ Նա չի ցանկացել այդքան սպասել, այդ պատճառով որոշել է այլ ռեստորան փնտրել, որն ավելի շուտ կառաքեր։ Արդյունքում Ռեստորան 2-ը պատվեր չի ստացել։

Ինչպես ընտրել պատրաստման և առաքման ընդհանուր ժամանակի դինամիկ հաշվարկը

Մեկ ռեստորանի համար

1. Անցեք Պատրաստման ժամանակը բաժին → Առանց դինամիկ հաշվարկի բլոկ։

2. Ընտրեք անհրաժեշտ ռեստորանը։

3. Սեղմեք Դինամիկ հաշվարկ → Միացնել 1 ռեստորանի համար։

Մի քանի ռեստորանի համար

1. Անցեք Պատրաստման ժամանակը բաժին → Առանց դինամիկ հաշվարկի բլոկ։

2. Սեղմեք Դինամիկ հաշվարկ ամեն ինչի համար → Միացնել X ռեստորանի համար։

Ինչպես կառավարել պատրաստման միջին ժամանակը

Ժամանակը կարելի է իմանալ Պատրաստման ժամանակը բաժնում։

Եթե չեք հասցնում պատրաստել դինամիկ հաշվարկով, կարող եք օգտվել հոդվածում նշված խորհուրդներից։ Իսկ եթե ձեզ մոտ դեռ միացված չէ դինամիկ հաշվարկը, բայց ժամանակը փոխել է պետք, գրեք մեզ Աջակցություն→ Այլ բաժնում, կօգնենք փոխել ժամանակը։

Ինչպես ազդել պատրաստման ժամանակի վրա

Ժամանակին նշեք պատվերի պատրաստվածության կարգավիճակները

Սեղմեք Պատվերը պատրաստ է, հենց որ ամեն ինչ պատրաստված, ստուգված և փաթեթավորված լինի, և Պատվերը փոխանցված է, երբ պատվերը փոխանցեք առաքիչին։

Միացրեք մեծ ծանրաբեռնվածության ռեժիմը, երբ չեք հասցնում պատրաստել

Պատրաստման ժամանակը բաժնում՝

1. Սեղմեք Մեծ ծանրաբեռնվածություն կոճակը անհրաժեշտ ռեստորանի կողքին։

   

2. Ընտրեք, թե քանի րոպեով է պետք երկարացնել պատրաստման ժամանակը, և մինչև երբ գործի նոր ժամանակը → Միացնել։ Այդ ժամկետը լրանալուց հետո պատրաստման ժամանակն ավտոմատ կվերադառնա ստանդարտին։

   

Պատվերներ բաժնում՝

1. Սեղմեք էջի վերևում գտնվող ռեստորանների փոխանջատիչը։

2. Ընտրեք անհրաժեշտ կետը և սեղմեք կայծակի պատկերակը։

   

3. Ընտրեք, թե քանի րոպեով է պետք երկարացնել պատրաստման ժամանակը, և մինչև երբ գործի նոր ժամանակը → Միացնել։ Այդ ժամկետը լրանալուց հետո պատրաստման ժամանակն ավտոմատ կվերադառնա ստանդարտին։

   

Իմ ռեստորանները բաժնում՝

1. Ընտրեք անհրաժեշտ ռեստորանը և սեղմեք կայծակի պատկերակը։

   

2. Ընտրեք, թե քանի րոպեով է պետք երկարացնել պատրաստման ժամանակը, և մինչև երբ գործի նոր ժամանակը → Միացնել։ Այդ ժամկետը լրանալուց հետո պատրաստման ժամանակն ավտոմատ կվերադառնա ստանդարտին։